بن وفا زندگی ۔۔۔۔۔۔ برائے تنقید و اصلاح

[loneliness4ever]

السلام علیکم

امید ہے تمام احباب خیر سے ہونگے
ایک اور کوشش تمام احباب کی خدمت میں
رائے سے نوازیں، اصلاح فرمائیں

اللہ آباد و خوشحال رکھے تمام احباب کو۔۔۔ آمین

فاعلن فاعلن

بن وفا زندگی
ہے سزا زندگی

ہر خوشی ہو تری
یہ دعا زندگی

شہر کی خامشی
تو سنا زندگی

اس نگر میں رہی
لب کشا زندگی

کس فلک جا بسی
تو بتا زندگی

مت کہو تم سزا
ہے عطا زندگی

مصطفے پر فدا
ہو خدا زندگی

ہر برے سے بھلا
یوں بیتا زندگی

دسترس میں کہاں
ہے بھلا زندگی

اجنبی سی لگی
تو سدا زندگی

شہر میں ہے ندا
آبھی جا زندگی

خون میں تر رہی
جا بجا زندگی

رات دن یاد میں
ہے دیا زندگی

بار ِ جاں تھک گیا
روٹھ جا زندگی

مصطفے مصطفے
یہ ندا زندگی

یا علی یا علی
یہ صدا زندگی

کربلا کا بیاں
فلسفہ زندگی

مدتیں جی لیا
ہو جدا زندگی

عاشق ِ مصطفے
پر فدا زندگی

خاک ہے دربدر
اب رلا زندگی

تو ملے کس جگہ
یہ بتا زندگی

کوچ کر زاد ِ جاں
اب گرا زندگی

داستاں اب مری
پھر سنا زندگی

شبنمی گل حسیں
پھر رُلا زندگی

یاد کو تو مری
بھول جا زندگی

سن مخمور