بیخود کیئے دیتے ہیں انداز حجابانہ-بیدم شاہ وارثی

[باباجی]

بیخود کیئے دیتے ہیں انداز حجابانہ​

آ دل میں تجھے رکھ لوں اے جلوہء جانانہ​

​

کیوں آنکھ مِلائی تھی کیوں آگ لگائی تھی​

اب رُخ کوچھپا بیٹھے کرکے مجھے دیوانہ​

​

جس جاء نظر آتے ہو سجدے وہیں کرتا ہوں ​

اس سے نہیں کچھ مطلب کعبہ ہو یا بُت خانہ​

​

جی چاہتا ہے تحفے میں دیدوں انہیں آنکھیں ​

درشن کا تو درشن ہو، نذرانے کا نذرانہ ​

​

میں ہوش و حواس اپنے اس بات پہ کھو بیٹھا​

ہنس کر جو کہا تُو نے آیا میرا دیوانہ ​

​

دنیا میں مجھے تُونے گر اپنا بنایا ہے ​

محشر میں بھی کہہ دینا یہ ہے میرا دیوانہ​

​

پینے کو تو پی لوں گا پر شرط ذرا سی ہے ​

بغداد کا ساقی ہو، اجمیر کا میخانہ ​

​

ہر پھول میں بُو تیری، ہر شمع میں ضو تیری​

بلبل ہے ترا بلبل، پروانہ ترا پروانہ ​

​

بیدم مری قسمت میں سجدے ہیں اسی در کے ​

چُھوٹا ہے نہ چُھوٹے کا سنگِ درِ جانانہ ​

​

بیدم شاہ وارثی​

 

[باباجی]

ٹیگز

 

[عینی شاہ]

یہ میری فیورٹ نعت شریف ہے بابا جی بھائی تھینکیو

 

[محسن وقار علی]

 

[مہ جبین]

ہر شعر بہترین ، عمدہ اور زبردست لیکن خاص طور پر یہ اشعار تو لاجواب اور سر دھننے والے ہیں

جی چاہتا ہے تحفے میں دیدوں انہیں آنکھیں
درشن کا تو درشن ہو، نذرانے کا نذرانہ
میں ہوش و حواس اپنے اس بات پہ کھو بیٹھا
ہنس کر جو کہا تُو نے آیا میرا دیوانہ
دنیا میں مجھے تُونے گر اپنا بنایا ہے
محشر میں بھی کہہ دینا یہ ہے میرا دیوانہ
پینے کو تو پی لوں گا پر شرط ذرا سی ہے
بغداد کا ساقی ہو، اجمیر کا میخانہ
ہر پھول میں بُو تیری، ہر شمع میں ضو تیری
بلبل ہے ترا بلبل، پروانہ ترا پروانہ
بیدم مری قسمت میں سجدے ہیں اسی در کے
چُھوٹا ہے نہ چُھوٹے کا سنگِ درِ جانانہ
بہت بہت بہت بہترین اور میرا پسندیدہ کلام پیش کرنے پر باباجی کا بہت شکریہ
جزاک اللہ خیرا
ویسے یہ تو نعتیہ کلام ہے نا؟؟؟؟

 

[ابو المیزاب اویس]

ہر شعر بہترین ، عمدہ اور زبردست لیکن خاص طور پر یہ اشعار تو لاجواب اور سر دھننے والے ہیں

بہت بہت بہت بہترین اور میرا پسندیدہ کلام پیش کرنے پر باباجی کا بہت شکریہ
جزاک اللہ خیرا
ویسے یہ تو نعتیہ کلام ہے نا؟؟؟؟

یہ ایک عاشق کا کلام ہے ،، قاری کی مرضی وہ اپنے اپنے محبوب کو تصور میں لے کر لطف و سوز کی بلندیوں پر پہنچ سکتا ہے

 

[مہ جبین]

یہ ایک عاشق کا کلام ہے ،، قاری کی مرضی وہ اپنے اپنے محبوب کو تصور میں لے کر لطف و سوز کی بلندیوں پر پہنچ سکتا ہے

