ثابت ہے جرم میرا میں نے وفا نبھائی

[ارشد چوہدری]

الف عین
عظیم
شکیل احمد خان23
ارشد رشید
------------
ثابت ہے جرم میرا میں نے وفا نبھائی
چھوٹے نہ ساتھ تیرا چھوٹے بھلے خدائی
-----------
تیرے بغیر اپنی ہے زندگی ادھوری
منظور اب نہیں ہے تیری ہمیں جدائی
------------
زخمی ہے قوم ساری اس آگ میں جھلس کر
کوئی تو اس کو سمجھے کس نے چتا جلائی
----------
تھی زندگی میں رونق تیرے ہی دم قدم سے
تیرے بغیر ہم نے محفل نہیں سجائی
------------
وہ وسوسوں کے ہرگز لگتا نہیں ہے پیچھے
جو قلب کی مسلسل کرتا رہے صفائی
-----------
لگتا نہیں ہے اچھا جینا بھی اب تو ہم کو
تیری ہمیں جدائی ہرگز نہ راس آئی
---------
ظالم نے اس طرح سے حالات کو بگارا
آسان اب نہیں ہے ہرگز بھی لب کشائی
---------
حالات کا بدلنا اب ہو چکا مقدّر
اس بات میں ہے مضمر اب قوم کی بھلائی
-----------
کہتا رہا یہ ارشد کرتا ہوں پیار تم سے
لیکن یہ بات اس کو ہرگز سمجھ نہ آئی
-----------

 

[شکیل احمد خان23]

ثابت ہے جرم میرا میں نے وفا نبھائی۔۔۔۔۔۔۔۔۔۔۔ثابت ہوا وہ میں ہوں جس نے وفا نبھائی
چھوٹے نہ ساتھ تیرا چھوٹے بھلے خدائی۔۔۔۔۔۔۔۔۔۔۔چھوڑا نہ ساتھ تیرا اور چھوڑ دی خدائی/میں نے ہی تیری خاطر ٹھکرادی سب خدائی

تیرے بغیر اپنی ہے زندگی ادھوری۔۔۔۔۔۔۔۔۔۔۔۔میری ہے زندگی۔۔۔۔۔۔۔۔۔
منظور اب نہیں ہے تیری ہمیں جدائی۔۔۔۔۔۔۔۔۔۔۔مجھ کو نہیں گوارہ اِک پل کی بھی جدائی

زخمی ہے قوم ساری اس آگ میں جھلس کر۔۔۔۔۔۔۔۔۔آگ سے جھلس کر
کوئی تو اس کو سمجھے کس نے چتا جلائی۔۔۔۔۔۔۔۔۔۔۔۔کوئی تو سمجھے کس نے یہ آگ تھی لگائی

تھی زندگی میں رونق تیرے ہی دم قدم سے
تیرے بغیر ہم نے محفل نہیں سجائی۔۔۔۔۔۔۔۔۔۔۔تیرے بغیر محفل اک آنکھ بھی نہ بھائی

وہ وسوسوں کے ہرگز لگتا نہیں ہے پیچھے۔۔۔۔۔۔۔۔۔اب آپ خود دیکھیں اُردُو زبان و بیان کی رُو سے کتنا عجیب ہے یہ
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔وہ وسوسوں کے پیچھے نہیں لگتا۔۔۔۔۔وسوسوں کے پیچھے نہیں لگتا نہیں بلکہ یوں کہیے وسوسوں میں نہیں پڑتا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔شیطانی وسوسوں میں ہرگز نہیں وہ پڑتا
جو قلب کی مسلسل کرتا رہے صفائی۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

لگتا نہیں ہے اچھا جینا بھی اب تو ہم کو
تیری ہمیں جدائی ہرگز نہ راس آئی

ظالم نے اس طرح سے حالات کو بگارا
آسان اب نہیں ہے ہرگز بھی لب کشائی

حالات کا بدلنا اب ہو چکا مقدّر
اس بات میں ہے مضمر اب قوم کی بھلائی

کہتا رہا یہ ارشد کرتا ہوں پیار تم سے۔۔۔۔۔۔۔۔۔۔۔۔۔،۔۔۔۔۔۔۔۔۔۔۔۔۔۔۔۔پیار تجھ سے
لیکن یہ بات اس کو ہرگز سمجھ نہ آئی۔۔۔۔۔۔۔۔۔۔۔۔۔۔۔۔۔۔لیکن تری سمجھ میں یہ بات ہی نہ آئی

 

[عظیم]

