ثوبت یا پینڈا (ثرید)

[سید شہزاد ناصر]

یہ ویڈیو میں نے فیس بک پر لگائی تو برادرم شمشاد کا تقاضا تھا کہ محفل پر بھی شریک کریں
سو ان کی خواہش کے احترام میں ویڈیو شریک کر رہا ہوں

​

قصہ کچھ یوں ہے کہ پردیس میں بندہ ایک طرح کے ذائقے اور طریقے سے پکے ہوئے کھانے کھا کر بور ہو جاتا ہے ایک دن خیال آیا کہ کچھ نیا کیا جائے تو جناب یہ ڈش بنائی اور ہم چار میس ممبران نے بہت رغبت سے کھائی طریقہ بہت سادہ ہے مرغ کا سالن تھوڑا پتلے شوربے والا بنا کر ورقی چپاتیاں چھوٹے چھوٹے ٹکڑے کر کے پرات میں ڈالیں اس کے اوپر شوربہ اور بوٹیاں ڈال دیں ساتھ سلاد اور پودینے کی چٹنی ہو تو سبحان اللہ تو جناب بنائیں اور مزے سے کھائیں

 

[سید ذیشان]

بہت شکریہ شیئر کرنے کے لئے۔ یہ میری بھی پسندیدہ کھانوں میں سے ایک ہے۔

 

[سید شہزاد ناصر]

ماہی احمد جاسمن نور وجدان نیرنگ خیال محمد وارث

 

[نور وجدان]

میں بھی کبھی کبھار ایسی کھاتی ہوں بلکہ اسطرح کھانا بہت لطف دیتا ہے، مزیدار!

 

[سید شہزاد ناصر]

میں بھی کبھی کبھار ایسی کھاتی ہوں بلکہ اسطرح کھانا بہت لطف دیتا ہے، مزیدار!

سچ کہا میں بھی بہت رغبت سے کھاتا ہوں

 

[سید شہزاد ناصر]

خیر سے اوشو بھی تشریف رکھتے ہیں

 

[محمد وارث]

ماہی احمد جاسمن نور وجدان نیرنگ خیال محمد وارث

شکریہ سید صاحب ٹیگ کے لیے لیکن میں کھانے کا کم ہی شوقین ہوں۔ سچ پوچھیں تو کھانا کھانا مجھے زہر لگتا ہے۔

کھانے کے شوقین احباب سے معذرت لیکن میں چاہتا ہوں کہ دنیا میں یہ رنگ برنگے کھانے ہوں ہی ناں، یا تو انسان زبان سے ذائقے والے رگ نکلوا دے تا کہ کچھ بھی کھائے اسے علم ہی نہ ہو کہ کیا کھا رہا ہے یا پھر کھانے کی ایک آدھ گولی ہونی چاہیئے جس میں تمام ضروری پروٹین، کاربز، منرلز، وٹامنز، فیٹس وغیرہ ہوں، اللہ اللہ۔۔۔۔۔۔

 

[سید شہزاد ناصر]

شکریہ سید صاحب ٹیگ کے لیے لیکن میں کھانے کا کم ہی شوقین ہوں۔ سچ پوچھیں تو کھانا کھانا مجھے زہر لگتا ہے۔

کھانے کے شوقین احباب سے معذرت لیکن میں چاہتا ہوں کہ دنیا میں یہ رنگ برنگے کھانے ہوں ہی ناں، یا تو انسان زبان سے ذائقے والے رگ نکلوا دے تا کہ کچھ بھی کھائے اسے علم ہی نہ ہو کہ کیا کھا رہا ہے یا پھر کھانے کی ایک آدھ گولی ہونی چاہیئے جس میں تمام ضروری پروٹین، کاربز، منرلز، وٹامنز، فیٹس وغیرہ ہوں، اللہ اللہ۔۔۔۔۔۔

بس سگریٹ ہو باقی بیشک کچھ نہ ہو

 

[شمشاد]

بہت شکریہ سید بادشاہ میرا مان رکھنے کا۔

میری بھی پسندیدہ ڈشوں میں اس کا شمار ہوتا ہے۔

 

[الف نظامی]

بہت خوب ، یہ ورقی چپاتیاں کیسے بنائی جاتی ہے؟

 

[جاسمن]

میں دال اور مٹر آلو میں روٹی کے ٹکڑے بھگو کے کھاتی ہوں اور مجھے بہت مزہ آتا ہے۔ لیکن روٹی پتلی ہو اور تھوڑی رڑکی ہوئی ہو۔ یعنی خستہ سی۔ کبھی اس میں چٹنی اور سلاد بھی شامل کر لیتی ہوں۔

 

[جاسمن]

