بیگانی شادی میں عبداللہ دیوانہ

[فرحان دانش]

میڈیا نے برطانیہ کے شہزادہ ولیم اورکیٹ کی شادی میں لوگوں کی دلچسپی اس قدربڑھادی تھی کہ موضوع کوئی بھی ہو بات شاہی شادی کی طرف جانکلتی تھی۔ مارکیٹوں میں،سڑکوں پر ،گھروں میں خواتین کے درمیان گفت و شنید ہو یا دوستوں کی محفل،ہر طرف شاہی شادی کا معاملہ زیر بحث تھا، اس شادی نے ہرخاص وعام کو ہی متوجہ نہیں کیا بلکہ ہمارے ٹی وی چینلز کو بھی دلچسپی لینے پر مجبور کر دیا۔ آج ہمارے ٹی وی چینلز نے بلا تعطل کئی گھنٹے شاہی شادی کو براہ راست ٹیلی کاسٹ کیا اوراس پر لائیو کمنٹری بھی کی ۔ایسا محسوس ہو رہا تھا کہ اس شادی سے پاکستان کا بہت گہرا تعلق ہے۔ ایک چینل نے تو اپنا اسٹوڈیو ایسا تیار کیا تھا کہ دلہن بیاہ کر سیدھی ان کے اسٹوڈیو میں پہنچے گی۔ایسی صورتحال دیکھ کر لوگ یہ کہنے پر مجبور ہو گئے کہ بیگانی شادی میں عبداللہ دیوانہ۔ لیکن شہزادہ ولیم اورکیٹ اس اعتبار سے خوش نصیب ہیں کہ شادی تقریبات سے دور رہ کر بھی لوگ ان کی خوشی دل کی گہرائیوں سے محسوس کررہے ہیں۔

ماخذ:

 

[عثمان]

ایک چینل نے تو اپنا اسٹوڈیو ایسا تیار کیا تھا کہ دلہن بیاہ کر سیدھی ان کے اسٹوڈیو میں پہنچے گی۔

 

[میم نون]

مجھے تو یہ سمجھ نہیں آتی کہ آج کے دور میں بھی انگلینڈ جیسے ملک میں بادشاہت چل رہی ہے۔
یہ لوگ عوام پر صرف اور صرف بوجھ ہیں، عوام کے ٹیکس سے پیسے لیکر عیاشیاں کرتے ہیں اور کسی بھی قسم کا فائدہ نہیں پہنچاتے، چاہئیے تو یہ کہ انھیں بیلچے پکڑا کر مزدوری پر لگایا جائے تاکہ انھیں بھی پتہ چلے کہ جس پیسے سے وہ عیاشیاں کرتے ہیں وہ کیسے کمائے جاتے ہیں۔


::::::

میرا مقصد کسی کی دل آزاری کرنا نہیں، یہ میری اپنی سوچ ہے، ہو سکتا ہے کہ کچھ لوگوں کی سوچ مختلف ہو لیکن یہ بات میری سمجھ سے باہر ہے۔

 

[پپو]

فارغ لوگ ہیں کام ہے نہیں یہ تو راہ چلتی مہندی میں دھمال ڈالنا شروع کر دیتے ہیں یہ تو پھر برطانیہ کے شہزادے کی شادی تھی

 

[شہزاد وحید]

لیڈی ڈیانا کے بیٹے کی شادی تھی، لوگوں نے پرجوش تو ہونا ہی تھا۔ لیڈی ڈیانا بہت سے لوگوں کی پسندیدہ تھی اور ایک بڑا نام تھا۔