ثابت ہے جرم میرا میں نے وفا نبھائی
چھوٹے نہ ساتھ تیرا چھوٹے بھلے خدائی
-----------وفا تو یوں ہی نبھاتے رہنے کا نام ہے، تو وفا نبھائی بے معنی نہیں ہو جائے گا؟ "جرم میرا" میں تنافر بھی ہے

تیرے بغیر اپنی ہے زندگی ادھوری
منظور اب نہیں ہے تیری ہمیں جدائی
------------الفاظ کی نشست اچھی نہیں لگ رہی، پہلے مصرع میں "ہے" کی نشست تو شاید قابل قبول ہو مگر دوسری میں "تیری" جس جگہ آیا ہے وہ اچھا نہیں لگا مجھے

زخمی ہے قوم ساری اس آگ میں جھلس کر
کوئی تو اس کو سمجھے کس نے چتا جلائی
----------کس نے یہ چتا جلائی ہونا چاہیے، بلکہ بہتر ہے کہ آگ جلائی/لگائی کہا جائے، آگ سے زخمی ہونا بھی عجیب لگتا ہے، جب جھلس کر کہا بھی جا رہا ہے تو

تھی زندگی میں رونق تیرے ہی دم قدم سے
تیرے بغیر ہم نے محفل نہیں سجائی
------------ٹھیک اور بہتر شعر ہے

وہ وسوسوں کے ہرگز لگتا نہیں ہے پیچھے
جو قلب کی مسلسل کرتا رہے صفائی
-----------یہاں بھی الفاظ کی نشست بطور خاص پہلا مصرع، اچھی نہیں، وہ وسوسوں کے پیچھے۔۔ اور ہرگز کو آخر میں لے آیا جائے، دوسرے میں بھی قلب کی بجائے کسی طرح دل لے آئیں تو بول چال کی زبان کے زیادہ قریب ہو جائے

لگتا نہیں ہے اچھا جینا بھی اب تو ہم کو
تیری ہمیں جدائی ہرگز نہ راس آئی
---------تیری جدائی ہم کو ہرگز۔۔۔
مگر ایک سوال یہ پیدا ہو سکتا ہے کہ جدائی تو کم ہی کسی کو راس آتی ہے، اس میں خاص بات؟

ظالم نے اس طرح سے حالات کو بگارا
آسان اب نہیں ہے ہرگز بھی لب کشائی
---------اچھا شعر ہے
بگارا یا بگاڑا؟ دوسرے مصرع کو بدل کر دیکھیں، 'ہرگز بھی' میں 'بھی' بھرتی کا لگتا ہے
آساں نہیں رہی ہے، پل بھر کی لب کشائی
یا اس طرح کا کچھ اور

حالات کا بدلنا اب ہو چکا مقدّر
اس بات میں ہے مضمر اب قوم کی بھلائی
-----------مقدر کی جگہ اگر مقرر لائیں؟

کہتا رہا یہ ارشد کرتا ہوں پیار تم سے
لیکن یہ بات اس کو ہرگز سمجھ نہ آئی
لیکن سمجھ میں اس کی، یہ بات ہی نہ...

 

[عظیم]

جب میں اپنے مشورے اس غزل پر لکھ رہا تھا تو ایک نوٹیفیکشن ملا تو تھا مراسلے کا، مجھے اندازہ بھی تھا کہ بھائی شکیل احمد خان23 نے شاید اصلاح کی ہو، خیر اب ارشد چوہدری بھائی کے پاس ماشاء اللہ کافی باتیں جمع ہو گئی ہوں گی اس غزل کی اصلاح کے لیے

 

[شکیل احمد خان23]

ثابت ہے جرم میرا میں نے وفا نبھائی
چھوٹے نہ ساتھ تیرا چھوٹے بھلے خدائی

ثابت ہوا وہ میں تھا جس نے وفا نبھائی
آخر تری ہی خاطر ٹھکرادی یہ خدائی/آخر تری ہی خاطر دی چھوڑ یہ خدائی
۔۔۔۔۔۔۔۔۔۔۔۔۔۔اور وفا کے ضمن میں عظیم بھائی کا اعتراض بجا ہے کہ اِس وصف کے بعد نبھائی کا اضافہ بیجا ہے
تو جب یہ ہو تو کیا ہو؟
ثابت ہوا کہ میں تھا رسمِ وفا نبھائی۔۔۔۔۔۔۔۔۔۔۔۔۔۔۔جیسی چیز لانے کی ضرورت ہے۔
میں ہی تھا وہ کہ جس نے رسمِ وفا نبھائی۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔اب کسی حد تک بیانیہ دُرست ہوگیا ۔
وہ میں ہی تھاکہ جس نے رسمِ وفا نبھائی
چھوڑا نہ ساتھ تیرا ۔اور چھوڑ دی خدائی

