تمہارا پیار میرا ہے از راشد ادریس رانا

[وجدان]

چلو پھر فیصلہ کر لیں
کہ کس کو پیار کتنا ہے

تم اپنے آنسو لاو
جو پلکوں سے پھسلتے ہیں
مجھے جل تھل سا کرتے ہیں

تم اپنی سسکیاں لاو
جو تمہارے ہونٹوں سے نکلتی ہیں
مجھے دیوانہ کرتی ہیں

تم اپنی اداسیاں لاو
جو ماتھے پہ مچلتی ہیں
مجھے ہر پل ڈستی ہیں

پھر میں اپنا دل کھولوں گا
تمہیں سب دکھلاوں گا

کہ جب آنسو امڈ آتے ہیں
جنھیں میں روک لیتا ہوں
جو سسکیاں دل میں بہتی ہیں
جنہیں میں توڑ دیتا ہوں
اداسی رقص کرتی ہے
جسے میں مار دیتا ہوں

کہ سب کچھ دل کے اندر ہی
جنم لیتا اور مرتا ہے
مگر تم جب مسکراتی ہو
میں سب کچھ بھول جاتا ہوں
بس یہ یاد رکھتا ہوں
فقط تم تو میری ہو،
تمہارا پیار میرا ہے،
تمہارا پیار میرا ہے

میری ذاتی نظم:23۔06۔2013