حسان خان
لائبریرین
تاجکانِ چین، جو کہ پامیری ہائے چین کے نام سے بھی مشہور ہیں، چین کا ایک ایرانی الاصل نژادی گروہ ہے۔ یہ قوم چین میں ساکن ۵۶ مختلف اقوام میں سے ایک ہے اور ان کی آبادی پچاس ہزار نفور پر مشتمل ہے۔
چین کے قدیم متون میں بھی اس قوم کی جانب اشارہ ملتا ہے۔ ان کے خطے میں ورود سے متعلق ایک افسانہ مشہور ہے کہ یہ لوگ یہاں ایک ایرانی بادشاہ اور چینی ملکہ کے ازدواج کے دور میں آئے تھے۔ چین میں قدیم دور سے تعلق رکھنے والے کچھ آثار دستیاب ہوئے ہیں جو سنسکرت اور چینی خط میں سکّائی نامی مردہ مشرقی ایرانی زبان میں لکھے گئے تھے۔ بعض زبان شناسوں کے نزدیک چینی تاجکوں (پامیریوں) کی موجودہ زبان اُسی سکائی زبان کی ارتقاء یافتہ شکل ہے۔ اگر واقعی ایسا ہے تو یہ لوگ اُن قدیم سکائی لوگوں کی اولاد ہیں جو عیسوی دور سے قبل ایران سے چین کوچ کر گئے تھے۔
چینی تاجک زیادہ تر پاکستان سے ملحقہ مشرقی ترکستان (سنکیانگ) اور تاشقورقان کے منطقوں میں زندگی بسر کرتے ہیں۔ یہ لوگ عام طور پر وخی اور سریکولی زبانیں بولتے ہیں۔ اس کے علاوہ تجارتی مقاصد کے لیے اکثر اویغری ترکی اور چینی بھی استعمال کرتے ہیں۔ مذہباً یہ لوگ اسماعیلی شیعہ (بالخصوص وخی بولنے والے) اور حنفی سنی ہیںِ۔
واضح رہے کہ تاجکستان کے فارسی گو تاجکوں اور چین کے تاجکوں میں صرف نام کی شباہت ہے ورنہ یہ دونوں مختلف نژادی گروہ ہیں۔
متن اور تصاویر کا منبع
چین کے قدیم متون میں بھی اس قوم کی جانب اشارہ ملتا ہے۔ ان کے خطے میں ورود سے متعلق ایک افسانہ مشہور ہے کہ یہ لوگ یہاں ایک ایرانی بادشاہ اور چینی ملکہ کے ازدواج کے دور میں آئے تھے۔ چین میں قدیم دور سے تعلق رکھنے والے کچھ آثار دستیاب ہوئے ہیں جو سنسکرت اور چینی خط میں سکّائی نامی مردہ مشرقی ایرانی زبان میں لکھے گئے تھے۔ بعض زبان شناسوں کے نزدیک چینی تاجکوں (پامیریوں) کی موجودہ زبان اُسی سکائی زبان کی ارتقاء یافتہ شکل ہے۔ اگر واقعی ایسا ہے تو یہ لوگ اُن قدیم سکائی لوگوں کی اولاد ہیں جو عیسوی دور سے قبل ایران سے چین کوچ کر گئے تھے۔
چینی تاجک زیادہ تر پاکستان سے ملحقہ مشرقی ترکستان (سنکیانگ) اور تاشقورقان کے منطقوں میں زندگی بسر کرتے ہیں۔ یہ لوگ عام طور پر وخی اور سریکولی زبانیں بولتے ہیں۔ اس کے علاوہ تجارتی مقاصد کے لیے اکثر اویغری ترکی اور چینی بھی استعمال کرتے ہیں۔ مذہباً یہ لوگ اسماعیلی شیعہ (بالخصوص وخی بولنے والے) اور حنفی سنی ہیںِ۔
واضح رہے کہ تاجکستان کے فارسی گو تاجکوں اور چین کے تاجکوں میں صرف نام کی شباہت ہے ورنہ یہ دونوں مختلف نژادی گروہ ہیں۔
متن اور تصاویر کا منبع