 

[ارشد چوہدری]

شکیل احمد خان23
عظیم
برادران ، اگر مطلع یوں کر دیا جائے تو کیسا رہے گا
-----------
مشکل میں ساتھ تیرے ہے دوستی نبھائی
چھوڑا نہ ساتھ تیرا چھوڑی ہے سب خدائی
------

 

[شکیل احمد خان23]

مشکل میں ساتھ تیرے ہے دوستی نبھائی
چھوڑا نہ ساتھ تیرا چھوڑی ہے سب خدائی

مشکل میں ہم نے تجھ سے یوں دوستی نبھائی
۔۔۔۔۔۔۔۔۔۔۔۔۔۔۔۔۔۔۔۔۔۔۔۔

مشکل گھڑی میں تجھ سے یوں دوستی نبھائی
۔۔۔۔۔۔۔۔۔۔۔۔۔۔۔۔۔۔۔۔۔۔۔۔

مشکل گھڑی میں ہم نے یوں دوستی نبھائی
۔۔۔۔۔۔۔۔۔۔۔۔۔۔۔۔۔۔۔۔۔۔۔

 

[الف عین]

مطلع میں اگر محبوب سے مراد ہے تو شکیل کا رسم وفا والا شعر خوب ہے۔ اگر دوست ہی مراد ہے تو اوپر کے مراسلے کے
باقی بعد میں دیکھتا ہوں

 

[ارشد چوہدری]

الف عین
عظیم
اصلاح شدہ اشعار
-----------
وہ میں ہی تھا کہ جس نے رسمِ وفا نبھائی
چھوڑا نہ ساتھ تیرا چھوڑی سبھی خدائی
-------------
تیرے بغیر میری ہے زندگی ادھوری
مجھ کو نہیں گوارہ اِک پل کی بھی جدائی
-----------
زخمی ہے قوم ساری اس آگ میں جھلس کر
دشمن ہے کون جس نے یہ آگ ہے لگائی
----------
وہ وسوسوں کے ہرگز لگتا نہیں ہے پیچھے
جو قلب کی مسلسل کرتا رہے صفائی
-----------
وہ وسوسوں کے پیچھے لگتا نہیں ہے ہرگز
جو قلب کی مسلسل کرتا رہے صفائی
----------
اب زندگی میں کوئی بھی چاشنی نہیں ہے
لے گی یہ جان میری لازم تری جدائی
----------یا
لے کر رہے گی میری یہ جان اب جدائی
-------------
ظالم نے اس طرح سے حالات کو بگارا
کوئی کرے گا کیسے ایسے میں لب کشائی
-----------یا
اس حال میں کرے گا کوئی نہ لب کشائی
-----------
کہتا رہا یہ ارشد کرتا ہوں پیار تجھ سے
لیکن تری سمجھ میں یہ بات ہی نہ آئی
-----------

 

[عظیم]

وہ میں ہی تھا کہ جس نے رسمِ وفا نبھائی
چھوڑا نہ ساتھ تیرا چھوڑی سبھی خدائی
------------- سبھی خدائی میں 'سبھی' بھرتی کا لگ رہا ہے، چھوڑی مگر خدائی۔ کیا جا سکتا ہے

تیرے بغیر میری ہے زندگی ادھوری
مجھ کو نہیں گوارہ اِک پل کی بھی جدائی
-----------پہلا مصرع مجھے مجہول سا لگتا ہے، انداز بیان کچھ اتنا خاص نہیں ہے
جدائی بھی کس سے ہے یہ واضح نہیں دوسرے مصرع میں

زخمی ہے قوم ساری اس آگ میں جھلس کر
دشمن ہے کون جس نے یہ آگ ہے لگائی
----------پہلے میں آگ کی جگہ کچھ اور لایا جائے تا کہ آگ لفظ دوہرائے جانے سے بچ سکے
مثلاً
پھرتی ہے قوم ساری جس کی تپش سے جل کر
'پھرتی' مجھے خود بھی مناسب نہیں لگ رہا یہ بطور مثال ہے، آپ کچھ اچھا سوچ لیں

