تازہ غزل : تیرا ارماں مرے دل کا حصہ ہوا - از نویدظفرکیانی

[نویدظفرکیانی]

​

تیرا ارماں مرے دل کا حصہ ہوا
گویا گرداب ساحل کا حصہ ہوا​

​

میں تو بہرَاماں جس جگہ بھی رُکا
آخرش کوئے قاتل کا حصہ ہوا​

​

ایک مدت سے ہوں آبلہ پا جہاں
اب وہی میری منزل کا حصہ ہوا​

​

دشت گردوں کی مٹی بکھرنے لگی
کوئی طوفان محمل کا حصہ ہوا​

​

کل تھا میں جس مصیبت میں تنہا ظفر
شہر والوں کی مشکل کا حصہ ہوا​

​

نویدظفرکیانی​

 

[الف عین]

خوب، عمدہ غزل ہے نوید۔