جمہوریۂ آذربائجان کے شہر نخچوان کی جالب تصاویر

[حسان خان]

آئیے آج اپنے برادر ملک جمہوریۂ آذربائجان کے شہر نخچوان (Nakhchivan) کی تاریخی عمارات اور دیگر اماکن کی تصاویر دیکھتے ہیں۔ شہرِ نخچوان کی آبادی محض پچھتر ہزار ہے جو کہ آذربائجانی ترکوں پر مشتمل ہے۔

شہر کے اطراف میں بآسانی نظر آنے والا کوہِ ارارات

باروہیں صدی عیسوی کا خوبصورت معماری نمونہ یوسف ابن قسیر کا مقبرہ۔۔۔ 'محلۂ قوردلار و شہاب' نامی جگہ پر واقع اس تاریخی یادگار کو لوگ 'گنبدِ آتابابا' کے نام سے بھی جانتے ہیں۔ اس عمارت کے معمار عجمی نخچوانی تھے اور یہ ۱۱۶۲ عیسوی میں تعمیر ہوئی تھی۔

معمار عجمی نخچوانی کا مجسمہ

چشمۂ دختران پر واقع خانانِ نخچوان کا محل۔۔ اب یہ عمارت قالین عجائب خانہ کے طور پر استعمال ہوتی ہے۔

قیزلار بولاغی یعنی چشمۂ دختران

چشمۂ دختران میں واقع 'قطرہ' نامی جگہ۔۔۔ یہاں موجود پتھروں سے سال کے تمام موسموں میں پانی ٹپکتا رہتا ہے۔ مقامی روایات کے مطابق اصحابِ کہف کا واقعہ بھی ادھر ہی رونما ہوا تھا۔

دولتِ اتابکان کے حکمران محمد جہان پہلوان کا اپنی والدہ مومنہ خاتون کے لیے ۱۱۸۶ عیسوی میں تعمیر کروایا گیا مقبرہ۔۔ یہ یادگار معمار عجمی نخچوانی کے شاہ آثار میں سے ایک مانی جاتی ہے۔ تاریخ دانوں کی تحقیق کے مطابق محمد جہان پہلوان کا مزار بھی اسی تربت کے زیرِ زمین حصے میں موجود ہے۔

شہر کے مرکز میں موجود اخبار فروش اسٹالوں میں سے ایک

(مقامی روایات کے مطابق) حضرتِ نوح کا مزار

اٹھارویں صدی عیسوی (صفوی دور) میں تعمیر ہونے والی عمارت تربتِ امامزادہ۔۔

'باغِ بزرگ' کے نزدیک واقع 'حضرتِ زہرا مسجد'

ماخذ

 

[حسان خان]

عثمانیوں کے عہدِ حکومت میں تعمیر شدہ کاظم قارابکر پاشا مسجد

مرکزی بس اسٹیشن

سوویت دور کے مکانات

جامع مسجد

نخچوانی بچے

 

[عمر سیف]

لاجواب ۔۔

 

[حسان خان]

لاجواب ۔۔

پذیرائی کے لیے شکریہ عمر بھائی

 

[سید زبیر]

خوش رہیں حسان خان

 

[عمر سیف]

نخچوانی بچے

یہ ابھی گیگ نم ڈانس کرے گا۔

 

[حسان خان]

خوش رہیں حسان خان

شکریہ زبیر انکل۔

یہ ابھی گیگ نم ڈانس کرے گا۔

بچے کی وضع واقعی بڑی دلچسپ ہے۔

 

[زبیر مرزا]

بے حد دلکش اور لاجواب تصاویر بہت شکریہ حسان لال اینٹو کے ساتھ فیروزی اورنیلے رنگ کا استعمال
عمارات کو بہت حُسن عطا کررہا ہے اور آنکھوں کو بھلا لگتا ہے - میں تو آپ کے بتائے مقامات کو ڈائری میں
نوٹ کرنا شروع کردیا اور ساتھ ہی پیسے جمع کرنا بھی

 

[حسان خان]

میں تو آپ کے بتائے مقامات کو ڈائری میں
نوٹ کرنا شروع کردیا اور ساتھ ہی پیسے جمع کرنا بھی

میں بھی اپنے روزینے سے پیسے جمع کرنا شروع کر دیتا ہوں، پھر ساتھ ہی ان سب مقامات کی سیر کرنے چلیں گے۔

 

[arifkarim]

اذربائجان بہت خوبصورت ہے!

