بوسٹن: مشتبہ ملزمان اور پولیس کا تعاقب

[محسن وقار علی]

امریکی شہر بوسٹن میں پیر کو میراتھن کے دوران ہونے والے دھماکوں میں پولیس کو مطلوب ایک شخص کی ہلاکت کے بعد اس کے دوسرے ساتھی کی تلاش کے لیے شہر کے قریبی قصبے واٹر ٹاؤن میں پولیس کا آپریشن جاری ہے

بہ شکریہ بی بی سی اردو

 

[محسن وقار علی]

یہ مشتبہ شخص ان دو افراد میں سے ایک ہے جو وفاقی تحقیقاتی ادارے ایف بی آئی کو بوسٹن میراتھن دھماکوں کے سلسلے میں مطلوب ہیں اور جمعرات کو ان کے خاکے بھی جاری کیے گئے تھے

 

[محسن وقار علی]

یہ آپریشن بوسٹن کے نواحی علاقے کیمبرج میں واقع معروف امریکی یونیورسٹی میساچوسٹس انسٹی ٹیوٹ آف ٹیکنالوجی کے کیمپس میں دو افراد شخص کی فائرنگ سے پولیس اہلکار کی ہلاکت کے بعد شروع ہوا

 

[محسن وقار علی]

حکام کا کہنا ہے کہ مقتول پولیس افسر جمعرات کی رات کشیدگی کی خبر سن کر وہاں پہنچے تھے جہاں انہیں فائرنگ کر کے زخمی کر دیا گیا اور بعد میں وہ ہسپتال میں چل بسے

 

[محسن وقار علی]

مقامی پولیس کا کہنا ہے کہ اس واقعے میں ملوث افراد بعدازاں ایک گاڑی چھین کر فرار ہوئے اور یہ دونوں بوسٹن میراتھن دھماکوں کے سلسلے میں بھی پولیس کو مطلوب ہیں

 

[محسن وقار علی]

پولیس کا کہنا ہے کہ بوسٹن سے چھ میل دور واقع واٹرٹاؤن نامی قصبے میں تعاقب کے دوران ان افراد نے پولیس پر فائرنگ کی اور دستی بم بھی پھینکے جس سے ایک اہلکار شدید زخمی بھی ہوا ہے

 

[محسن وقار علی]

واٹرٹاؤن میں عینی شاہدین کا کہنا ہے کہ انھوں نے وہاں گولیوں اور دھماکے کی آوازیں سنی ہیں

 

[محسن وقار علی]

پولیس کے مطابق ایک ملزم تعاقب کے دوران فائرنگ کے تبادلے میں ہلاک ہو گیا ہے جبکہ وہ دوسرے مشتبہ شخص کا پیچھا کر رہی ہے جس کی سفید ٹوپی پہنے ہوئے تصویر گزشتہ روز جاری کی گئی تھی

 

[محسن وقار علی]

حکام کے مطابق فوٹیج میں دو مشتبہ ملزمان میں سے ایک نظر آ رہا ہے، جس نے کالی ٹوپی پہن رکھی ہے اور اس کے پاس ایک بھاری دستی بیگ تھا۔ تفتیش کاروں کا کہنا ہے کہ میراتھن دوڑ میں استعمال ہونے والے بم ممکنہ طور پر پریشر ککر میں نصب کیے گئے تھے

 

[محسن وقار علی]

ہوم لینڈ سکیورٹی اور وفاقی تفتیشی ادارے ایف بی آئی کے نشر کردہ بلیٹن میں ایک سیاہ رنگ کا پشتی بیگ، ایک دھماکا خیز آلہ اور دھات کے ٹکڑے دکھائے گئے تھے

 

[محسن وقار علی]

ایک ویڈیو فوٹیج میں ایک مشتبہ شخص زمین پر لیٹا ہوا ہے، پولیس اس مشتبہ شخص کو حراست میں لے کر اپنے ساتھ لے گئی

 

[محسن وقار علی]

پیر کو بوسٹن میں میراتھن دوڑ کی اختتامی لائن کے قریب ہونے والے دو دھماکوں میں 3 افراد ہلاک اور 170 سے زائد افراد زخمی ہو گئے تھے

 

[عسکری]

یہ چیچن پتا نہین دنیا سے کس بات کا بدلہ لے رہے ہیں پاکستان میں ہونے والے کئی ہائی پروفائل حملوں میں بھی ازبک اور چیچن تھے نا جانے ان کا کیا بگاڑا ہے ہم نے ۔امریکہ کا چیچنیا سے کیا لینا دینا ہے جو ان کو جا کر مار رہے ہین یہ ظالم درندے ۔