جامعہ ملیہ میں 28 مارچ کو ایک طرحی مشاعرے کے لئے لکھی گئی غزل اساتذہ کرام سے توجہ کی گزارش۔

[محمد علم اللہ]

غزل​

​

اس کی تصویر ہم کو دکھا دی گئی​

کیا مزے کی ہمیں یہ سزا دی گئی​

جس کے سائے میں میری جوانی کٹی​

آج دیوار وہ بھی گرا دی گئی​

اس کی باتیں سناتا رہا مجھ کو غیر​

زخمِ کاری لگا کر دوا دی گئی​

قیدخانے کی رونق مرے دم سے تھی​

"قید کی اور مدت بڑھا دی گئی"​

ہوش میں صبح سے گرچہ بیٹھا تھا میں​

شام یادوں کی مے سی پلا دی گئی​

تیرا عاشق تھا لیکن میں پاگل نہ تھا​

بے وجہ ہی کہانی بڑھا دی گئی​

تا قیامت علم نہ تڑپتا رہے​

اِس لئے اُس کو سولی چڑھا دی گئی​

​

 

[محمد علم اللہ]

الف عین
محمد یعقوب آسی
محمد خلیل الرحمٰن
منیب احمد فاتح
محمد بلال اعظم
ابن سعید
محمداحمد
امجد علی راجا
سید اِجلاؔل حسین

محمد اسامہ سَرسَری ​

محمد اظہر نذیر​

شوکت پرویز​

@سیدشہزادناصر​

مزمل شیخ بسمل​

 

[محمد اسامہ سَرسَری]

ماشاءاللہ۔
میں بھی اساتذہ کا انتظار کر رہا ہوں۔

 

[الف عین]

خوب علم، کون کہہ سکتا ہے کہ یہ تمہاری دوسری غزل ہے!!!!
بس ایک ہی تکنیکی غلطی نظر آئی مجھے۔
بے وجہ ہی کہانی بڑھا دی گئی
وجہ کا تلفظ۔ یہاں ’سبب‘ کر دو، درست ہو جائے گا۔ وجہ میں جیم پر جزم ہے۔
اور اگر اسے بدل سکو تو
شام یادوں کی مے سی پلا دی گئی
اس میں روانی کی کمی ہے۔ ویسے درست ہے

 

[محمداحمد]

بہت خوب کہتے ہیں بھائی آپ۔

 

[محمد اظہر نذیر]

اُستاد محترم جناب الف عین کے بعد ہمارا بولنا چہ معنی دارُد
بہت خوب جناب محمد علم اللہ اصلاحی صاحب

 

[امجد علی راجا]

غزل​

​

​

جس کے سائے میں میری جوانی کٹی​

آج دیوار وہ بھی گرا دی گئی​

​

قیدخانے کی رونق مرے دم سے تھی​

"قید کی اور مدت بڑھا دی گئی"​

بہت خوب محمد علم اللہ بھیا!

"اللہ کرے زورِ قلم اور زیادہ"​

 

[محمد یعقوب آسی]

تا قیامت علم نہ تڑپتا رہے
اِس لئے اُس کو سولی چڑھا دی گئی

نہ نافیہ کو دو حرفی (سبب خفیف) باندھنے پر اصحابِ فن کا اتفاق نہیں ہے۔
۔۔
اس کو سولی چڑھا دی گئی؟ یا ۔۔ اس کو سولی پر چڑھا دیا گیا؟ ۔۔
محاورہ کیا کہتا ہے، جناب الف عین راہنمائی فرمائیں گے؟

 

[محمد یعقوب آسی]

بے وجہ ہی کہانی بڑھا دی گئی​

وجہ کا تلفظ۔ یہاں ’سبب‘ کر دو، درست ہو جائے گا۔ وجہ میں جیم پر جزم ہے۔​

بجا ارشاد جناب الف عین تاہم کچھ دوست ’’طرح‘‘ اور ’’صبح‘‘ کے مصداق یہاں بھی رعایت لیتے ہیں۔
وضع، قطع، طمع، طرح، صبح، وجہ، اور ایسے بہت سے الفاظ کو اردو شاعری میں وتد مجموع اور وتد مفروق دونوں طرح لائے ہیں۔

’’بے سبب‘‘ پر کوئی کلام نہیں! یہاں سب سے بہتر !!!

الف عین محمدعلم اللہ اصلاحی

 

[شوکت پرویز]

قیدخانے کی رونق مرے دم سے تھی

"قید کی اور مدت بڑھا دی گئی"​

​

جناب! آپ نے طرحی مصرعہ پر جو اپنا مصرعہ لگایا ہے، یہ بتانا بہت مشکل ہے کہ یہ دو الگ الگ شاعران کے مصرعے ہیں۔ کیا تسلسل قائم رکھا ہے خیال اور روانی میں۔ سبحان اللہ۔۔۔