صفی حیدر
محفلین
پیش ہے اپنی یہ جاں پاک وطن کی خاطر
دل میں ہے عزمِ جواں پاک وطن کی خاطر
جس نے کی ہرزہ سرائی نہیں بچ پائے گی
کھینچ لیں گے وہ زباں پاک وطن کی خاطر
سر نگوں ہو گا عدو جیت ہماری ہو گی
رکھتے ہیں تاب و تواں پاک وطن کی خاطر
یوں ہی لہراتا رہے سبز ہلالی پرچم
عزم و ہمت کا نشاں پاک وطن کی خاطر
مشکلیں رہ کی خس و خاک سے بھی کم تر ہیں
جوش ہے خوں میں رواں پاک وطن کی خاطر
ہو گی شاداب زمیں پھول کھلیں گے ہر سو
ہو گا گل رنگ سماں پاک وطن کی خاطر
پاک دھرتی کے تقدس کی حفاظت کے لیے
ہے صفی شعلہ فشاں پاک وطن کی خاطر
دل میں ہے عزمِ جواں پاک وطن کی خاطر
جس نے کی ہرزہ سرائی نہیں بچ پائے گی
کھینچ لیں گے وہ زباں پاک وطن کی خاطر
سر نگوں ہو گا عدو جیت ہماری ہو گی
رکھتے ہیں تاب و تواں پاک وطن کی خاطر
یوں ہی لہراتا رہے سبز ہلالی پرچم
عزم و ہمت کا نشاں پاک وطن کی خاطر
مشکلیں رہ کی خس و خاک سے بھی کم تر ہیں
جوش ہے خوں میں رواں پاک وطن کی خاطر
ہو گی شاداب زمیں پھول کھلیں گے ہر سو
ہو گا گل رنگ سماں پاک وطن کی خاطر
پاک دھرتی کے تقدس کی حفاظت کے لیے
ہے صفی شعلہ فشاں پاک وطن کی خاطر
