مومن توبہ ہے کہ ہم عشق، بتوں کا نہ کریں گے ۔ مومن

[فرخ منظور]

توبہ ہے کہ ہم عشق، بتوں کا نہ کریں گے
وہ کرتے ہیں اب، جو نہ کیا تھا، نہ کریں گے

ٹھہری ہے کہ ٹھہرائیں گے، زنجیر سے دل کو
پر، برہمیِ زلف کا سودا نہ کرِیں گے

اندیشہ مژگاں میں اگر خوں نے کیا جوش
نشتر سے علاجِ دلِ دیوانہ کرِیں گے

گر آرزوئے وصل نے بیمار کیا تو
پرہیز کریں گے، پہ مداوا نہ کریں گے

تشبیہ زبس دیتے ہیں لب ہائے بتاں کو
مر جائیں گے پر منتِ عیسیٰ نہ کریں گے

پھر جائے نہ تا چشمِ صنم آنکھ کے اگے
سیرِ چمن نرگسِ شہلا نہ کریں گے

رکھ لیویں گے پتھر، مگر ان سنگ دلوں کو
چھاتی سے لگانے کی تمنّا نہ کریں گے

گو دار پہ کھینچھیں ہمیں دل دار نصاریٰ
پر آرزوئے زلفِ چلیپا نہ کریں گے

گر حسنِ گلو سوز نے پھر آگ لگائی
کیوں آپ دمِ تیغ سے ٹھنڈا نہ کریں گے

ہے عہد کہ پھر جا نہ کریں کوئے بتاں میں
پھر جائیں اب اس عہد سے ایسا نہ کریں گے

کہتے ہیں یہ ہم چاٹ کے خاک اس میں ہوں گو خاک
پر اب تو زمیں بوس کلیسا نہ کریں گے

جوں قبلہ نما گرچہ تڑپتے ہی کٹے عمر
پر منہ سوئے دیرِ صنم آرا نہ کریں گے

ق

اے حضرتِ مومن، یہ مسلم جو ہے ارشاد
بھولے سے بھی اب ذکر بتوں کا نہ کریں گے

لیکن جو بتوں نے ہی بھلا آپ سے کی بات
پھر آپ ہی فرمائیں کہ کیا کیا نہ کریں گے

(مومن خان مومن)

 

[جیہ]

خوب۔ بیشتر اشعار بھلے لگے۔ اس شعر نے چونکا دیا کہ کہاں مومن اور کہاں پرہیز

گر آرزوئے وصل نے بیمار کیا تو
پرہیز کریں گے، پہ مداوا نہ کریں گے

مگر آخری شعر نے حقیقت کھول دی

ق

اے حضرتِ مومن، یہ مسلم جو ہے ارشاد
بھولے سے بھی اب ذکر بتوں کا نہ کریں گے

لیکن جو بتوں نے ہی بھلا آپ سے کی بات
پھر آپ ہی فرمائیں کہ کیا کیا نہ کریں گے

 

[اداس]

بہت خوب

 

[فاتح]

واہ کیا خوبصورت انتخاب ہے قبلہ۔ خصوصاً براہینِ 'قطعہ' تو لا جواب ہیں۔

 

[فرخ منظور]

خوب۔ بیشتر اشعار بھلے لگے۔ اس شعر نے چونکا دیا کہ کہاں مومن اور کہاں پرہیز

گر آرزوئے وصل نے بیمار کیا تو
پرہیز کریں گے، پہ مداوا نہ کریں گے

مگر آخری شعر نے حقیقت کھول دی

ق

اے حضرتِ مومن، یہ مسلم جو ہے ارشاد
بھولے سے بھی اب ذکر بتوں کا نہ کریں گے

لیکن جو بتوں نے ہی بھلا آپ سے کی بات
پھر آپ ہی فرمائیں کہ کیا کیا نہ کریں گے

بہت شکریہ جویریہ لیکن جس شعر نے آپ کو چونکایا ہے اسی شعر میں قبلہ خود ہی فرماتے ہیں کہ وصل سے چاہے جو بھی تکلیف ہو اس سے کچھ دیر کے لئے پرہیز تو کیا جا سکتا ہے لیکن اس تکلیف کا مداوا کرنے کی کوشش بالکل نہیں کریں گے۔ لہٰذا مقطع تک جانے کی ضرورت ہی پیش نہیں آتی۔

 

[فرخ منظور]

بہت خوب

بہت شکریہ!

 

[فرخ منظور]

واہ کیا خوبصورت انتخاب ہے قبلہ۔ خصوصاً براہینِ 'قطعہ' تو لا جواب ہیں۔

بہت شکریہ حضرت اس قطعہ سے صاف ظاہر ہے کہ مومن کو قطع محبت کبھی بھی قبول نہ تھی۔

 

[محمد وارث]

شکریہ فرخ صاحب، خوبصورت غزل شیئر کرنے کیلیے!

 

[شاہ حسین]

بہت خوب جناب سخنور عمدہ شراکت ہے ۔ شکریہ ۔

 

[عمران شناور]

بہت اچھی شیئرنگ ہے۔ شکریہ سخنور جی!

 

[فرخ منظور]

پسند کرنے کے لئے شکریہ جناب وارث صاحب، شاہ صاحب اور عمران شناور صاحب!