وہ وسوسوں کے ہرگز لگتا نہیں ہے پیچھے
جو قلب کی مسلسل کرتا رہے صفائی
-----------یہاں میں وہی بات کہوں گا کہ 'ہرگز' کو آخر میں لائیں تو ٹھیک رہے گا
قلب چل سکتا ہے اگر دل نہیں لایا جا سکتا

وہ وسوسوں کے پیچھے لگتا نہیں ہے ہرگز
جو قلب کی مسلسل کرتا رہے صفائی
----------ٹھیک
وہ وسوسوں کی زد میں آتا نہیں کبھی جو
دل کی ہمیشہ اپنے کرتا رہے صفائی
،۔۔ 'لگتا' اور 'قلب' کا معاملہ اس طرح حل ہو جاتا ہے

اب زندگی میں کوئی بھی چاشنی نہیں ہے
لے گی یہ جان میری لازم تری جدائی
----------یا
لے کر رہے گی میری یہ جان اب جدائی
-------------یہ شاید نیا شعر ہے
یہ وہی دو ٹکڑوں میں منقسم بحر ہے، ہر ایک ٹکڑا میں بات مکمل ہونی چاہیے، پہلے مصرع میں 'بھی' اگلے ٹکڑے میں جا پڑا ہے
اب زندگی میں میری کچھ چاشنی نہیں ہے
دوسرے کے دونوں متبادل پسند نہیں آئے، پہلے متبادل میں 'لازم تری جدائی' میں لازم بھی اگلے ٹکڑا میں آ گیا ہے اور الفاظ کی ترتیب بھی اسی وجہ سے اچھی نہیں لگ رہی
دوسرے متبادل میں 'یہ جان' میں 'یہ' صاف صاف بھرتی کا لگتا ہے

ظالم نے اس طرح سے حالات کو بگارا
کوئی کرے گا کیسے ایسے میں لب کشائی
-----------یا
اس حال میں کرے گا کوئی نہ لب کشائی
-----------اس حال میں کرے کیا، کوئی بھی لب کشائی، بہتر ہو گا، مگر بگاڑا کو آپ ابھی بھی بگارا ہی لکھ رہے ہیں

کہتا رہا یہ ارشد کرتا ہوں پیار تجھ سے
لیکن تری سمجھ میں یہ بات ہی نہ آئی
-----------دوسرے کی متبادل صورت ایک یہ بھی ہو سکتی ہے جو شاید زیادہ رواں رہے
تیری سمجھ میں لیکن، یہ بات ہی . . .

https://www.urduweb.org/mehfil/posts/2498993/react?reaction_id=1

 

[شکیل احمد خان23]

غزل کی ایک ممکنہ صورت:

۔۔۔۔۔۔۔۔غزل
وہ میں ہی تھا کہ جس نے رسمِ وفا نبھائی
ورنہ جہاں میں ہر سُو پھیلی تھی بے وفائی
۔۔۔۔۔۔۔۔تیرے بغیر میری ہے زندگی ادھوری
۔۔۔۔۔۔۔۔مل جائے تو اگر تو مل جائے یہ خدائی
جس آگ سے ہمارا سامان جل گیاہے
کوئی نہیں بتاتا کس نے تھی یہ لگائی
۔۔۔۔۔۔۔۔شیطانی وسوسوں میں ہر گز نہیں وہ پڑتا
۔۔۔۔۔۔۔۔قلب و نظر کی ہر دم رکھتا ہے جو صفائی
ارشد یہ کہہ رہا تھا ہے مجھ کو پیار تجھ سے
تیری سمجھ میں لیکن یہ بات ہی نہ آئی

 

[ارشد چوہدری]

غزل کی ایک ممکنہ صورت:

۔۔۔۔۔۔۔۔غزل
وہ میں ہی تھا کہ جس نے رسمِ وفا نبھائی
ورنہ جہاں میں ہر سُو پھیلی تھی بے وفائی
۔۔۔۔۔۔۔۔تیرے بغیر میری ہے زندگی ادھوری
۔۔۔۔۔۔۔۔مل جائے تو اگر تو مل جائے یہ خدائی
جس آگ سے ہمارا سامان جل گیاہے
کوئی نہیں بتاتا کس نے تھی یہ لگائی
۔۔۔۔۔۔۔۔شیطانی وسوسوں میں ہر گز نہیں وہ پڑتا
۔۔۔۔۔۔۔۔قلب و نظر کی ہر دم رکھتا ہے جو صفائی
ارشد یہ کہہ رہا تھا ہے مجھ کو پیار تجھ سے
تیری سمجھ میں لیکن یہ بات ہی نہ آئی

بہت خوب