ابو المیزاب اویس
محفلین
صبر کا اب تو نظر آئے نہ امکاں ہم کو
کب تلک جلوہ نظر آئیگا ’’پنہاں‘‘ ہم کو
گِریہ زَن ہجر سے ہیں کیجیو! خنداں ہم کو
’’یاد میں جس کی نہیں ہوشِ تن و جاں ہم کو
پھر دِکھا دے وہ رُخ اے مہرِ فروزاں ہم کو‘‘
ذوق والوں کی یہ دنیا ہے وُہی اِس میں گُمیں
اہلِ دل جانیں اِسے، اہلِ نظر ہی سمجھیں
کیف و مستی کا جو عالَم ہے بھلا کس سے کہیں
’’دیر سے آپ میں آنا نہیں ملتا ہے ہمیں
کیا ہی خود رفتہ کیا جلوۂِ جاناں ہم کو‘‘
درد و آلام کے ماروں کو مِلی جس سے خوشی
غم ہُوا جس سے غلط، راحت و تفریح مِلی
جس سے تسکین مِلی، جس سے کلی دل کی کِھلی
’’جس تَبَسّم نے گلستاں پہ گرائی بجلی
پھر دِکھا دے وہ ادائے گلِ خنداں ہم کو‘‘
دولتِ دید کا ہر دم رہے بن کر سائل
تیرِ الفت سے رہے لحظہ بہ لحظہ گھائل
ہر گھڑی یادِ مدینہ میں رہے وہ بسمل
’’کاش آویزۂِ قندیلِ مدینہ ہو وہ دل
جس کی سوزش نے کیا رشکِ چراغاں ہم کو‘‘
تیری رفتار پہ ہر سرعتِ رفتار فدا
آج تک جس کا کسی کو نہیں ادراک ہُوا
برق رفتار کوئی تجھ سا نہ دیکھا نہ سنا
’’عرش جس خوبیِ رفتار کا پامال ہُوا
دو قدم چل کے دکھا سروِ خراماں ہم کو‘‘
کب تلک گل سے رہے بلبلِ بسمل یوں دُور
کب تمنا مِری بَر آئیگی، بخشے گی سُرور
کب کھلے گی مِری قسمت کہ نظر آئے وہ نُور
’’شمعِ طیبہ سے میں پروانہ رہوں کب تک دُور
ہاں جلا دے شررِ آتشِ پنہاں ہم کو‘‘
ناسزا فعل نہ مجھ سے کوئی ایسا ہوگا
میں نےسوچا بھی نہیں ہے کبھی گستاخی کا
ڈر یہی ہے خلل آرام میں آجائیگا
’’خوف ہے سمع خراشیِ سگِ طیبہ کا
ورنہ کیا یاد نہیں نالۂ افغاں ہم کو‘‘
پورے ارمان ہوں اب تو مِری قسمت کھل جائے
دُوریاں ختم ہوں قربت کا مزا آجائے
خاص ہو لطف، تمنائے دِلی بَرآئے
’’خاک ہو جائیں درِ پاک پہ حسرت مِٹ جائے
یا الہی! نہ پھرا بے سروساماں ہم کو‘‘
درد جو مجھ کو میسر ہے وہ ہر اِک کو نہیں
یہ عجب درد ہے، اس میں ہے بلا کی تسکیں
کھیل سارا مجھے ڈر ہے نہ بگڑ جائے کہیں
’’خارِ صحرائے مدینہ نہ نکل جائے کہیں
وحشتِ دل نہ پھرا بے سرو ساماں ہم کو‘‘
حال کیا سوزِ نہاں سے ہے، نہ کوئی پوچھے
اب تو آنسو نہ پئے جائینگے ہائے ہائے
دامنِ صبر گیا ہاتھ سے اب تو سُن لے
’’تنگ آئے ہیں دو عالَم تِری بیتابی سے
چین لینے دے تپِ سینہِ سوزاں ہم کو‘‘
