بابا بلھے شاہ بھانویں جان نہ جان وے، ویہڑے آ وڑ میرے - بلھے شاہ

[فرخ منظور]

بھانویں جان نہ جان وے، ویہڑے آ وڑ میرے
میں تیرے قربان وے، ویہڑے آ وڑ میرے

تیرے جیہا مینوں ہور نہ کوئی
ڈھونڈاں جنگل، بیلا، روہی
ڈھونڈاں تاں سارا جہان وے، ویہڑے آ وڑ میرے
میں تیرے قربان وے، ویہڑے آ وڑ میرے

لوکاں دے بھانے چاک مہیں دا
رانجھا تاں لوکاں وِچ کہیندا
ساڈا تاں دین ایمان وے، ویہڑے آ وڑ میرے
میں تیرے قربان وے، ویہڑے آ وڑ میرے

شاہ عنایت سائیں میرے
ماپے چھوڑ لگی لڑ تیرے
لائیاں دی لج جان وے، ویہڑے آ وڑ میرے
میں تیرے قربان وے، ویہڑے آ وڑ میرے

 

[محمد وارث]

واہ جی واہ، بہت خوب تے شکریہ تہاڈا شیئر کرن لئی!

 

[فرخ منظور]

شکریہ وارث صاحب، ظہور صاحب، تیلے شاہ، محسن حجازی -