بول سکھی،،، دل نے کس پل اکسایا ہوگا

[حمیرا عدنان]

بول سکھی دل نے کس پل اکسایا ہوگا؟
پگلی جس پل اس کا درشن پایا ہوگا

بول سکھی، کیوں چندا مجھ کو تانکے جھانکے؟
پگلی اس کو آخر کچھ تو بھایا ہوگا

بول سکھی، نینوں سے نیند چرائی کس نے؟
پگلی وصل کا جس نے خواب دیکھا ہوگا

بول سکھی وہ روٹھا روٹھا کیوں لاگے ہے؟
پگلی بیری لوگوں نے سکھلایا ہوگا

بول سکھی کیوں منوا جل کر طور بنا ہے؟
پگلی پریتم نے جلوہ دکھلایا ہوگا

بول سکھی کیوں سرخ گلاب کسی نے بھیجا؟
پگلی پریت کا سندیسہ بھجوایا ہوگا

بول سکھی یہ تن میں کس کی بھینٹ چڑھاؤں؟
پگلی جس کے کارن جیون پایا ہوگا

بول سکھی نٹ کھٹ سکھیاں کیوں چھیڑیں مجھ کو؟
پگلی تو نے بھید انہیں بتلایا ہوگا

بول سکھی منڈیر پر کاگا کیوں بولے ہے؟
پگلی تیرے در پر جوگی آیا ہو گا

بول سکھی وہ بن ٹھن کر کیوں نکلے گھر سے؟
پگلی بیرن سوتن نے بلوایا ہوگا


یہ نظم tapatalk سے لی ہے

 

[فاتح]

فاخرہ بتول کی خوبصورت نظم ۔ شکریہ

 

[سید عاطف علی]

پگلی پریت کا سندس بھجوایا ہوگا

سندس کی جگہ کہیں سندیسہ تو نہیں ؟
کچھ اورکتابت کی تصحیح کے مقامات نظر آرہے ہیں ۔

 

[حمیرا عدنان]

یہ ٹمبلر سے لی ہیں تصاویر

 

[حمیرا عدنان]

بول سکھی ، دل نے کس پل اُکسایا ہو گا ؟
پگلی ، جس پل اُس کا درشن پایا ہو گا
بول سکھی ، کیوں چندا مُجھ کو تاکے جھانکے؟
پگلی ، اُس کو آخر کچھ تو بھایا ہو گا
بول سکھی ، نینوں سے نیند چُرائی کس نے ؟
پگلی ، وصل کا جس نے خواب دکھایا ہو گا
بول سکھی ، وہ رُوٹھا رُوٹھا کیوں لاگے ہے ؟
پگلی ، بیری لوگوں نے سکھلایا ہو گا
بول سکھی ، کیوں منوا جل کر طُور بنا ہے ؟
پگلی ، پیتم نے جلوہ دِکھلایا ہو گا
بول سکھی ، کیوں سُرخ گُلاب کسی نے بھیجا؟
پگلی ، پیت کا سندیسہ بھجوایا ہو گا
بول سکھی ، یہ تَن مَن کس کی بھینٹ چڑھاؤں ؟
پگلی ، جس کے کارن جیون پایا ہو گا
بول سکھی ، کیوں نٹ کھٹ سکھیاں چھیڑیں مجھ کو ؟
پگلی ، تو نے بھید اُنہیں بتلایا ہو گا
بول سکھی ، منڈیر پہ کاگا کیوں بولے ہے ؟
پگلی ، تیرے در پر جوگی آیا ہو گا !
بول سکھی ، وہ بن ٹھن کر کیوں نکلا گھر سے ؟
پگلی ، بیرن سوتن نے بُلوایا ہو گا
فاخرہ بتول

اور یہ فیس بک پر موجود ہے

 

[فاتح]

سندس کی جگہ کہیں سندیسہ تو نہیں ؟
کچھ اورکتابت کی تصحیح کے مقامات نظر آرہے ہیں ۔

فاخرہ بتول کی نظموں میں وزن کی اغلاط پہلے بھی نظر آتی رہی ہیں لیکن انہیں کتابت سمجھ کر نظر انداز کیا ہے