داغ تم نے بدلے ہم سے گن گن کے لیے ۔ داغ دہلوی

[فاتح]

اسی زمین میں حضرت امیر مینائی کی ایک غزل "تند مے اور ایسے کمسن کے لیے" ہم نے کچھ عرصہ قبل ارسال کی تھی۔ آج حضرت داغ دہلوی کی غزل ملاحظہ فرمائیں:

تم نے بدلے ہم سے گن گن کے لیے​

ہم نے کیا چاہاتھا اس دن کے لیے​

​

کچھ نرالا ہے جوانی کا بناؤ​

شوخیاں زیور ہیں اس سن کے لیے​

​

وصل میں تنگ آ کے وہ کہنے لگے​

کیا یہ جوبن تھا اسی دن کے لیے​

​

چاہنے والوں سے گر مطلب نہیں​

آپ پھر پیدا ہوئے کن کے لیے​

​

فیصلہ ہو آج میرا آپ کا​

یہ اٹھا رکھا ہے کس دن کے لیے​

​

دے مئے بے درد اے پیر مغاں​

چاہیے اک پاک باطن کے لیے​

​

دل کے لینے کو ضمانت چاہیے​

اور اطمینان ضامن کے لیے​

​

مے کشو مژدہ، اب آئی فصلِ گل​

بلبلوں نے چونچ میں تنکے لیے​

​

ہم نشینوں سے مرے کہتے ہیں وہ​

چھوڑ دیں غیروں کو کیا ان کے لیے​

​

ہیں رخِ نازک پہ گنتی کے نشاں​

کس نے تیرے بوسے گن گن کے لیے​

​

وہ نہیں سنتے ہماری کیا کریں​

مانگتے ہیں ہم دعا جن کے لیے​

​

آج کل میں داغؔ ہو گے کامیاب​

کیوں مرے جاتے ہو دو دن کے لیے​

نواب مرزا خان داغؔ دہلوی کے مجموعۂ کلام "مہتابِ داغ" سے انتخاب

 

[محمد بلال اعظم]

واہ
عمدہ انتخاب

 

[باباجی]

واہ بہت خوب شیئرنگ استاد محترم

چاہنے والوں سے گر مطلب نہیں​

آپ پھر پیدا ہوئے کن کے لیے​

 

[محب علوی]

زبردست ، داغ کی غزل چن کر لگائی ہے۔

 

[فاتح]

واہ
عمدہ انتخاب

شکریہ

 

[فاتح]

واہ بہت خوب شیئرنگ استاد محترم

چاہنے والوں سے گر مطلب نہیں​

آپ پھر پیدا ہوئے کن کے لیے​

شکریہ بھائی۔

 

[فاتح]

زبردست ، داغ کی غزل چن کر لگائی ہے۔

تمھارے لیے ہی چنی ہے کیونکہ تمھارے خیالات کی غماز ہے

 

[محمد وارث]

شکریہ فاتح صاحب خوبصورت غزل ارسال فرمانے کیلیے

 

[فاتح]

شکریہ فاتح صاحب خوبصورت غزل ارسال فرمانے کیلیے

پسند فرمانے پر ممنون ہوں جناب۔

 

[محب علوی]

تمھارے لیے ہی چنی ہے کیونکہ تمھارے خیالات کی غماز ہے

اچھا میں اسے اعزاز کے طور پر لے لیتا ہوں۔

 

[شیزان]

وصل میں تنگ آ کے وہ کہنے لگے
کیا یہ جوبن تھا اسی دن کے لیے

چاہنے والوں سے گر مطلب نہیں
آپ پھر پیدا ہوئے کن کے لیے

واہ جی واہ۔۔ درست ہی تو ہے۔۔
بہت عمدہ انتخاب فاتح بھائی
پہلے بھی پڑھی ہے لیکن مکمل اب پڑھی۔
جیتے رہیئے

 

[مدیحہ گیلانی]

واہ سبحان اللہ کیسا خوبصورت کلام ہے ۔
داغ کی خوبصورت غزل شئیر کرنے کا بہت شکریہ فاتح صاحب ۔

 

[فاتح]

وصل میں تنگ آ کے وہ کہنے لگے
کیا یہ جوبن تھا اسی دن کے لیے

چاہنے والوں سے گر مطلب نہیں
آپ پھر پیدا ہوئے کن کے لیے

واہ جی واہ۔۔ درست ہی تو ہے۔۔
بہت عمدہ انتخاب فاتح بھائی
پہلے بھی پڑھی ہے لیکن مکمل اب پڑھی۔
جیتے رہیئے

ممنون ہوں کہ آپ کو انتخاب پسند آیا۔

 

[فاتح]

واہ سبحان اللہ کیسا خوبصورت کلام ہے ۔
داغ کی خوبصورت غزل شئیر کرنے کا بہت شکریہ فاتح صاحب ۔

حوصلہ افزائی فرمانے پر آپ کا بھی شکریہ