تابش دہلوی کے چند اشعار

[نوید صادق]

ربط کیاجسم وجاں سے اٹھتاہے
پردہ اک درمیاں سے اٹھتا ہے

تو ہی رہتا ہے دیر تک موجود
بزم میں تو جہاں سے اٹھتا ہے
٭
اک ہیولا ہے گھر خرابی کا
ورنہ کیاخاک گھرمیں رکھا ہے

رات دن دھوپ چھاؤں کا عالم
کیا تماشا نظر میں رکھا ہے
٭
اپنی شادابئ غم کامجھے اندازہ ہے
روح کا زخم پرانا ہے مگر تازہ ہے
٭
محرومیوں میں خوب پناہیں تلاش کیں
میں تھک گیا جہاں اسے منزل کہا گیا
٭
گزرا اسی پہ سہل یہ طوفانِ رنگ و بو
جو موسم بہار میں دیوانہ بن گیا
٭
ہم تو ذریعہ جانتے ہیں مقصد کو حصولِ مقصد کا
اہل جنوں کے مسلک میں تو منزل بھی اک رستہ ہے
٭
عشق بھی تابش نہیں وجہ نشاط
اب یہ رسمِ درد بھی دل سے اٹھی
٭
یہ راز کھول دیا تیری کم نگاہی نے
سکوں کی ایک نظر، درد کے بہت پہلو
٭
آئینہ در آئینہ در آئینہ ترا حسن
حیراں ہوں تیرے طالبِ دیدار کہاں تک
پھیلی ہوئی ہر سمت کڑی دھوپ ہے تابش
جائے گا کوئی سایۂ دیوار کہاں تک
٭

 

[فاتح]

انتہائی خوبصورت انتخاب ہے نوید صاحب۔ بہت شکریہ جناب۔

 

[پیاسا صحرا]

واہ ، واہ کیا کہنے جناب
بہت خوبصورت اشعار ہیں شکریہ محترم نوید صاحب ۔

 

[الف عین]

شکریہ نوید۔۔ کیا اشعار ہیں
اپنی شادابئ غم کامجھے اندازہ ہے
روح کا زخم پرانا ہے مگر تازہ ہے

 

[محمد وارث]

بہت خوبصورت اشعار ہیں، شکریہ نوید صاحب پوسٹ کرنے کیلیے!

 

[شاہ حسین]

بہت خوبصورت جناب اچھا انتخاب ہے