تم اپنے گرد حصاروں کا سلسلہ رکھنا

[ظفری]

تم اپنے گرد حصاروں کا سلسلہ رکھنا
مگر ہمارے لیئے کوئی راستہ رکھنا

ہزار سانحے پردیس میں گزرتے ہیں
جو ہو سکے تو ذرا ہم سے رابطہ رکھنا

خزاں رکھے گی درختوں کو بے ثمر کب تک
گذر ہی جائے گی یہ رُت بھی، حوصلہ رکھنا

تمہارے ساتھ سدا رہ سکیں ، ضروری نہیں
اکیلے پن میں کوئی دوست دوسرا رکھنا

زیادہ دیر ظفر ظلم رہ نہیں سکتا
اگر اب آئیں دن کڑے تو جی بڑا رکھنا

( صابر ظفر )
​

 

[محمد وارث]

بہت خوبصورت غزل ہے، شکریہ برادرم شیئر کرنے کیلیے!

 

[زبیر مرزا]

ہزار سانحے پردیس میں گزرتے ہیں
جو ہو سکے تو ذرا ہم سے رابطہ رکھنا
کیا بات جناب بہت لاجواب اور یہ شعر حاصلِ غزل

 

[ظفری]

جناب کہاں سے یہ غزلیں دوبارہ کھنگال رہے ہیں ۔۔۔۔۔

 

[زبیر مرزا]

جناب کہاں سے یہ غزلیں دوبارہ کھنگال رہے ہیں ۔۔۔ ۔۔

بشکریہ صابرظفر اور آپ کا حُسن ذوق

 

[ظفری]

بشکریہ صابرظفر اور آپ کا حُسن ذوق

آداب عرض ہے ۔