ربیع م
محفلین
تلخئی زیست کا احساس گوارا بھی نہیں
کیا کروں دوست مجھے ضبط کا یارا بھی نہیں
اُن کی مجبوری میرے شوق کی رسوائی بنی
تو نے اے جذبہ بیتاب سنبھالا بھی نہیں
اپنی بے باک نگاہی سے گلہ ہے مجھ کو
دل کو کیا روؤں کہ دل شوق کا مارا بھی نہیں
آہ زنداں میں سلاسل نے مجھے لوٹ لیا
پائے وحشت کیلئے اب کوئی صحرا بھی نہیں
اُس کے ارماں کوئی آئینہ غم سے پوچھے
جس کے ہونٹوں کو تبسم نے سنوارا بھی نہیں
پہلے تھی شورش امواج سے وحشت اسرار
اب یہ عالم ہے کہ ساحل کی تمنا بھی نہیں
اسرار ناروی (ابن صفی)
کیا کروں دوست مجھے ضبط کا یارا بھی نہیں
اُن کی مجبوری میرے شوق کی رسوائی بنی
تو نے اے جذبہ بیتاب سنبھالا بھی نہیں
اپنی بے باک نگاہی سے گلہ ہے مجھ کو
دل کو کیا روؤں کہ دل شوق کا مارا بھی نہیں
آہ زنداں میں سلاسل نے مجھے لوٹ لیا
پائے وحشت کیلئے اب کوئی صحرا بھی نہیں
اُس کے ارماں کوئی آئینہ غم سے پوچھے
جس کے ہونٹوں کو تبسم نے سنوارا بھی نہیں
پہلے تھی شورش امواج سے وحشت اسرار
اب یہ عالم ہے کہ ساحل کی تمنا بھی نہیں
اسرار ناروی (ابن صفی)