شوق کو پاؤں لگا کر بھی اڑائے نہ بنی
سعی کر کر کے تھکے راہ تو پھر بھی نہ کٹی
ایسا لگتا ہے کہ تاخیر تھی قسمت میں لکھی
’’پاؤں غربال ہوئے راہِ مدینہ نہ مِلی
اے جنوں اب تو مِلے رخصتِ زنداں ہم کو‘‘
لذتِ سوزِ نہاں سے رہوں پرکیف سدا
فرق آئے نہ مِرے حُسنِ عقیدت میں ذرا
آرزو ہے کہ رہے کیفِ مسلسل کی فضا
’’میرے ہر زخمِ جگر سے یہ نکلتی ہے صدا
اے ملیحِ عربی! کردے نمک داں ہم کو‘‘
اپنی دنیا ہے جدا، اپنے الگ ہیں سب کام
جامِ الفت سے رہا کرتے ہیں سرشار مُدام
قیدِ خلوت میں بھی ہم کو ہے میسر آرام
’’سیرِ گلشن سے اسیرانِ قفس کو کیا کام
نہ دے تکلیفِ چمن بلبلِ بستاں ہم کو‘‘
حُسنِ طیبہ سے لَڑی آنکھ، مِلا دل کو قرار
آنکھ کا تارا ہُوا شہرِ نبی کا ہر خار
آنکھ مِلتی ہی نہیں اب تو کسی سے زنہار
’’جب سے آنکھوں میں سمائی ہے مدینہ کی بہار
نظر آتے ہیں خزاں دیدہ گلستاں ہم کو‘‘
دل کو مِل جائے سکوں دُور یہ کلفت ہو جائے
غم مٹیں، چین ملے، توشہِ راحت ہو جائے
یا نبی! بہرِ خدا! ہم پہ عنایت ہوجائے
’’گر لبِ پاک سے اقرارِ شفاعت ہو جائے
یوں نہ بے چین رکھے جوششِ عصیاں ہم کو‘‘
ہر طرف نالہ کشی، آہ و فغاں ٹھہری ہے
اِک عجب قہر ہے، سوزش میں عجب تیزی ہے
شعلے اٹھتے ہیں بہر لحظہ عجب گرمی ہے
’’نیّرِ حشر نے اِک آگ لگا رکھی ہے
تیز ہے دھوپ مِلے سایۂِ داماں ہم کو‘‘
خاتمِ چشم ہے طالب تِری اے دُرِّ ثمیں
کب سے جلووں کی طلب ہے تِرے، اے مہرِ مبیں
در کے سجدوں کے لئے کب سے ہے بیتاب جبیں
’’رحم فرمائیے! یا شاہ کہ اب تاب نہیں
تابکے خون رُلائے غمِ ہجراں ہم کو‘‘
شوق کس درجہ ترقی پہ ہے کیا تجھ سے کہوں
ذوقِ دیدار کی ہے نشو ونما روز افزوں
دردِ پنہاں سے نہ ہو جائیو! یوں زار و زبوں
’’چاک داماں پہ نہ تھک جائیو! اے دستِ جنوں
پُرزے کرنا ہے ابھی جیب و گریباں ہم کو‘‘
بے کلی حد سے بڑھی اب تو مِلے ہم کو قرار
اب تو آجائے خزاں دیدہ گلستاں میں بہار
بقعۂِ نُور بنے اب تو ہماری شبِ تار
’’پردہ اُس چہرہِ انور سے اٹھا کر اِک بار
اپنا آئینہ بنا اے مہِ تاباں ہم کو‘‘
سازِ الفت کے سبھی تارہلانے کے لئے
شوقِ دیدار کی آتش کو بڑھانے کے لئے
چہچاہٹ سے کلی دل کی کھلانے کے لئے
’’اے رضؔا وصفِ رُخِ پاک سُنانے کے لئے
نذر دیتے ہیں چمن مرغِ غزل خواں ہم کو‘‘
کلامِ امام احمد رضؔا خان فاضلِ بریلوی
