بہترین ویب براؤزر

[عمار ابن ضیا]

انٹرنیٹ استعمال کرتے میں، کئی دفعہ جو ایک فیصلہ کرنے میں مجھے مشکل ہوئی، وہ یہ کہ سب سے اچھا ویب براؤزر کون سا ہے؟ بلاشبہ مائیکروسوفٹ کے انٹرنیٹ ایکسپلورر سے بہتر ڈسپلے اور فیچر کہیں نہیں ملے، لیکن مسئلہ یہ ہے کہ انٹرنیٹ ایکسپلورر (خاص طور پر ساتواں ورژن) کمپیوٹر پر کافی لوڈ ڈال دیتا ہے... کمپیوٹر بہت slow ہوجاتا ہے. مجھے تو محسوس ہوتا ہے کہ IE سائٹ براؤز کرنے میں بھی زیادہ وقت لیتا ہے....
فائر فوکس بلاشبہ تیز رفتار ہے لیکن اس کا ڈسپلے.... توبہ توبہ... فونٹس بھی بالکل بے جان نظر آتے ہیں اور دائیں سے بائیں اسکرولنگ کا تو سوال ہی پیدا نہیں ہوتا... ایسے میں کیسے چلے گا؟
اوپرا کئی جگہ یونیکوڈ اردو کے لیے مسئلہ کردیتا ہے... آج دوبارہ اس پر تجربہ کرنے کی ٹھانی.... ویب ایڈیٹر میں ٹیکسٹ لکھتا ہوں، اور پھر اگر اس میں کچھ تبدیلی کے لیے کرسر ذرا پیچھے لے جانا چاہوں تو دائیں طرف کا بٹن دبانے کے بجائے بائیں طرف کا دبانا پڑتا ہے... یعنی کہ الٹا حساب...
پھر، فلاک انسٹال کیا... لیکن وہ بھی موزیلا کی نقل ہے....
ایک اور براؤزر ڈاؤن لوڈ کرکے انسٹال دے مارا.... نام ہے Avant Browser.... یہ بھی رفتار میں تھوڑا ہلکا واقع ہوا ہے.... یہ دراصل IE پر ہی انحصار کرتا ہے.... جیسے AM Browser. تاہم Avant Browser میں فونٹس کا ڈسپلے اچھا ہے... (شاید IE پر منحصر ہے اس لیے...)
یہ دھاگہ کھولنے کا مقصد یہ ہے کہ یہاں آپ تمام ساتھی، دو باتیں بیان کریں....
ایک یہ کہ آپ کون سا ویب براؤزر استعمال کرتے ہیں؟
دوسرا یہ کہ آپ کو سب سے بہتر ویب براؤزر کون سا لگتا ہے؟
جوابات کا منتظر

 

[قیصرانی]

میں‌ نے ونڈوز، لینکس دونوں‌ پر بہت سے براؤزر آزمائے ہیں. سب سے اچھا رزلٹ فائر فاکس کا لگا

 

[عمار ابن ضیا]

فائر فوکس پر میرے اعتراضات

میں‌ نے ونڈوز، لینکس دونوں‌ پر بہت سے براؤزر آزمائے ہیں. سب سے اچھا رزلٹ فائر فاکس کا لگا

فونٹس ڈسپلے پھیکا ہے.
ویب پیجز کی چوڑائی زیادہ ہو تو دائیں سے بائیں اسکرولنگ کی سہولت نہیں.
یہاں اردو ویب پیڈ میں لکھو تو کرسر جہاں ہے، حقیقتا وہاں نہیں ہوتا. یعنی اگر میں نے ایک جملے میں کسی جگہ کرسر رکھا اور پھر کچھ مٹایا یا اضافہ کیا تو وہ اضافہ کرسر کی جگہ پر سے نہیں ہوگا بلکہ کہیں آگے پیچھے سے ہونے لگے گا.
اچھا، خاصا میں بھی فائر فوکس ہی استعمال کررہا تھا لیکن اس طرح کی بار بار ہونے والی پریشانیوں نے مجھے تنگ کرکے رکھ دیا ہے....!

