ترے غم کو جاں کی تلاش تھی ترے جاں نثار چلے گئے ۔ تاج ملتانی، کلام: فیض احمد فیض

[فرخ منظور]

​

ترے غم کو جاں کی تلاش تھی ترے جاں نثار چلے گئے​

تری رہ میں کرتے تھے سر طلب ، سرِ رہگزار چلے گئے​

تری کج ادائی سے ہار کے شبِ انتظار چلی گئی​

مرے ضبطِ حال سے رُوٹھ کر مرے غم گسار چلے گئے​

نہ سوالِ وصل ، نہ عرضِ غم ، نہ حکایتیں نہ شکایتیں​

ترے عہد میں دلِ زار کے سبھی اختیار چلے گئے​

یہ ہمیں تھے جن کے لباس پر سرِ رہ سیاہی لکھی گئی​

یہی داغ تھے جو سجا کے ہم سرِ بزمِ یار چلے گئے​

نہ رہا جنونِ رُخِ وفا، یہ رسن یہ دار کرو گے کیا​

جنہیں جرمِ عشق پہ ناز تھا وہ گناہ گار چلے گئے
(فیض احمد فیض)​

 

[مہ جبین]

بہترین کلام کا انتخاب ہے

 

[فرحت کیانی]

واہ۔ زبردست
بہت شکریہ سخنور!

 

[فرخ منظور]

انتخاب پسند فرمانے کے لئے بہت شکریہ مہ جبین صاحبہ ، فرحت کیانی اور زحال مرزا صاحب!

 

[ملائکہ]

کبھی میں بھی سنا کرتی تھی غزلیں کئی کئی گھنٹے خاص کر جگجیت کی اب تو میں بالکل فیڈ اپ ہوگئی میوزک سے

 

[شمشاد]

بھتیجی ابھی سے اپنے اوپر بڑھاپا طاری کر لیا۔

 

[شمشاد]

فیض کی بہترین غزلوں میں سے ایک ۔ بہت شکریہ شریک محفل کرنے کا۔

 

[ملائکہ]

بھتیجی ابھی سے اپنے اوپر بڑھاپا طاری کر لیا۔

ایسی بھی بات نہیں میں تو بالکل جوان ہوں

 

[فرخ منظور]

کبھی میں بھی سنا کرتی تھی غزلیں کئی کئی گھنٹے خاص کر جگجیت کی اب تو میں بالکل فیڈ اپ ہوگئی میوزک سے

ذہنی صحت کے لئے اچھا نہیں۔

 

[ملائکہ]

ہمممم

 

[امیداورمحبت]

زبردست ۔۔۔۔۔۔۔۔۔۔۔۔