تیرے کرم کی بھیک لے ایسا حقیر غم نہیں: :ڈاکٹر معین احسن جذبیؔ

[طاہر راجپوت ملتان]

تیرے کرم کی بھیک لے ایسا حقیر غم نہیں
جا او ستم شعار جا آرزوئے کرم نہیں

آہ میں گرمیاں نہیں دیدہ شوق نم نہیں
اک دل غم پرست کو آج کسی کا غم نہیں

ہائے یہ مژدہ کرم تھم دل نا شکیب تھم
جس میں ستم کی بو نہ ہو ایسا کرم نہیں

سوز وہی تپش وہی زخم وہی خلش وہی
پوچھئے دل سے آج کیوں نالہ دمبدم نہیں

ڈاکٹرمعین احسن جذبیؔ
1912-2005 اعظم گڑھ
✍فروزاں​

 

[محمد خلیل الرحمٰن]

ہائے یہ مژدہ کرم تھم دل نا شکیب تھم
جس میں ستم کی بو نہ ہو ایسا کرم نہیں​

دوسرے مصرع میں شاید لفظ “کرم” دوسری مرتبہ ٹائپ ہونے سے سہواً رہ گیا ہے!!

 

[طاہر راجپوت ملتان]

دوسرے مصرع میں شاید لفظ “کرم” دوسری مرتبہ ٹائپ ہونے سے سہواً رہ گیا ہے!!

نہیں معذرت میرے لکھے میں غلطی کی گنجائش نہیں ہو بہو کاپی کتاب سے پبلیشر سے غلطی ہوئی ہو گی مگر جو بک میں ہے وہی لکھا گیا ہے
شکریہ رائے کے لیے