بھریا نی ویہڑا میرا سجناں نال، اَج بھریا نی

[یوسف سلطان]

بھریا نی ویہڑا میرا سجناں نال، اَج بھریا نی
ماہی مرا میرے ویہڑے وڑیا،اوہ ویکھو چن چڑھیا نی
پائے پَیر سجن گھر میرے،تک کے مَن ٹھریا نی
دیکھ لواں تینوں ہنڑتے آجا،دم آکھیاں وچ اڑیا نی
مُڑ مُڑ کہندا کُھوہ دا بوکا،جو ڈُبیا اوہ تریا نی
دیکھ ذرا توں مُکھ ماہی دا،رُوپ جنابوں چڑھیا نی
چنگے چنگےاُوتھے پہنچ ناہیں سکے،جتھے میرامقدرلڑیا نی
وانگ حسین دے زندہ ہوجا،جوڈریا اورمریا نی
عبدالقادرپِیردے صدقے،ڈُبدِی دا ہتھ پَھڑیا نی
لوہا لکڑی نال جے لگیا ،تریا دے سنگ تریا نی
بِن دسَے گھر آیا ساجن،ایہہ چن کدھروں چھڑھیا نی
یار مینوں اَج گل نال لایا ، دشمن دا دل سڑیا نی
مُکدی گل نصیر مکاواں،او جتیا میں ہریا نی
بھریا نی ویہڑا میرا سجناں نال، اَج بھریا نی

پیر نصیرالدین نصیر رحمتہ اللہ علیہ

​

 

[عبدالقیوم چوہدری]

ماشااللہ۔ سبحان اللہ۔ کہ ای شاندار کلام اے تے کیا ہی سوہنا پڑھن دا انداز اے پیر صاحب مرحوم و مغفور دا۔ اللہ جی کروٹ کروٹ جنت نصیب فرمان نیں۔ آمین

 

[یوسف سلطان]

ای شاندار کلام اے تے کیا ہی سوہنا پڑھن دا انداز اے پیر صاحب مرحوم و مغفور دا۔

کوئی شک نہیں،

اللہ جی کروٹ کروٹ جنت نصیب فرمان نیں۔ آمین

آمین ثم آمین