تیرے نال میں لائیاں اکھیاں

[عبدالقیوم چوہدری]

تیرے نال میں لائیاں اکھیاں
وے تو فیر وی دوریاں رکھیاں
تو جت گئیوں بےدردا میں تتڑی ہار گئی
تیری بے پرواہی سجناں مینوں مار گئی

تو نظرے آویں تے پخ پیندے ساہ میرے
تیرے پیراں نال ولے گئے سارے راہ میرے
تیرے ولوں آندی ہوا میری زلف کھلار گئی
تیری بے پرواہی سجناں مینوں مار گئی

میں قصے ویچدی ویچدی بن گئی قصہ وے
تیرا ناء ہن بن گیا میرے ناء دا حصہ وے
تو پرلے پار رہیئو میں ڈُب وچکار گئی
تیری بے پرواہی سجناں مینوں مار گئی


​