تیری یادوں سے لو لگائی ہے

[رہ وفا]

السلام علیکم !
اپنی ایک غزل پیش کر رہا ہوں امید ہے سب دوستوں کو پسند آئے گی۔

تیری یادوں سے لو لگائی ہے
عمر بھر کی یہی کمائی ہے

وہ نہ آئیں کسی کے دھوکے میں
جنکی نظروں میں پارسائی ہے

تم زمانے کے بعد آئے ہو
زندگی کھل کے مسکرائی ہے

آندھیو تم سے بجھ نہ پائے گی
ہم نے جو شمعِ دل جلائی ہے

اے صبا تو ہی حال دل کہنا
کب وہاں تک مری رسائی ہے

ہم کہاں منزلوں کے طالب تھے
ہم کو تقدیر کھینچ لائی ہے

یہ شہادت سے کم نہیں سجاد
ان کے در پہ جو موت آئی ہے

سجاد انور
​

 

[عمران شناور]

بہت عمدہ سجاد انور صاحب!

 

[محمد وارث]

اردو محفل پر خوش آمدید سجّاد انور صاحب۔

اچھی غزل ہے آپ کی۔ لاجواب۔

اور اگر ہو سکے تو تعارف والے زمرے میں اپنا تعارف بھی کروا دیں تا کہ احباب سے آپ کی شناسائی ہو سکے۔

 

[فاتح]

سبحان اللہ! خوبصورت غزل ہے۔
محفل پر خوش آمدید اور تعارف کے ہم بھی منتظر ہیں۔

 

[فرخ منظور]

بہت عمدہ غزل ہے سجاد صاحب!

 

[الف عین]

سجاد صاحب، اچھی غزل ہے، اپنا تعارف بھی دیں، اور یہ ’رہ وفا‘ کیوں، میں سمجھا کہ کوئی محترمہ ہیں!!!

 

[خرم شہزاد خرم]

بہت پیاری غزل ہے امید ہے کلام پڑھنے کو ملتا رہے گا

 

[شاہ حسین]

بہت خوب جناب سجاد صاحب اچھی غزل ہے محفل میں خوش آمدید ۔

 

[ش زاد]

محفل میں خوش آمدید جناب اچھی غزل ہے لکھتے رہیئے

 

[رہ وفا]

سب دوستوں کی حوصلہ افزائی کا بہت شکریہ

 

[رہ وفا]

سجاد صاحب، اچھی غزل ہے، اپنا تعارف بھی دیں، اور یہ ’رہ وفا‘ کیوں، میں سمجھا کہ کوئی محترمہ ہیں!!!

سب سے پہلے تو غزل پسندکرنے کا بہت شکریہ
رہ وفا سے مراد وفا کا راستہ ہے اس لئے لازمی نہیں کہ کوئی محترمہ ہی اس کا انتخاب کریں

 

[رہ وفا]

تعارف

السلام علیکم!
میں نے بہت ڈھونڈا لیکن تعارف کی پوسٹ کہیں نظر نہیں آئی۔برائے مہربانی مجھے آگاہ کیجئے۔۔۔۔

 

[مغزل]

لیجیے جناب ۔ یہ رہا ربط http://www.urduweb.org/mehfil/forumdisplay.php?f=39
نیا موضوع پر کھٹکا۔۔ فرما کر۔ تازہ لڑی چھیڑیے اور ہم اپنے بارے میں مٍفصل معلومات فراہم کیجے ۔