کاشفی
محفلین
غزل
(ساغر نظامی)
بنا لیں گلستاں دل کو، نظر کو باغباں کرلیں
ہمارے بس میں ہو تو، اپنی دنیا جاوداں کرلیں
تعیّن وجہِ تسکیں ہے، تجاوز وجہ بربادی
قفس کو کیوں خیالوں میں حریف آشیاں کرلیں
ہَوا طوفانِ رنگ و بو کا ساماں لے کے آئی ہے
چمن والے ابھی سے انتظامِ گلستاں کرلیں
جنہیں مدِّنظر ہو امتحاں معیارِ وحشت کا
وہ پہلے اپنے معیارِ نظر کا امتحاں کرلیں
میں ناواقف سہی منزل سے، منزل مجھ سے واقف ہے
مجھے بھی قافلے والے شریکِ کارواں کرلیں
چمن میں جانے کل کس برق وش کی حُکمرانی ہو
ابھی سے عندلیب و گُل کو اپنا رازداں کرلیں
ہمارا حق ہے اے صیّاد، ہر غنچہ پہ، ہر گُل پر
جو ہم چاہیں تو ہر شاخِ چمن پر آشیاں کرلیں
گُل اپنے، غُنچے اپنے، گلستاں اپنا، بہار اپنی
گوارا کیوں چمن میں رہ کے ظلمِ باغباں کرلیں
اسی خاکِ چمن سے ابر خونیں بن کے اُٹھوں گا
وہ میرے خون سے رنگیں قبائے گلستاں کرلیں
یہ اک بجلی کہ رقصاں ہے، یہ اک شعلہ کہ عریاں ہے
جو مل جائے تو ہم روشن چراغِ آشیاں کرلیں
ہمارے سجدوں میں روحانیت ہے، تیرے جلوؤں کی
جبیں جس ذرّے پر رکھ دیں، مرتب آستاں کرلیں
نیا نوحہ لکھے گا کون مرگِ نوجوانی کا
مرا اک شعرِغم ہی یاد میرے نوحہ خواں کرلیں
نہ دے پھر کوئی غربت میں ثبوتِ آبلہ پائی
وہ ساغر کاش کانٹوں کو بھی اپنا ہم زباں کرلیں
(ساغر نظامی)
بنا لیں گلستاں دل کو، نظر کو باغباں کرلیں
ہمارے بس میں ہو تو، اپنی دنیا جاوداں کرلیں
تعیّن وجہِ تسکیں ہے، تجاوز وجہ بربادی
قفس کو کیوں خیالوں میں حریف آشیاں کرلیں
ہَوا طوفانِ رنگ و بو کا ساماں لے کے آئی ہے
چمن والے ابھی سے انتظامِ گلستاں کرلیں
جنہیں مدِّنظر ہو امتحاں معیارِ وحشت کا
وہ پہلے اپنے معیارِ نظر کا امتحاں کرلیں
میں ناواقف سہی منزل سے، منزل مجھ سے واقف ہے
مجھے بھی قافلے والے شریکِ کارواں کرلیں
چمن میں جانے کل کس برق وش کی حُکمرانی ہو
ابھی سے عندلیب و گُل کو اپنا رازداں کرلیں
ہمارا حق ہے اے صیّاد، ہر غنچہ پہ، ہر گُل پر
جو ہم چاہیں تو ہر شاخِ چمن پر آشیاں کرلیں
گُل اپنے، غُنچے اپنے، گلستاں اپنا، بہار اپنی
گوارا کیوں چمن میں رہ کے ظلمِ باغباں کرلیں
اسی خاکِ چمن سے ابر خونیں بن کے اُٹھوں گا
وہ میرے خون سے رنگیں قبائے گلستاں کرلیں
یہ اک بجلی کہ رقصاں ہے، یہ اک شعلہ کہ عریاں ہے
جو مل جائے تو ہم روشن چراغِ آشیاں کرلیں
ہمارے سجدوں میں روحانیت ہے، تیرے جلوؤں کی
جبیں جس ذرّے پر رکھ دیں، مرتب آستاں کرلیں
نیا نوحہ لکھے گا کون مرگِ نوجوانی کا
مرا اک شعرِغم ہی یاد میرے نوحہ خواں کرلیں
نہ دے پھر کوئی غربت میں ثبوتِ آبلہ پائی
وہ ساغر کاش کانٹوں کو بھی اپنا ہم زباں کرلیں
