ناز خیالوی "بہت عرصہ گنہگاروں میں پیغمبر نہیں رہتے" نازؔ خیالوی

[فرحان محمد خان]

بہت عرصہ گنہگاروں میں پیغمبر نہیں رہتے
کہ سنک و خشت کی بستی میں شیشہ گر نہیں رہتے

ادھوری ہر کہانی ہے یہاں ذوقِ تماشہ کی
کبھی نظریں نہیں رہتیں کبھی منظر نہیں رہتے

بہت مہنگی پڑے گی پاسبانی تم کو غیرت کی !
جو دستاریں بچا لیتے ہیں ان کے سر نہیں رہتے

مجھے نادم کیا کل رات دروازے نے یہ کہہ کر
شریف انسان گھر سے دیر تک باہر نہیں رہتے

خود آگاہی کی منزل عمر بھر ان کو نہیں ملتی
جو گوچہ گرد اپنی ذات کے اندر نہیں رہتے

پٹخ دیتا ہے ساحل پر سمندر مُردہ جسموں کو
زیادہ دیر تک اندر کے کھوٹ اندر نہیں رہتے

بجا ہے زعم سورج کو بھی نازؔ اپنی تمازت پر
ہمارے شہر میں بھی موم کے پیکر نہیں رہتے
نازؔ خیالوی
​

 

[اَبُو مدین]

بہت عرصہ گنہگاروں میں پیغمبر نہیں رہتے
کہ سنگ و خشت کی بستی میں شیشہ گر نہیں رہتے

ادھوری ہر کہانی ہے یہاں ذوقِ تماشہ کی
کبھی نظریں نہیں رہتیں، کبھی منظر نہیں رہتے

بہت مہنگی پڑے گی پاسبانی تم کو غیرت کی!
جو دستاریں بچا لیتے ہیں ان کے سر نہیں رہتے

مجھے نادم کیا کل رات دروازے نے یہ کہ کر
شریف انسان گھر سے دیر تک باہر نہیں رہتے

خود آگاہی کی منزل عمر بھی ان کو نہیں ملتی
جو کوچہ گرد اپنی ذات کے اندر نہیں رہتے

پٹخ دیتا ہے ساحل پر سمندر مردہ جسموں کو
زیادہ دیر تک اندر کے کھوٹ اندر نہیں رہتے

بجا ہے زعم سورج کو بھی نازؔ اپنی تمازت پر
ہمارے شہر میں بھی موم کے پیکر نہیں رہتے

لہو کے پھول
(نازؔ خیالوی)​

 

[سید عمران]

مطلع کا پہلا مصرع غضب کا ہے...

 

[اَبُو مدین]

محمد وارث صاحب سے گزارش ہے کہ پسندیدہ کلام کے زمرے میں ناز خیالوی صاحب کا سابقہ بھی شامل کر دیا جائے تو عین نوازش ہو گی۔

 

[مریم افتخار]

بعض اشعار کمال ہیں۔
بہت خوب!

جو کوچہ گرد اپنی ذات کے اندر نہیں ملتے

اس شعر میں ردیف 'رہتے' کیوں نہیں نبھایا گیا ؟
کیا ایسا ممکن ہے یا یہ ٹائپو ہے؟

 

[لاریب مرزا]

خوب انتخاب ہے!!

 

[اَبُو مدین]

بعض اشعار کمال ہیں۔
بہت خوب!



اس شعر میں ردیف 'رہتے' کیوں نہیں نبھایا گیا ؟
کیا ایسا ممکن ہے یا یہ ٹائپو ہے؟

زیادہ امکان ٹائپو ہی کے لگتے ہیں۔ کتاب سے دوبارہ چیک کر کے تبدیل کیے دیتا ہوں۔ پسند کرنے اور نہایت شائستگی سے توجہ دلانے کا بہت بہت شکریہ۔ جزاک اللہ۔

 

[اَبُو مدین]

خوب انتخاب ہے!!

بہت شکریہ۔ جزاک اللہ۔

 

[فرحان محمد خان]

بہت عرصہ گنہگاروں میں پیغمبر نہیں رہتے
کہ سنگ و خشت کی بستی میں شیشہ گر نہیں رہتے

ادھوری ہر کہانی ہے یہاں ذوقِ تماشہ کی
کبھی نظریں نہیں رہتیں، کبھی منظر نہیں رہتے

بہت مہنگی پڑے گی پاسبانی تم کو غیرت کی!
جو دستاریں بچا لیتے ہیں ان کے سر نہیں رہتے

