مصطفیٰ زیدی تمہیں کیا فکر کیا اندیشہء جاں ہم جو بیٹھے ہیں !

[غزل قاضی]

تمہیں کیا فکر کیا اندیشہء جاں ہم جو بیٹھے ہیں !
کہاں جائیں گے دنیا بھر کے طوفاں ہم جو بیٹھے ہیں

سحر کے قافلو تم اپنی اپنی راہ پر جَاؤ
یہیں رہ جائے گی شام ِ غریباں ہم جو بیٹھے ہیں !

دکان ِ شاعری میں اک سے اک رمز ِ نہاں لیکر
بِکے گا اس کا دین اور اس کا ایماں ہم جو بیٹھے ہیں

گنہگارو عروج ِ زُہد سے ناشاد مت ہونا !
بڑھے گا کاروبار ِ جنس ِ عصیاں ہم جو بیٹھے ہیں

کسے اس کی نگاہ ِ ناز اب کے منتخب کر لے
بہت مصروف ہیں یاران ِ یاراں ہم جو بیٹھے ہیں

میاں ہم سے سبق لو مصطفیٰ زیدی پہ مت جاؤ
تمھارے میکدے کے میر ِ رنداں ہم جو بیٹھے ہیں

مصطفیٰ زیدی

مَوج مِری صدف صدف

 

[طارق شاہ]

تمہیں کیا فکر، کیا اندیشۂ جاں، ہم جو بیٹھے ہیں
کہاں جائیں گے دنیا بھر کے طُوفاں، ہم جو بیٹھے ہیں
۔۔۔۔۔۔۔۔
کیا کہنے!
تشکّر، شیئر کرنے پر

 

[سید زبیر]

بہت خوب ،

گنہگارو عروج ِ زُہد سے ناشاد مت ہونا !​

بڑھے گا کاروبار ِ جنس ِ عصیاں ہم جو بیٹھے ہیں​

واہ

 

[غزل قاضی]

انتخاب پسند فرمانے کا بہت شکریہ ۔ طارق شاہ صاحب ، سید زبیر صاحب