نوشی گیلانی تتلیاں پکڑنے کو - از نوشی گیلانی

[امیداورمحبت]

نوشی گیلانی

تتلیاں پکڑنے کو۔ ۔ ۔ ۔ ۔“

کتنا سہل جانا تھا
خوشبوؤں کو چھو لینا
بارشوں کے موسم میں شام کا ہرایک منظر
گھر میں قید کر لینا
روشنی ستاروں کی مٹھیوں میں بھر لینا

کتنا سہل جانا تھا
خوشبوؤں کو چھو لینا
جگنوؤں کی باتوں سے پھول جیسے آنگن میں
روشنی سی کرلینا
اس کی یاد کا چہرہ خوابناک آنکھوں کی
جھیل کے گلابوں پر دیر تک سجا رکھنا

کتنا سہل جانا تھا

اے نظر کی خوش فہمی ! اس طرح نہیں ہوتا
“تتلیاں پکڑنے کو دور جانا پڑتا ہے“

 

[فرذوق احمد]

بہت ہی اچھی غزل ہے آپی جی

 

[امیداورمحبت]

نظم پسند کرنے کا شکریہ -

 

[محب علوی]

بہت عمدہ نظم ہے۔

میں ناراضی میں بھی اچھی شاعری پر داد دینا نہیں بھولتا

 

[امیداورمحبت]

آہاں۔ ۔ ۔ ۔ انسان کو اپنی اچھی عادتیں ترک بھی نہیں کرنی چاہیے۔ ۔ ۔

 

[قیصرانی]

بہت عمدہ امید صاحبہ۔ آپ تو چھپی رستمہ نکلیں(مذاق)مزید کا انتظار رہے گا۔
بے بی ہاتھی

 

[امیداورمحبت]

قیصرانی،
اب میں جواب میں کیا کہوں۔ ۔ ۔

 

[محب علوی]

جواب میں یہ کہو کہ سارے جوہر ایک دم کہاں نمایاں ہوتے ہیں

 

[فرخ منظور]

کتنا سہل جانا تھا
خوشبوؤں کو چھو لینا
بارشوں کے موسم میں، شام کا ہر اک منظر
گھر میں قید کر لینا
روشنی ستاروں کی، مٹھیوں میں بھر لینا
کتنا سہل جانا تھا
خوشبوؤں کو چھو لینا
جگنوؤں کی باتوں سے، پھول جیسے آنگن میں
روشنی سی کر لینا
اس کی یاد کا چہرہ، خواب ناک آنکھوں کی
جھیل کے گلابوں پر، دیر تک سجا رکھنا
کتنا سہل جانا تھا

اے نظر کی خوش فہمی! اس طرح نہیں ہوتا
"تتلیاں پکڑنے کو دور جانا پڑتا ہے"

 

[محمد وارث]

"تتلیاں پکڑنے کو دور جانا پڑتا ہے"

بہت خوب۔

 

[فاتح]

کتنا سہل جانا تھا

عمدہ انتخاب شیئر کرنے پر شکریہ!

 

[فرحت کیانی]

بہت خوب

 

[عمر سیف]

بہت بہت خوب ۔۔۔۔

 

[فرخ منظور]

بہت شکریہ پسندیدگی کا!

 

[منیر انور]

"تتلیاں پکڑنے کو دور جانا پڑتا ہے"

بہت خوب۔

کتنا دور برادر؟

 

[شمشاد]

شاعروں کو تو ایسی بات نہیں پوچھنی چاہیے کہ کتنا دور جانا پڑتا ہے۔

 

[منیر انور]

شاعروں کو تو ایسی بات نہیں پوچھنی چاہیے کہ کتنا دور جانا پڑتا ہے۔

بات تو سچ ہے آپ کی ۔۔ حالت اضطرار میں پوچھ بیٹھا شاید