تضمین نگار: صاحبزادہ ابو الحسن واحؔد رضوی
کب تلک جلوہ نظر آئیگا ’’پنہاں‘‘ ہم کو
گِریہ زَن ہجر سے ہیں کیجیو! خنداں ہم کو
’’یاد میں جس کی نہیں ہوشِ تن و جاں ہم کو
پھر دِکھا دے وہ رُخ اے مہرِ فروزاں ہم کو‘‘
ذوق والوں کی یہ دنیا ہے وُہی اِس میں گُمیں
اہلِ دل جانیں اِسے، اہلِ نظر ہی سمجھیں
کیف و مستی کا جو عالَم ہے بھلا کس سے کہیں
’’دیر سے آپ میں آنا نہیں ملتا ہے ہمیں
کیا ہی خود رفتہ کیا جلوۂِ جاناں ہم کو‘‘
درد و آلام کے ماروں کو مِلی جس سے خوشی
غم ہُوا جس سے غلط، راحت و تفریح مِلی
جس سے تسکین مِلی، جس سے کلی دل کی کِھلی
’’جس تَبَسّم نے گلستاں پہ گرائی بجلی
پھر دِکھا دے وہ ادائے گلِ خنداں ہم کو‘‘
دولتِ دید کا ہر دم رہے بن کر سائل
تیرِ الفت سے رہے لحظہ بہ لحظہ گھائل
ہر گھڑی یادِ مدینہ میں رہے وہ بسمل
’’کاش آویزۂِ قندیلِ مدینہ ہو وہ دل
جس کی سوزش نے کیا رشکِ چراغاں ہم کو‘‘
تیری رفتار پہ ہر سرعتِ رفتار فدا
آج تک جس کا کسی کو نہیں ادراک ہُوا
برق رفتار کوئی تجھ سا نہ دیکھا نہ سنا
’’عرش جس خوبیِ رفتار کا پامال ہُوا
دو قدم چل کے دکھا سروِ خراماں ہم کو‘‘
کب تلک گل سے رہے بلبلِ بسمل یوں دُور
کب تمنا مِری بَر آئیگی، بخشے گی سُرور
کب کھلے گی مِری قسمت کہ نظر آئے وہ نُور
’’شمعِ طیبہ سے میں پروانہ رہوں کب تک دُور
ہاں جلا دے شررِ آتشِ پنہاں ہم کو‘‘
ناسزا فعل نہ مجھ سے کوئی ایسا ہوگا
میں نےسوچا بھی نہیں ہے کبھی گستاخی کا
ڈر یہی ہے خلل آرام میں آجائیگا
’’خوف ہے سمع خراشیِ سگِ طیبہ کا
ورنہ کیا یاد نہیں نالۂ افغاں ہم کو‘‘
پورے ارمان ہوں اب تو مِری قسمت کھل جائے
دُوریاں ختم ہوں قربت کا مزا آجائے
خاص ہو لطف، تمنائے دِلی بَرآئے
’’خاک ہو جائیں درِ پاک پہ حسرت مِٹ جائے
یا الہی! نہ پھرا بے سروساماں ہم کو‘‘
درد جو مجھ کو میسر ہے وہ ہر اِک کو نہیں
یہ عجب درد ہے، اس میں ہے بلا کی تسکیں
کھیل سارا مجھے ڈر ہے نہ بگڑ جائے کہیں
’’خارِ صحرائے مدینہ نہ نکل جائے کہیں
وحشتِ دل نہ پھرا بے سرو ساماں ہم کو‘‘
حال کیا سوزِ نہاں سے ہے، نہ کوئی پوچھے
اب تو آنسو نہ پئے جائینگے ہائے ہائے
دامنِ صبر گیا ہاتھ سے اب تو سُن لے
’’تنگ آئے ہیں دو عالَم تِری بیتابی سے
چین لینے دے تپِ سینہِ سوزاں ہم کو‘‘
شوق کو پاؤں لگا کر بھی اڑائے نہ بنی
