پروین شاکر تہمت لگا کے ماں پہ جو دشمن سے داد لے

[عبد الرحمٰن]

کچھ فیصلہ تو ہو کہ کدھر جانا چاہئے
پانی کو اب تو سر سے گزر جانا چاہئے

نشتر بدست شہر سے چارہ گری کی لو
اے زخم بے کسی تجھے بھر جانا چاہئے

ہر بار ایڑیوں پہ گرا ہے مرا لہو
مقتل میں اب یہ طرز دگر جانا چاہئے

کیا چل سکیں گے جن کا فقط مسئلہ یہ ہے
جانے سے پہلے رخت سفر جانا چاہئے

سارا جوار بھاٹا مرے دل میں ہے مگر
الزام یہ بھی چاند کے سر جانا چاہئے

جب بھی گئے عذاب در و بام تھا وہی
آخر کو کتنی دیر سے گھر جانا چاہئے

تہمت لگا کے ماں پہ جو دشمن سے داد لے
ایسے سخن فروش کو مر جانا چاہئے
پروین شاکر

 

[محمد عدنان اکبری نقیبی]

عبد الرحمٰن بھیا مبارکا جی ،آپ کی دلی خواہش پوری ہوئی۔

 

[عبد الرحمٰن]

عبد الرحمٰن بھیا مبارکا جی ،آپ کی دلی خواہش پوری ہوئی۔

جی ہم بہت مشکور ہیں فرقان احمد بھائی کہ جن کی کوشش سے اس خؤشی کو حاصل کر سکے
شکریہ محمد عدنان اکبری نقیبی بھائی خؤشی میں شامل ہوئے