محمود احمد غزنوی
محفلین
تُو ہی تُو
سارے تیرے روپ گھنیرے۔۔
گہرے رنگ ہیں تیرے۔۔۔۔۔۔۔
جن کو اب تک دیکھ نہ پایا
وہ منظر بھی تیرے۔ ۔ ۔ ۔ ۔
جن کو سوچوں جان نہ پاؤں
سارے بھید وہ تیرے۔ ۔ ۔۔۔
کیسی یہ خاموشی ہر دم
گونجے چار چوفیرے۔ ۔ ۔۔ ۔۔
جیسے گیت پہاڑی دھن میں
ان دیکھے نے چھیڑے۔ ۔ ۔ ۔۔ ۔
جو خوشبو میں چھو نہ پاؤں
کیوں مجھ کو وہ گھیرے۔ ۔ ۔۔
جن پھولوں کی خاطر پاؤں
زخمی ہوگئے میرے۔۔۔۔۔۔۔۔۔
وہ سب پھول بھی تیرے تھے
اور وہ کانٹے بھی تیرے۔ ۔ ۔ ۔ ۔ ۔
میرے دشمن ، میرے ساجن
ظاھر باطن میرے۔۔۔۔۔۔۔۔۔۔۔۔۔۔۔
تیرے ہی سب رہبر ہیں اور
تیرے چور لٹیرے۔۔۔۔۔۔۔۔۔۔۔۔۔۔۔
میری ذات کے سارے موسم
پت جھڑ ساون۔۔۔۔۔۔۔۔۔۔۔ تیرے
میرے سارے سانجھ سویرے
میرے دھوپ اندھیرے۔۔۔۔۔۔۔۔۔۔
میرے سارے کنکر پتھر
ہیرے موتی۔۔۔۔۔۔۔۔۔۔تیرے
میرا مجھ میں کچھ بھی نہیں ہے
تُو ہے، یہ سب تیرے۔۔۔۔۔۔۔۔۔۔۔۔۔۔۔۔۔
