La Alma
لائبریرین
جو گزری ہے اس پر لکھی ہے
قلم بھی مرا کاغذی ہے
قیامت تو ہے بعد کی بحث
کسی کی ابھی جاں گئی ہے
مرے تھے مگر جی اٹھے ہیں
پسِ مرگ بھی زندگی ہے
نئے حادثے کا ہے آغاز
ازل کل بھی تھا آج بھی ہے
یہاں بھی ہے اک حشر برپا
وہاں بھی عدالت لگی ہے
کبھی کُل ہے جُز کے برابر
کبھی ایک پَل بھی صدی ہے
کہانی مکمل نہیں تھی
مگر ہم نے پوری پڑھی ہے
اٹھے جو کسی اور جانب
وہ پہلا قدم آخری ہے
یہ فرصت غنیمت سمجھیے
یہ مہلت گھڑی دو گھڑی ہے
نہ بن پائی ہم سے کوئی بات
ہماری کہی، ان کہی ہے
ابد بھی ہوا ختم المٰیؔ
اجل سامنے پھر کھڑی ہے
قلم بھی مرا کاغذی ہے
قیامت تو ہے بعد کی بحث
کسی کی ابھی جاں گئی ہے
مرے تھے مگر جی اٹھے ہیں
پسِ مرگ بھی زندگی ہے
نئے حادثے کا ہے آغاز
ازل کل بھی تھا آج بھی ہے
یہاں بھی ہے اک حشر برپا
وہاں بھی عدالت لگی ہے
کبھی کُل ہے جُز کے برابر
کبھی ایک پَل بھی صدی ہے
کہانی مکمل نہیں تھی
مگر ہم نے پوری پڑھی ہے
اٹھے جو کسی اور جانب
وہ پہلا قدم آخری ہے
یہ فرصت غنیمت سمجھیے
یہ مہلت گھڑی دو گھڑی ہے
نہ بن پائی ہم سے کوئی بات
ہماری کہی، ان کہی ہے
ابد بھی ہوا ختم المٰیؔ
اجل سامنے پھر کھڑی ہے
