تضاد اور اخلاص

[نور وجدان]

رنگ نے جہانِ نقش و بو میں دھکیل دیا ہے ۔ دوئی کا خاتمہ ایسی دنیا میں ہوجاتا ہے اور ست رنگی بہار، یک رنگ کی نَیا میں بہنے لگتی ہے. یہ احساس کہ جب یار پاس ہو، یار کے رنگ سے جہاں دیکھو، بس ہر جگہ سوہنا مکھڑا دکھے ۔ وہ صورت گر، اس نے یار کی صورت ایسی بنائی، اس میں یکجائی رکھ دی تمام عالمین کی اور کہہ دیا کہ الحمد اللہ رب العالمین اور کہا: تلاش کرو رحمت کو ۔ رحمت تو ہم کو خود تلاش کر رہی ہے پھر فرمادیا: وما ارسلنک الا رحمت للعالمین ۔ یہی شاہی ہے جس کو رحمت عالم عالم میں ملنے لگی. در در کا کیا فائدہ، اک در کی جانب چلیں، جس در سے رحمت کا باڑہ بنٹ رہا ہے اور یہ رستہ ہادی کا ہے ۔ محشر سے پہلے جام پی لو ۔ کوثر کی آیت کا جاری چشمہ ہے اور اس میں حسینیت کے پانی سے دل کا وضو ہونے لگے تو سمجھو روح دھل کیا گئی، نکھر گئی کہ گویا بات بن گئی ہے. اک انجیل تمنا: یار کو دیکھیں، اک حرفِ تمنا: سنائیں حال یار کو اس طرز سے کہ حال سناتے حال میں نہ رہیں اور ان کے مکھ کو دیکھی جائیں. اشک با ادب! اس جہاں اگر اشک بھی بنا اجازت نکل گئے تو گستاخ نین کہلائیں گے. ہم تو چلے نینوں کی بہار میں رلنے، سہنے تیر سینے پر سہنے، جگر میں داغ کو سنیچنے اور لفظ ہمارے برہنہ کر رہے. یہ برہنگی جو بے نیازی کا لباس ہے، آج عیاں ہوئی ہے.
اک تھا نین والا، جس کے پیچھے چلی باگیا ۔۔ باگیا نے نین کی بازی میں سب ہار دیا ... پی کے سنگ رہنے میں ایسی الوہیت ہے جس میں رنگ بکھرنے کو مایا نہیں کہتے بلکہ کہتے: جہاں پر اسکا ہے سایہ جس نے پلٹ دی کایا. یہ حدیث داستان سنیے! جب پی سے ملے، اک ہوئے! ایک نے زمانہ دیکھا تو کوئی الگ نہ تھا. اک رانجھن یار کے پیچھے رکھ دی دلوں نے دنیا ۔ دنیا گئی مگر مل گئی جہانبانی. یہ عجب رت ہے کہ دن میں رات کا سماں ہوگیا. گویا رات اور دن میں کچھ فرق نہیں مگر پھر بھی صبح و شام تسبیح کرتے. یہ فیکون سے کن کی جانب سفر جب دن و رات کا تضاد ختم ہوا. تضاد ختم ہونے لگے تو سورہ اخلاص سمجھ آنے لگتی ہے. آدمی بہت ہیں مگر انسان اکیلا ہے. اور اکلاپے میں اس نے یار پایا ہے. یار پانے کے بعد احساس ہوا کہ فرق ہے : وہ تو اولاد والا ہے اور خدا تو بزرگ و برتر ہے. لا روحی کی بات ہے. اک دھاگہ، اک کن، اک نور کی دھار وجود کے گرد محو ہے اور بلا رہی ہے کہ چلو محبوب کو