سعی کر کر کے تھکے راہ تو پھر بھی نہ کٹی
ایسا لگتا ہے کہ تاخیر تھی قسمت میں لکھی
’’پاؤں غربال ہوئے راہِ مدینہ نہ مِلی
اے جنوں اب تو مِلے رخصتِ زنداں ہم کو‘‘
لذتِ سوزِ نہاں سے رہوں پرکیف سدا
فرق آئے نہ مِرے حُسنِ عقیدت میں ذرا
آرزو ہے کہ رہے کیفِ مسلسل کی فضا
’’میرے ہر زخمِ جگر سے یہ نکلتی ہے صدا
اے ملیحِ عربی! کردے نمک داں ہم کو‘‘
اپنی دنیا ہے جدا، اپنے الگ ہیں سب کام
جامِ الفت سے رہا کرتے ہیں سرشار مُدام
قیدِ خلوت میں بھی ہم کو ہے میسر آرام
’’سیرِ گلشن سے اسیرانِ قفس کو کیا کام
نہ دے تکلیفِ چمن بلبلِ بستاں ہم کو‘‘
حُسنِ طیبہ سے لَڑی آنکھ، مِلا دل کو قرار
آنکھ کا تارا ہُوا شہرِ نبی کا ہر خار
آنکھ مِلتی ہی نہیں اب تو کسی سے زنہار
’’جب سے آنکھوں میں سمائی ہے مدینہ کی بہار
نظر آتے ہیں خزاں دیدہ گلستاں ہم کو‘‘
دل کو مِل جائے سکوں دُور یہ کلفت ہو جائے
غم مٹیں، چین ملے، توشہِ راحت ہو جائے
یا نبی! بہرِ خدا! ہم پہ عنایت ہوجائے
’’گر لبِ پاک سے اقرارِ شفاعت ہو جائے
یوں نہ بے چین رکھے جوششِ عصیاں ہم کو‘‘
ہر طرف نالہ کشی، آہ و فغاں ٹھہری ہے
اِک عجب قہر ہے، سوزش میں عجب تیزی ہے
شعلے اٹھتے ہیں بہر لحظہ عجب گرمی ہے
’’نیّرِ حشر نے اِک آگ لگا رکھی ہے
تیز ہے دھوپ مِلے سایۂِ داماں ہم کو‘‘
خاتمِ چشم ہے طالب تِری اے دُرِّ ثمیں
کب سے جلووں کی طلب ہے تِرے، اے مہرِ مبیں
در کے سجدوں کے لئے کب سے ہے بیتاب جبیں
’’رحم فرمائیے! یا شاہ کہ اب تاب نہیں
تابکے خون رُلائے غمِ ہجراں ہم کو‘‘
شوق کس درجہ ترقی پہ ہے کیا تجھ سے کہوں
ذوقِ دیدار کی ہے نشو ونما روز افزوں
دردِ پنہاں سے نہ ہو جائیو! یوں زار و زبوں
’’چاک داماں پہ نہ تھک جائیو! اے دستِ جنوں
پُرزے کرنا ہے ابھی جیب و گریباں ہم کو‘‘
بے کلی حد سے بڑھی اب تو مِلے ہم کو قرار
اب تو آجائے خزاں دیدہ گلستاں میں بہار
بقعۂِ نُور بنے اب تو ہماری شبِ تار
’’پردہ اُس چہرہِ انور سے اٹھا کر اِک بار
اپنا آئینہ بنا اے مہِ تاباں ہم کو‘‘
سازِ الفت کے سبھی تارہلانے کے لئے
شوقِ دیدار کی آتش کو بڑھانے کے لئے
چہچاہٹ سے کلی دل کی کھلانے کے لئے
’’اے رضؔا وصفِ رُخِ پاک سُنانے کے لئے
نذر دیتے ہیں چمن مرغِ غزل خواں ہم کو‘‘
کلامِ امام احمد رضؔا خان فاضلِ بریلوی
تضمین نگار: صاحبزادہ ابو الحسن واحؔد رضوی
