طارق شاہ
محفلین
غزل
تلوک چند محرُوم
ہم دل جَلوں کو اے بُتِ نامہرباں نہ چھیڑ
بھڑکے گا اور شعلۂ سوزِ نہاں، نہ چھیڑ
صیّاد اور خِزاں کے سِتم اِس پہ کم نہیں
تو عندلیبِ زار کو، اے باغباں نہ چھیڑ
ہے، ہے ! کِسی کی بزم مجھے یاد آ گئی
واعظ خُدا کے واسطے، ذکرِ جناں نہ چھیڑ
دُنیا میں اے زیاں روشِ صلحِ کل نہ چھوڑ
جس سے کِسی کو رنج ہو ایسا بیاں نہ چھیڑ
ہمدم کہیں نہ حسرتِ خوابیدہ جاگ اُٹھیں
ایّام حُسن و عِشق کی پھر داستاں نہ چھیڑ
ہے خاتمہ قریب ، جوانی کی رات کا !
محرُوم ، پھر فسانۂ زُلفِ بُتاں نہ چھیڑ
تلوک چند محرُوم
آخری تدوین:
