تبسم تیرے دم سے ہیں غم کدے آباد ۔ صوفی تبسّم

[فرخ منظور]

تیرے دم سے ہیں غم کدے آباد
شادباش اے غمِ محبت شاد

ایک عالم ہے خانماں برباد
کیا فراواں ہے دولتِ بیدار

ہے وہی شانِ نخوّتِ پرویز
وائے ناکامی غمِ فرہاد

سرنگوں ہیں نواگرانِ قفس
اوج پر ہے ستارۂ صیّاد

تیرے عہدِ شباب سے ظالم
ہوئیں لاکھوں جوانیاں برباد

میں تہی دستِ حسرتِ دیدار
شہر کا گوشہ گوشہ حُسن آباد

آہ کرتے جہاں نہیں بنتی
کیا سُنے گا وہاں کوئی فریاد

عشق گویند کارِ دشوار است
میکنم عشق ہر چہ بادا باد

پھر تبسّم بہار کے دن آئے
پھر ستانے لگی کسی کی یاد

(صوفی تبسّم)

 

[سید زبیر]

بہت اعلیٰ کلام

میں تہی دستِ حسرتِ دیدار​

شہر کا گوشہ گوشہ حُسن آباد​

آہ کرتے جہاں نہیں بنتی​

کیا سُنے گا وہاں کوئی فریاد​

واہ بہت خوب​

 

[فرخ منظور]

بہت اعلیٰ کلام

میں تہی دستِ حسرتِ دیدار​

شہر کا گوشہ گوشہ حُسن آباد​

آہ کرتے جہاں نہیں بنتی​

کیا سُنے گا وہاں کوئی فریاد​

واہ بہت خوب​

انتخاب پسند فرمانے کا شکریہ زبیر صاحب!