پروین شاکر جگا سکے نہ ترے لب، لکیر ایسی تھی

[ایم اے راجا]

جگا سکے نہ ترے لب، لکیر ایسی تھی
ہمارے بخت کی ریکھا بھی میر ایسی تھی

یہ ہاتھ چومے گئے، پھر بھی بے گلاب رہے
جو رت بھی آئی، خزاں کے سفیر ایسی تھی

وہ میرے پاؤں کو چھونے جھکا تھا جس لمحے
جو مانگتا اسے دیتی، امیر ایسی تھی

شہادتیں مرے حق میں تمام جاتی تھیں
مگر خموش تھے منصف، نظیر ایسی تھی

کتر کے جال بھی صیاد کی رضا کے بغیر
تمام عمر نہ اڑتی، اسیر ایسی تھی

پھر اسکے بعد نہ دیکھے وصال کے موسم
جدائیوں کی گھڑی چشم گیر ایسی تھی

بس اک نگاہ مجھے دیکھتا، چلا جاتا
اس آدمی کی محبت فقیر ایسی تھی

ردا کے ساتھ لٹیرے کو زادِ رہ بھی دیا
تری فراخ دلی میرے ویر ایسی تھی

کبھی نہ چاہنے والوں کا خون بہا مانگا
نگارِ شہرِ سخن بے ضمیر ایسی تھی

(پروین شاکر مرحومہ، کی کتاب "خوشبو" سے انتخاب)

 

[محمد وارث]

شکریہ راجا صاحب، پروین شاکر کی خوبصورت غزل شیئر کرنے کیلیئے

 

[خرم شہزاد خرم]

بہت شکریہ راجا بھائی بہت خوب غزل ہے

 

[حسن علوی]

تمام غزل ہی سراپا کمال ھے مگر بیچ کے یہ تین شعر بہت پسند آئے:

کتر کے جال بھی صیاد کی رضا کے بغیر
تمام عمر نہ اڑتی، اسیر ایسی تھی

پھر اسکے بعد نہ دیکھے وصال کے موسم
جدائیوں کی گھڑی چشم گیر ایسی تھی

بس اک نگاہ مجھے دیکھتا، چلا جاتا
اس آدمی کی محبت فقیر ایسی تھی

بہت شکریہ راجا بھائی۔

 

[محمداحمد]

بہت شکریہ راجہ بھائی بہت اچھی غزل ہے پڑھ کر لطف آیا!

 

[ایم اے راجا]

آپ سب احباب کا بہت شکریہ۔

 

[ملائکہ]

بس ٹھیک غزل ہے کوئی اتنی خاص اچھی بھی نہیں ہے

 

[ایم اے راجا]

بس ٹھیک غزل ہے کوئی اتنی خاص اچھی بھی نہیں ہے

اچھا جی، چلیں پھر بھی شکریہ کہ آپ نے پڑھی تو، ویسے میری نہیں ہے اسلیئے جواب دے رہا ہوں ورنہ جواب ہی نہ دیتا

 

[ملائکہ]

اچھا جی، چلیں پھر بھی شکریہ کہ آپ نے پڑھی تو، ویسے میری نہیں ہے اسلیئے جواب دے رہا ہوں ورنہ جواب ہی نہ دیتا

نہیں اچھی لگی تو نہیں اچھی لگی جھوٹی تعریف کرنے کا کیا فائدہ

 

[محمداحمد]

نہیں اچھی لگی تو نہیں اچھی لگی جھوٹی تعریف کرنے کا کیا فائدہ

بالکل جھوٹی تعریف بھی نہیں کرنی چاہیے اور نہ ہی کلام پڑھتے ہوئے شاعر کے مقام کو اثر انداز ہونا چاہیے۔