مجھے نادم کیا کل رات دروازے نے یہ کہ کر
شریف انسان گھر سے دیر تک باہر نہیں رہتے

خود آگاہی کی منزل عمر بھی ان کو نہیں ملتی
جو کوچہ گرد اپنی ذات کے اندر نہیں رہتے

پٹخ دیتا ہے ساحل پر سمندر مردہ جسموں کو
زیادہ دیر تک اندر کے کھوٹ اندر نہیں رہتے

بجا ہے زعم سورج کو بھی نازؔ اپنی تمازت پر
ہمارے شہر میں بھی موم کے پیکر نہیں رہتے

لہو کے پھول
(نازؔ خیالوی)​

جناب لہو کے پھول نہیں (تم اِک گورکھ دھندا ہو)

 

[فرحان محمد خان]

"بہت عرصہ گہنگاروں میں پغمبر نہیں رہتے" نازؔ خیالوی
یہ میں بھی پوسٹ کر چکا ہوں

 

[فرحان محمد خان]

نازؔ خیالوی کی کتاب "لہو کے پھول" تم اِک گورکھ دھندا ہو نام سے منظرِ عام پر آئے چکی ہے

 

[محمد عظیم الدین]

مجھے نادم کیا کل رات دروازے نے یہ کہہ کر
شریف انسان گھر سے دیر تک باہر نہیں رہتے

زبردست

 

[اَبُو مدین]

"بہت عرصہ گہنگاروں میں پغمبر نہیں رہتے" نازؔ خیالوی
یہ میں بھی پوسٹ کر چکا ہوں

میں نے "سرچ" کرنے کی کوشش کی تھی لیکن رزلٹ میں نہیں آئی (شاید آپ کے عنوان میں لفظ پیغمبر کی وجہ سے) اور سابقہ نہ ہونے کی وجہ سے مجھے لگا شاید ناز خیالوی صاحب کی یہ غزل موجود نہیں ہے محفل میں۔ توجہ دلانے اور ضم کرنے کا شکریہ۔

 

[اَبُو مدین]

جناب لہو کے پھول نہیں (تم اِک گورکھ دھندا ہو)

میرے پاس جو ناز خیالوی صاحب کی کتاب ہے اس کا عنوان "لہو کے پھول" ہی ہے محترم اور یہ اس کی پہلی غزل ہے۔

 

[اَبُو مدین]

پیارے بھائی فرحان محمد خان آپ کی توجہ کا طلب گار ہوں۔

بہت عرصہ گہنگاروں میں پیغمبر نہیں رہتے
کہ سنک و خشت کی بستی میں شیشہ گر نہیں رہتے

عنوان پہ بھی ایک دفعہ پھر نظرِ ثانی فرما لیں۔

 

[فرحان محمد خان]

پیارے بھائی فرحان محمد خان آپ کی توجہ کا طلب گار ہوں۔

عنوان پہ بھی ایک دفعہ پھر نظرِ ثانی فرما لیں۔

پیارے بھائی ٹائپو

 

[فرحان محمد خان]

میرے پاس جو ناز خیالوی صاحب کی کتاب ہے اس کا عنوان "لہو کے پھول" ہی ہے محترم اور یہ اس کی پہلی غزل ہے۔

ایک چھوٹی سی وضاحت کے خضرتِ نازؔ خیالوی نے کتاب کا نام لہو کے پھول ہی رکھا تھا لیکن ان کی وفات کے بعد ان کے شاگرد جناب جاوید اقبال زاہد چنیوٹی نے اُن کی کتاب منظرِ عام پر لائی اور کتاب کا نام تبدیل کر کے تم اِک گورکھ دھندا ہو کر دیا اس کتاب کی اشاعت 2014 میں ہوئی

 

[اَبُو مدین]

میرے پاس جو کتاب ہے اس کی اشاعت سن 2012 کی ہے۔

ایک چھوٹی سی وضاحت کے خضرتِ نازؔ خیالوی نے کتاب کا نام لہو کے پھول ہی رکھا تھا لیکن ان کی وفات کے بعد ان کے شاگرد جناب جاوید اقبال زاہد چنیوٹی نے اُن کی کتاب منظرِ عام پر لائی اور کتاب کا نام تبدیل کر کے تم اِک گورکھ دھندا ہو کر دیا اس کتاب کی اشاعت 2014 میں ہوئی

 

[محمد وارث]

محمد وارث صاحب سے گزارش ہے کہ پسندیدہ کلام کے زمرے میں ناز خیالوی صاحب کا سابقہ بھی شامل کر دیا جائے تو عین نوازش ہو گی۔

جی یہ کام تو ناظمین ہی کر سکتے ہیں۔ میرے خیال میں فرحان صاحب پہلے ہی اس سلسلے میں ناظمین سے رابطے میں ہیں۔