بہت خوب ، یہ ورقی چپاتیاں کیسے بنائی جاتی ہے؟

میرے سسرال میں پتلی اور بہت بڑی بڑی روٹیوں توی پہ بنائی جاتی ہیں۔ انھیں منڈے (م پہ زبر) کہتے ہیں۔
لیکن ورقی چپاتیوں کا مجھے بھی نہیں پتہ۔

 

[نور وجدان]

میں دال اور مٹر آلو میں روٹی کے ٹکڑے بھگو کے کھاتی ہوں اور مجھے بہت مزہ آتا ہے۔ لیکن روٹی پتلی ہو اور تھوڑی رڑکی ہوئی ہو۔ یعنی خستہ سی۔ کبھی اس میں چٹنی اور سلاد بھی شامل کر لیتی ہوں۔

میں تو جب جب مجھے سالن کھانے کا دل نہ ہو تب روٹی کے ٹکرے میش کردیتی ہوں اور پھر fork سے کھاتی. اتنا مزے کا کوئی کھانا نہیں لگتا جتنا یہ، اللہ کے ہر کھانے میں برکت ہے

 

[سین خے]

ہمارے یہاں ورقی روٹی ویسے ہی بنتی ہے جیسے مانڈا پٹی بنتی ہے۔ دو چھوٹے چھوٹے پیڑے بنا لیں۔ ہلکا سا چپٹا کر لیں اور دونوں کی ایک سائیڈ پر ہلکا سا تیل لگا لیں۔ دونوں کو ایک دوسرے پر رکھ کر بیل لیں۔ خیال رہے کہ تیل والی سائیڈز بیچ میں آئیں۔ عام چپاتی کی طرح پکا لیں۔ جب پک جائے تو کچھ دیر ٹھنڈی ہونے دیں اور پھر دونوں پرتیں الگ کر لیں۔ ہو سکتا ہے ورقی روٹی اور گھرانوں میں الگ طریقے سے بنتی ہو لیکن ہمارے یہاں اس روٹی کو ورقی روٹی کہا جاتا ہے۔
ورقی روٹی کی ریسپی یوٹیوب پرنہیں ملی۔ البتہ فوڈ فیوژن پر مانڈا پٹی بنانے کی ویڈیو ہے۔ اس سے سمجھنے میں مدد مل سکتی ہے۔ بس خیال رہے کہ ورقی روٹی مانڈا کی طرح بہت پتلی نہیں بنائی جاتی ہے۔

 

[سین خے]

ایک رومالی روٹی بھی ہوتی ہے۔

 

[محمد وارث]

اللہ اللہ انسان کتنا کھائے گا اور کیا کیا کھائے گا، مطلب روٹی تو روٹی ہوتی ہے، یہ روٹی کی قسمیں کہاں سے ایجاد ہو گئیں۔

 

[لاریب مرزا]

اللہ اللہ انسان کتنا کھائے گا اور کیا کیا کھائے گا، مطلب روٹی تو روٹی ہوتی ہے، یہ روٹی کی قسمیں کہاں سے ایجاد ہو گئیں۔

یہ بس نئے زمانے کی ایجادات ہیں شاید. پہلے زمانے میں تو ایک ہی روٹی ہوتی تھی.

 

[لاریب مرزا]

شکریہ سید صاحب ٹیگ کے لیے لیکن میں کھانے کا کم ہی شوقین ہوں۔ سچ پوچھیں تو کھانا کھانا مجھے زہر لگتا ہے۔

کھانے کے شوقین احباب سے معذرت لیکن میں چاہتا ہوں کہ دنیا میں یہ رنگ برنگے کھانے ہوں ہی ناں، یا تو انسان زبان سے ذائقے والے رگ نکلوا دے تا کہ کچھ بھی کھائے اسے علم ہی نہ ہو کہ کیا کھا رہا ہے یا پھر کھانے کی ایک آدھ گولی ہونی چاہیئے جس میں تمام ضروری پروٹین، کاربز، منرلز، وٹامنز، فیٹس وغیرہ ہوں، اللہ اللہ۔۔۔۔۔۔

کھانے پینے سے بھی بیزاری؟؟ کھانے کے تو ہم بھی شوقین ہیں بہت. ابھی کل ہم نے فش تکہ کھایا ہے. بہت مزے کا تھا.

 

[محمد وارث]

کھانے پینے سے بھی بیزاری؟؟ کھانے کے تو ہم بھی شوقین ہیں بہت. ابھی کل ہم نے فش تکہ کھایا ہے. بہت مزے کا تھا.

کوئی بیزاری سی بیزاری ہے
طشت کو دیکھ کے پھر یاد آیا

 

[سین خے]

یہ بس نئے زمانے کی ایجادات ہیں شاید. پہلے زمانے میں تو ایک ہی روٹی ہوتی تھی.

ہمارے یہاں ورقی روٹی کی تاریخ تو پڑ دادی تک جاتی ہے