بہکا دیا تھا دِل کو غریبانہ حال نے

[محمد رضا سلیم]

بہکا دیا تھا دِل کو غریبانہ حال نے
شرمندہ کر دیا مجھے میرے سوال نے


بے حد بُری یہ میری تمنّائے شوق تھی
اُجڑا چمن بنایا تگ و دوئے مال نے


خالی تھے ہاتھ کوئی بھی زادِ سفر نہ تھا
ہجرِجہاں کمایا میری خام چال نے


ذوقِ نمو جو مِٹ گیا بنجر ہوا وجود
قیدی بنا لیا تھا اُمیدوں کے جال نے


اِک ذکر نے سہارا دے رکھّا تھا یوں فقط
سوکھے شجر کو جیسے تروتازہ ڈال نے


قصّہ تھا اِک غلام سا اپنی حیات کا
آخر سکوں رضا دیا مرگِ کمال نے

 

[محمد وارث]

اچھی غزل ہے رضا سلیم صاحب۔ مطلع لاجواب ہے، واہ، کیا کہنے!

خالی تھے ہاتھ کوئی بھی زادِ سفر نہ تھا
دورِ ہجر کمایا میری خام چال نے

اس شعر میں 'ہجر' غلط تلفظ یعنی 'ہجَر' بندھ گیا ہے، صحیح تلفظ جیم ساکن کے ساتھ ہے یعنی بروزنِ فکر یا وصل یا درد ہے۔

قصّہ تھا اِک غلام سا اپنی حیات کا
آخر سکوں دیا رضا مرگِ کمال نے

میرے خیال میں تخلص کا 'الف' گرانا درست نہیں ہے۔

 

[فاتح]

محمد رضا سلیم صاحب! اس خوبصورت غزل کی تخلیق پر بہت مبارک باد اور شیئر کرنے پر آپ کا شکریہ!
وارث صاحب! میں بھی انھی دو اشعار کے متعلق یہی لکھ رہا تھا۔ آپ کا بھی شکریہ!

 

[محمد رضا سلیم]

اچھی غزل ہے رضا سلیم صاحب۔ مطلع لاجواب ہے، واہ، کیا کہنے!



اس شعر میں 'ہجر' غلط تلفظ یعنی 'ہجَر' بندھ گیا ہے، صحیح تلفظ جیم ساکن کے ساتھ ہے یعنی بروزنِ فکر یا وصل یا درد ہے۔



میرے خیال میں تخلص کا 'الف' گرانا درست نہیں ہے۔

رہنمائی کا شکریہ وارث صاحب
میں درست کرنے کی کوشش کرتا ہوں‌ انشااللہ

 

[محمد رضا سلیم]

میں نے تبدیلی کر دی ہے وارث صاحب
ذرا پھر سے رہنمائی فرمائیے

 

[اشتیاق علی]

واہ جی واہ ۔ اچھی غزل ہے ۔ کیا یہ آپ کی اپنی غزل ہے ۔

 

[محمد وارث]

درست ہو گئے رضا صاحب۔

خوشی ہوئی یہ جان کر کہ آپ بخوبی اور بہ آسانی یہ کام کر سکتے ہیں اور مزید خوشی ہوئی یہ دیکھ کر کہ آپ نے برا نہیں مانا

 

[محمد رضا سلیم]

درست ہو گئے رضا صاحب۔

خوشی ہوئی یہ جان کر کہ آپ بخوبی اور بہ آسانی یہ کام کر سکتے ہیں اور مزید خوشی ہوئی یہ دیکھ کر کہ آپ نے برا نہیں مانا

برا منانے والی تو کوئی بات ہی نہیں وارث صاحب
بہت شکریہ

 

[محمد رضا سلیم]

واہ جی واہ ۔ اچھی غزل ہے ۔ کیا یہ آپ کی اپنی غزل ہے ۔

جی شکریہ پسندیدگی کا

 

[فرخ منظور]

واہ واہ کمال غزل ہے رضا صاحب۔ آپ تو مکمل شاعر بنتے جا رہے ہیں۔ بہت خوشی ہوئی ۔ بہت داد قبول کیجیے۔

 

[الف عین]

غلطی تو درست ہو گئی، لیکن میں ’ہجر جہاں‘ والا مصرتع اب ببھی سمجھنے سے قاصر ہوں۔

 

[شاہ حسین]

اچھی غزل ہے جناب رضا صاحب ۔

 

[محمود احمد غزنوی]

غلطی تو درست ہو گئی، لیکن میں ’ہجر جہاں‘ والا مصرتع اب ببھی سمجھنے سے قاصر ہوں۔

ہوسکتا ہے کہ 'ہجرِ جہاں' سے انکی مراد ترکِ دنیا ہو۔؟؟؟؟؟؟؟