شمشاد
لائبریرین
اج اوس پنڈ دے میں کولوں لنگھ چلیاں
جتھوں کدے ہلنے تے دل نہیں سی کردا
جتھے مینوں نت پیا رہندا کوئی کم سی
کم کی سی ۔۔۔۔ سچی گل اے جتھے تیرا دم سی
تیرے دم نال پنڈ حج والی تھاں سی
کیڈا سوہنا ناں سی
اوہدا ناں سُندیاں ای جان پے جاندی سی
دید اوہدی اکھیاں نوں ٹھنڈ اپڑاندی سی
دُوروں رُکھ تک کے تھکینویں لہہ جاندے سن
باہیں مار مار کے اوہ انج پَے بُلاندے سن
سورگ دا سواد آؤے جیہناں ہیٹھ کھلیاں
اج اوہناں رُکھاں دے میں کولوں لنگھ چلیاں
اج میرے پیراں نوں نہ کھچ کوئی ہوندی اے
پنڈ ولوں آئی وا پنڈے نوں نہ پوہندی اے
کسے دیاں چاواں میرا راہ نہیں ڈکیا
کوٹھے اُتے چڑھ کے تے کسے نہیں تکیا
ککراں دے اولھے ہو کے سبھ توں اکلیاں
اج انج پنڈ دے میں کولوں لنگھ چلیاں
جویں کویں کسے گستان کولوں لنگدائے !
(شریف کنجاہی)
جتھوں کدے ہلنے تے دل نہیں سی کردا
جتھے مینوں نت پیا رہندا کوئی کم سی
کم کی سی ۔۔۔۔ سچی گل اے جتھے تیرا دم سی
تیرے دم نال پنڈ حج والی تھاں سی
کیڈا سوہنا ناں سی
اوہدا ناں سُندیاں ای جان پے جاندی سی
دید اوہدی اکھیاں نوں ٹھنڈ اپڑاندی سی
دُوروں رُکھ تک کے تھکینویں لہہ جاندے سن
باہیں مار مار کے اوہ انج پَے بُلاندے سن
سورگ دا سواد آؤے جیہناں ہیٹھ کھلیاں
اج اوہناں رُکھاں دے میں کولوں لنگھ چلیاں
اج میرے پیراں نوں نہ کھچ کوئی ہوندی اے
پنڈ ولوں آئی وا پنڈے نوں نہ پوہندی اے
کسے دیاں چاواں میرا راہ نہیں ڈکیا
کوٹھے اُتے چڑھ کے تے کسے نہیں تکیا
ککراں دے اولھے ہو کے سبھ توں اکلیاں
اج انج پنڈ دے میں کولوں لنگھ چلیاں
جویں کویں کسے گستان کولوں لنگدائے !
(شریف کنجاہی)
