تم سے الفت کے تقاضے نہ نباہے جاتے ۔ شان الحق حقّی

[فرخ منظور]

تم سے الفت کے تقاضے نہ نباہے جاتے​

ورنہ ہم کو بھی تمنّا تھی کہ چاہے جاتے​

​

دل کے ماروں کا نہ کر غم کہ یہ اندوہ نصیب​

درد بھی دل میں نہ ہوتا تو کراہے جاتے​

​

کاش اے ابرِ بہاری ترے بہکے سے قدم​

میری امیّد کے صحرا میں بھی گاہے جاتے​

​

ہم بھی کیوں دہر کی رفتار سے ہوتے پامال​

ہم بھی ہر لغزشِ مستی کو سراہے جاتے​

​

ہے ترے فتنۂ رفتار کا شہرہ کیا کیا​

گرچہ دیکھا نہ کسی نے سرِ راہے جاتے​

​

ہم نگاہی کی ہمیں خود بھی کہاں تھی توفیق​

کم نگاہی کے لئے عذر نہ چاہے جاتے​

​

لذّتِ درد سے آسودہ کہاں دل والے​

ہیں فقط درد کی حسرت میں کراہے جاتے​

​

دی نہ مہلت ہمیں ہستی نے وفا کی ورنہ​

اور کچھ دن غمِ ہستی سے نباہے جاتے​

​

(شان الحق حقّی)​

 

[فرخ منظور]

تم سے الفت کے تقاضے نہ نباہے جاتے ۔ گلوکارہ: ناہید اختر

 

[مہ جبین]

دل کے ماروں کا نہ کر غم کہ یہ اندوہ نصیب
درد بھی دل میں نہ ہوتا تو کراہے جاتے

بہت خوب

 

[امیداورمحبت]

بہت خوب۔۔۔۔۔۔۔۔۔۔۔۔۔۔۔۔

 

[فرخ منظور]

دل کے ماروں کا نہ کر غم کہ یہ اندوہ نصیب
درد بھی دل میں نہ ہوتا تو کراہے جاتے

بہت خوب

انتخاب پسند فرمانے کے لئے بہت شکریہ مہ جبین صاحبہ!

 

[فرخ منظور]

بہت خوب۔۔۔ ۔۔۔ ۔۔۔ ۔۔۔ ۔۔۔ ۔

انتخاب پسند فرمانے کے لئے شکریہ امیداورمحبت!

 

[زبیر مرزا]

واہ بہت عمدہ غزل - ہر شعر لاجواب

 

[سیدہ شگفتہ]

تم سے الفت کے تقاضے نہ نباہے جاتے​

ورنہ ہم کو بھی تمنّا تھی کہ چاہے جاتے​

​

دل کے ماروں کا نہ کر غم کہ یہ اندوہ نصیب​

درد بھی دل میں نہ ہوتا تو کراہے جاتے​

​

کاش اے ابرِ بہاری ترے بہکے سے قدم​

میری امیّد کے صحرا میں بھی گاہے جاتے​

​

ہم بھی کیوں دہر کی رفتار سے ہوتے پامال​

ہم بھی ہر لغزشِ مستی کو سراہے جاتے​

​

ہے ترے فتنۂ رفتار کا شہرہ کیا کیا​

گرچہ دیکھا نہ کسی نے سرِ راہے جاتے​

​

ہم نگاہی کی ہمیں خود بھی کہاں تھی توفیق​

کم نگاہی کے لئے عذر نہ چاہے جاتے​

​

لذّتِ درد سے آسودہ کہاں دل والے​

ہیں فقط درد کی حسرت میں کراہے جاتے​

​

دی نہ مہلت ہمیں ہستی نے وفا کی ورنہ​

اور کچھ دن غمِ ہستی سے نباہے جاتے​

​

(شان الحق حقّی)​

بہت عمدہ انتخاب فرخ بھائی !
مجھے پہلے نہیں علم تھا کہ یہ کلام شان الحق حقی کا ہے ۔

 

[چھوٹاغالبؔ]

سواد آ گیا بادشاہو

 

[فرخ منظور]

بہت شکریہ زحال مرزا صاحب، سیدہ شگفتہ صاحبہ اور چھوٹاغالبؔ صاحب!

 

[طارق شاہ]

غزلِ
شان الحق حقی

تم سے اُلفت کے تقاضے نہ نِباہے جاتے
ورنہ ہم کو بھی تمنّا تھی کہ، چاہے جاتے

دل کے ماروں کا نہ کرغم، کہ یہ اندوہ نصیب
زخم بھی دل میں نہ ہوتا، تو کراہے جاتے

ہم نِگاہی کی ہمیں خود بھی کہاں تھی توفیق !
کم نِگاہی کے لیے عذر نہ چاہے جاتے

کاش اے ابرِ بہاری! تِرے بہکے سے قدم !
میری اُمّید کے صحرا میں بھی گاہے جاتے

ہم بھی کیوں دہر کی رفتار سے ہوتے پامال
ہم بھی، ہر لغزشِ مستی کو سراہے جاتے

لذّتِ درد سے، آسُودہ کہاں دل والے
ہیں فقط درد کی حسرت میں کراہے جاتے

دی نہ مُہلت ہمیں ہستی نے، وفا کی ورنہ !
اور کچھ دن، غمِ ہستی سے نِباہے جاتے

شان الحق حقی ​