جدا وہ ہوتے تو ہم ان کی جستجو کرتے - پنڈت رتن پنڈوری

[کاشفی]

غزل
(پنڈت رتن پنڈوری)
جدا وہ ہوتے تو ہم ان کی جستجو کرتے
الگ نہیں ہیں تو پھر کس کی آرزو کرتے​

ملا نہ ہم کو کبھی عرضِ حال کا موقع
زباں نہ چلتی تو آنکھوں سے گفتگو کرتے​

اگر یہ جانتے ہم بھی انہیں کی صورت ہیں
کمالِ شوق سے اپنی ہی آرزو کرتے​

دلِ حزیں کے مکیں تو اگر صدا دیتا
تری تلاش کبھی ہم نہ کُو بہ کُو کرتے​

کمال جوشِ طلب کا یہی تقاضا ہے
ہمیں وہ ڈھونڈتے ہم ان کی جستجو کرتے​

نمازِ عشق تمہاری قبول ہو جاتی
اگر شراب سے تم اے رتن وضو کرتے​