 

[حسان خان]

اذربائجان بہت خوبصورت ہے!

نہ صرف خوبصورت ہے، بلکہ مسلم دنیا کے حوالے سے آذربائجان کا خطہ انتہائی مردم خیز اور متمدن رہا ہے، جو بدقسمتی سے اب گوشۂ گمنامی میں چلا گیا ہے۔ یہ کہنا مبالغہ نہ ہو گا کہ پاکستانیوں کی اکثریت آذربائجان کے بارے میں کچھ بھی نہیں جانتی، حالانکہ یہی وہ قطعۂ زمین ہے جہاں سے صائب تبریزی جیسے مفتخرِ روزگار لوگ اٹھتے رہے ہیں۔

 

[arifkarim]

نہ صرف خوبصورت ہے، بلکہ مسلم دنیا کے حوالے سے آذربائجان کا خطہ انتہائی مردم خیز اور متمدن رہا ہے، جو بدقسمتی سے اب گوشۂ گمنامی میں چلا گیا ہے۔ یہ کہنا مبالغہ نہ ہو گا کہ پاکستانیوں کی اکثریت آذربائجان کے بارے میں کچھ بھی نہیں جانتی، حالانکہ یہی وہ قطعۂ زمین ہے جہاں سے صائب تبریزی جیسے مفتخرِ روزگار لوگ اٹھتے رہے ہیں۔

وہاں بھی ایران جیسا اسلامی انقلاب برپا ہو جائے گا تو یہ علاقہ بھی پوری مسلم دنیا میں بہت مشہور ہوگا۔ گمنامی کی اصل وجہ وہاں پر جمہوری سیکولر سیاسی نظام کا رائج ہونا ہے جو کہ مسلم اکثریت ملک کی حیثیت سے اور ایران جیسے ہمسایہ کی وجہ سے خاصی گمنامی کا باعث بنتا ہے۔ نیز صیہونی ریاست ہائے اسرائیل کیساتھ مثبت تعلقات بھی اسکی مسلم دنیا میں گمنامی کو چار چاند لگا دیتے ہیں۔ بس امریکہ رہ گیا ہے جسکی پشت پناہی کے بعد ہی یہ مزید گمنام ہو سکے گا!

 

[حسان خان]

وہاں بھی ایران جیسا اسلامی انقلاب برپا ہو جائے گا تو یہ علاقہ بھی پوری مسلم دنیا میں بہت مشہور ہوگا۔ گمنامی کی اصل وجہ وہاں پر جمہوری سیکولر سیاسی نظام کا رائج ہونا ہے جو کہ مسلم اکثریت ملک کی حیثیت سے اور ایران جیسے ہمسایہ کی وجہ سے خاصی گمنامی کا باعث بنتا ہے۔

خطۂ آذربائجان کا ستر فیصد حصہ اور آذربائجان کا دل تبریز ایران کا ہی جز ہے، اس کے باوجود وہ یہاں نسبتاً گمنام ہے۔

اور جہاں تک جمہوریۂ آذربائجان کی بات ہے، اگر وہاں کا سیکولر پارلیمانی نظام گمنامی کا سبب ہوتا تو پھر ترکی جیسا سیاسی سیکولر ملک بھی عالمِ اسلام اور پاکستان میں اتنا مشہور و معروف نہ ہوتا۔ میری نظر میں وجہ سیدھی سی ہے۔۔ یہاں اکثر لوگوں کو آذربائجان کی تاریخ و ثقافت اور تمدنی خدمات کے بارے میں نہ کچھ معلوم ہے اور نہ ہی وہ زیادہ دلچسپی رکھتے ہیں، جس کی وجہ سے وہ پاکستان میں بالکل غیر معروف ہے۔ اگر پاکستان میں بھی لوگوں کو ہماری اور آذریوں کے بیچ موجود ثقافتی مشترکات سے آگاہ کیا جائے، تو شاید یہاں لوگ کچھ دلچسپی لینا شروع کر دیں۔