بے شک اویس تمہاری بات درست ہے مگر میرے کہنے کا مقصد یہ تھا کہ یہ نعتیہ کلام ہے تو اسکو اسی زمرے میں پوسٹ ہونا چاہئے تھا
اور ویسے کئی نعت خوانوں نے اس کلام کو بہت ڈوب کر بطورِ نعت ہی پڑھا ہے ، اس لئے میں کہہ رہی تھی کہ یہ نعتیہ کلام ہے

 

[ابو المیزاب اویس]

بے شک اویس تمہاری بات درست ہے مگر میرے کہنے کا مقصد یہ تھا کہ یہ نعتیہ کلام ہے تو اسکو اسی زمرے میں پوسٹ ہونا چاہئے تھا
اور ویسے کئی نعت خوانوں نے اس کلام کو بہت ڈوب کر بطورِ نعت ہی پڑھا ہے ، اس لئے میں کہہ رہی تھی کہ یہ نعتیہ کلام ہے

ویسے میری ناقص ترین معلومات کے مطابق یہ کلام حضرت بیدم شاہ وارثی نے اپنے پیر و مرشد کی طرف منسوب کیا ہے۔۔۔ اسی زمین مین مفتیءِ اعظم ہند مولانا مصطفٰے رضا خان نوری علیہ الرحمۃ کا نعتیہ کلام بہت معروف ہے،

تُو شمعِ رسالت ہے عالم تِرا پروانہ
تُو ماہِ رسالت ہے اے جلوہءِ جاناں

جو ساقیءِ کوثر کے چہرے سے نقاب اٹھے
ہر دل بنے میخانہ ہر آنکھ ہو پیمانہ

یہ شعر بھی حضور مفتی اعظم ہند کا ہے،،
ہر پھول میں بُو تیری، ہر شمع میں ضو تیری
بلبل ہے ترا بلبل، پروانہ ہے پروانہ

 

[ابو المیزاب اویس]

 

[ابو المیزاب اویس]

 

[ابو المیزاب اویس]

 

[الشفاء]

جی چاہتا ہے تحفے میں بھیجوں میں انہیں آنکھیں
درشن کا تو درشن ہو نذرانے کا نذرانہ۔۔۔

سبحان اللہ۔۔۔
بہترین کلام پیش کرنے کا شکریہ۔۔۔

 

[نیرنگ خیال]

باباجی بہت زبردست کلام۔۔۔۔ راحت فتح علی خان نے بھی بہت عمدہ پڑھا ہے۔۔

 

[صائمہ شاہ]

بہت عمدہ کلام
جی چاہتا ہے تحفے میں دیدوں انہیں آنکھیں
درشن کا تو درشن ہو، نذرانے کا نذرانہ

 

[نیلم]

بہت عمدہ کلام ہے

 

[عمراعظم]

جی چاہتا ہے تحفے میں دیدوں انہیں آنکھیں
درشن کا تو درشن ہو، نذرانے کا نذرانہ
نہایت عمدہ کلام۔ بہت شکریہ بابا جی شیئر کرنے کے لیئے۔

 

[فرحت کیانی]

ہر پھول میں بُو تیری، ہر شمع میں ضو تیری​

بلبل ہے ترا بلبل، پروانہ ترا پروانہ​

واہ۔ بہت خوب​

شیئرنگ کے لئے بہت شکریہ فراز! ​

 

[زبیر مرزا]

حق حق حق
سبحان اللہ کیا عشق میں ڈوبا کلام ہے جسے پڑھ کرحسرت آتی ہے اللہ تعالٰی ہمیں بھی
اس عشق کے سمندرسے ایک قطرہ عطا فرمائے

 

[نایاب]

سبحان اللہ
مجازی کو مجاز اور حقیقی کو حق سےآشنا کرتا اک مکمل کلام

 

[سید شہزاد ناصر]

بہت خوبصورت اور گہرا کلام
شاد و آباد رہیں