جواہر لعل نہرو کی نادر تصاویر

[جاسمن]

بھارت کے پہلے وزیر اعظم جواہر لعل نہرو کو جدید بھارت کے معماروں میں شمار کیا جاتا ہے۔ منگل کو ان کی 50 ویں برسی ہے۔

 

[جاسمن]

نہرو کی پیدائش 14 نومبر 1889 کو الہ آباد میں ہوئی تھی۔ ان کے والد موتی لعل نہرو کا اپنے زمانے کے مشہور وکیلوں اور دولت مند لوگوں میں شمار ہوتا تھا۔ فراک میں ننھے نہرو کی یہ تصویرسنہ 1890 کی ہے جب نہرو کی عمر ایک سال تھی۔

 

[جاسمن]

نہرو کو یہاں اپنے والد موتی لعل نہرو اور ماں سوروپ رانی نہرو کے ساتھ دیکھا جا سکتا ہے۔

 

[جاسمن]

یہ تصویر 1895 میں اس وقت لی گئی جب تقریبا چھ سال کی عمر میں ہندو رواج کے مطابق نہرو کا منڈن (سر منڈانے کی رسم) ہوا۔

 

[جاسمن]

اور یہ تصویر اس وقت کی جب نہرو تقریبا سات سال کے تھے۔

 

[جاسمن]

نہرو کا بچپن انتہائی خوشحال تھا۔ اسی لیے وہ کہتے تھے کہ ان کا بچپن انتہائی نگرانی کے ماحول میں گزرا اور اس میں کسی طرح کا رومانس نہیں تھا۔

 

[جاسمن]

نہرو کی ماں سوروپ رانی کا تعلق ایک برہمن کشمیری خاندان سے تھا۔ نہرو ان کی دوسری اولاد ہیں جبکہ پہلی اولاد کی موت پیدائش کے وقت ہی ہو گئی تھی۔ یہ تصویر سنہ 1900 کے آس پاس کی ہے۔

 

[جاسمن]

نہرو اپنے والدین کے تین بچوں میں سب سے بڑے تھے۔ ان کی ایک بہن وجے لکشمی اقوام متحدہ کی جنرل اسمبلی کی پہلی خاتون صدر بنیں تو دوسری بہن کرشنا ہٹھی سنگھ ایک معروف مصنفہ تھیں۔ سنہ 1904 کے ارد گرد لی جانے والی اس تصویر میں نہرو کو الہ آباد کے اپنے گھر آنند بھون میں گھڑ سواری کرتے ہوئے دیکھا جا سکتا ہے۔

 

[جاسمن]

اور یہ تصویر اس وقت لی گئی جب نہرو کو ہندو رسم و رواج کے مطابق مقدس دھاگہ پہنایا گیا۔

 

[جاسمن]

اس تصویر میں نہرو چیک سوٹ میں ہیں جبکہ ان کے کزن برج کشور کول کرسی پر بیٹھے ہوئے ہیں۔ یہ تصویر 1899 کی ہے۔

 

[جاسمن]

نہرو کی ابتدائی تعلیم گھر پر ہی ہوئی لیکن بعد میں وہ تعلیم کے لیے انگلینڈ چلے گئے جہاں انھوں نے پہلے ہیرو سکول اور بعد میں ٹرینیٹی کالج میں تعلیم حاصل کی۔ یہ تصویر ان کے ہیرو سکول کے دنوں کی ہے جس میں انھوں نے گورکھا وردی پہن رکھی ہے یہ تصویر 1906 کی ہے۔

 

[جاسمن]

ہیرو انگلینڈ کا ایک معروف سکول تھا اور سنہ 1905 میں نہرو وہاں تعلیم حاصل کرنے کے لیے انگلینڈ گئے۔

 

[جاسمن]

نہرو نے لندن کے انٹر ٹمپل سے قانون کی تعلیم حاصل کی اور والد کی طرح بیرسٹر بنے۔ سنہ 1912 میں بھارت واپس آنے کے بعد نہرو نے کئی سال تک وکالت کی۔ یہ تصویر 1912 کی ہے۔

 

[جاسمن]

جواہر لعل نہرو نے 1916 میں کملا کول سے شادی کی اور ان کے یہاں ایک بیٹی اندرا پیداہوئی، جو بعد میں بھارتی کی وزیر اعظم بنیں۔ دہلی میں ہونے والی اس شادی کے بعد دلہا دلہن عروسی جوڑے میں نظر آ رہے ہیں۔

 

[جاسمن]

نہرو 1919 میں کانگریس میں شامل ہوئے اور بھارت کی آزادی کے لیے گاندھی کی قیادت میں کام کرنے والے سرکردہ رہنماؤں میں شامل رہے۔ دوسری جنگ عظیم کے اختتام تک نہرو گاندھی کے جانشین تسلیم کیے جانے لگے اور ملک کی آزادی کے بعد وہی پہلے وزیر اعظم بنے۔

 

[جاسمن]

نہرو 15 اگست 1947 سے 27 مئی 1964 کو اپنے انتقال تک بھارت کے وزیر اعظم رہے۔ انھوں نے ملک میں اقتصادی اصلاحات کیں اور بھارت میں صنعت کے فروغ میں اہم کردار ادا کیا۔

 

[جاسمن]

وزیر اعظم نہرو کے دور میں بھارت اور چین کے درمیان امن قائم کرنے کی کوششوں کے باوجود سنہ 1962 میں جنگ ہوئی جس میں بھارت کو شکست ہوئی۔ اس ناکامی سے نہ صرف نہرو کے پنچ شیل منصوبوں کو زک پہنچا بلکہ اس کے بعد ان کی صحت بھی بگڑنے لگی۔ 27 مئی 1964 کو ان کا انتقال ہو گیا۔ ان کے آخری سفر میں لوگ اپنے رہنما کوخراج عقیدت پیش کرنے بڑی تعداد میں آئے۔

 

[x boy]

یہ وہی ابلس ہے جس کی وجہ سے مسلمانوں نے کانگریس سے علیحدگی اختیار کرکے مسلم لیگ بنائی،، الحمدللہ اچھا ہی ہوا،،

 

[arifkarim]

یہ وہی ابلس ہے جس کی وجہ سے مسلمانوں نے کانگریس سے علیحدگی اختیار کرکے مسلم لیگ بنائی،، الحمدللہ اچھا ہی ہوا،،

الحمدللہ بہت اچھا ہوا۔ برصغیری مسلمان تین چار حصوں میں بٹ گئے۔ یہ ہمارے اسلامی عقائد کےمطابق اچھا ہی تو ہے۔