 

[عمار ابن ضیا]

اوپرا پر اعتراضات

ابھی، میں یہ تحریر اوپرا پر لکھ رہا ہوں... اس پر جو اعتراضات ہیں، وہ شاید صرف اردو محفل تک محدود ہیں.
یوزر نیم لکھنے کی جگہ پر اس کا اردو ویب پیڈ اپنی موجودگی کا اعلان سبز رنگ سے کرتا تو ہے لیکن کام نہیں کرتا. کمپیوٹر سے ہی اردو منتخب کرکے یوزر نیم لکھنا پڑتا ہے. یہی حرکت، کوئی پوسٹ لکھتے ہوئے اس کا عنوان دیتے وقت پیش آتی ہے. یعنی متن کی جگہ پر تو ویب پیڈ اردو لکھتا ہے لیکن عنوان کی جگہ پر کمپیوٹر سے ہی لکھنی پڑتی ہے.
میں کوئی پوسٹ لکھتا ہوں اور کچھ ترمیم کے لیے جیسے اگر ٹیکسٹ کرسر پیچھے کی طرف لے جانا چاہوں تو اصولا مجھے دائیں طرف اشارہ والا بٹن دبانا چاہئے لیکن یہاں اوپرا میں مجھے بائیں طرف لے جانے والا بٹن دبانا پڑتا ہے تو ٹیکسٹ کرسر دائیں طرف جاتا ہے... (پتا نہیں میں اس بات کی وضاحت کر پایا ہوں صحیح سے یا نہیں(

 

[علمدار]

عمار بھائی کیوں سب براؤزر کو رگڑا لگا رہے ہیں اصل میں اگر آپ کے پاس پی سی جاندار ہو نیٹ کنکشن بھی اچھا ہو تو براؤزر چاہے کوئی بھی ہو سب سیٹ چلتا ہے-
مجھے فائر فوکس پسند ہے اور ڈی ایس ایل نیٹ کنکشن پر یہ زبردست چلتا ہے پر یونی کوڈ سائٹس کے حوالے سے Ie میرے خیال میں سب سے بہترین ہے-

 

[عمار ابن ضیا]

عمار بھائی کیوں سب براؤزر کو رگڑا لگا رہے ہیں اصل میں اگر آپ کے پاس پی سی جاندار ہو نیٹ کنکشن بھی اچھا ہو تو براؤزر چاہے کوئی بھی ہو سب سیٹ چلتا ہے-
مجھے فائر فوکس پسند ہے اور ڈی ایس ایل نیٹ کنکشن پر یہ زبردست چلتا ہے پر یونی کوڈ سائٹس کے حوالے سے Ie میرے خیال میں سب سے بہترین ہے-

فائر فوکس تو میرے ڈائل اپ پر بھی کسی نہ کسی طرح چل جاتا ہے لیکن یہ پی۔سی جاندار اور نیٹ کنکشن اچھا۔۔۔۔ یہ ہر پاکستانی کہاں سے لائے۔۔۔
بہرحال۔۔۔ واپس فائر فوکس سے کمپرومائز کرنا پڑا۔۔۔۔ مجبوری ہے۔۔۔!

 

[نصیرحیدر]

فائر فوکس تو میرے ڈائل اپ پر بھی کسی نہ کسی طرح چل جاتا ہے لیکن یہ پی۔سی جاندار اور نیٹ کنکشن اچھا۔۔۔۔ یہ ہر پاکستانی کہاں سے لائے۔۔۔
بہرحال۔۔۔ واپس فائر فوکس سے کمپرومائز کرنا پڑا۔۔۔۔ مجبوری ہے۔۔۔!

ڈائل اپ پر اوپیرا اچھا چلتا ہے۔تاہم اردو سائٹس کے لیے آئی ای ہی موزوں ہے۔

 

[پاکستانی]

فائر فاکس بہترین ہے۔

آزمودہ نسخہ ہے

 

[موجو]

اچھا براؤزر

السلام علیکم ورحم؎ اللہ وبرکاتہ
محترم بھائیو ! مجھے کافی پریشانی رہی پہلے یہ لومڑی والا براؤزر چلاتارہا لیکن میں تو اسے لومڑی کی طرح چا لاک ہی سمجھتا ہوں یہ بھی ایکسپلورر سات کی طرح وخت ڈال دیتا تھا میرے کمپیوٹر کو
میرے ایک دوست نے مشورہ دیا کہ کہ ایڈ اونز وغیرہ نہ لومڑی پر لادوں لیکن پھر بھی یہ لومڑی نہیں بھاگی بلکہ چلتی بھی کچھوے کی طرح ہے
پھر مجھے جو براؤزر بھایا ہے وہ اوپیرا OPera ہے آپ بھی ٹرائی کریں اور بتائیں ہلکا پھلکا ہے اور کام بھی باقیوں کی نسبت بہتر کرتا ہے لیکن اردو کا اس میں کافی مسلہ ہے فونٹس صحیح ڈسپلے نہیں ہوتے لیکن براؤزنگ اس میں تیز ہوتی ہے

 

[فہیم]

ویسے تو آج کل فائر فاکس سے دوستی ہوئی وی ہے۔

لیکن میرا آل ٹائم فیورٹ براؤزر انٹرنیٹ ایکسپلورر 6 ہے

کیوں کے ہر براؤزر میں کچھ نہ کچھ مسئلہ ہے۔

لیکن یہ ہر قسم کے مسئلوں سے آزاد ہے۔