جھینگوں کے کباب ۔

[حجاب]

جھینگوں کے کباب۔
٪٪٪٪٪٪٪٪٪٪٪٪٪٪٪٪٪٪٪٪٪٪

اجزاء۔
٪٪٪٪٪٪٪٪٪٪٪٪٪٪٪٪

جھینگے ۔ آدھا کلو۔
آلو ۔ 4 عدد درمیانے سائز کے۔
ادرک لہسن پسا ہوا ۔ ایک چائے کا چمچ۔
سفید مرچ پاؤڈر ۔آدھا چائے کا چمچ۔
کُٹی ہوئی سرخ مرچ ۔ آدھا چائے کا چمچ۔(سرخ مرچ نہ ڈالنا چاہیں تو ضروری نہیں )
نمک ۔ حسبِ ذائقہ۔
ڈبل روٹی کے سلائس ۔ 2 عدد۔
سفید تِل ۔ آدھی پیالی۔
اجینو موتو۔آدھا سے تھوڑا کم چائے کا چمچ۔
انڈے ۔ 2 عدد۔
سوئے کے پتّے تھوڑے سے باریک کٹے ہوئے ۔
ڈبل روٹی کا چورا ۔حسبِ ضرورت ۔
ہلدی ۔ آدھا چائے کا چمچ۔
آئل ۔ حسبِ ضرورت ۔

ترکیب ۔
٪٪٪٪٪٪٪٪٪٪٪٪٪٪٪٪
جھینگوں کو صاف کرکے ہلدی اور نمک لگا کر 10 منٹ تک پڑا رہنے دیں ، اب جھینگوں کو اچھی طرح دھو لیں ، اب جھینگے فوڈ پروسیسر یا بلینڈر میں پیس لیں ( جھینگوں میں پانی بالکل نہ ہو ) آلو اُبال کر میش کرلیں ، اب پسے ہوئے جھینگوں میں میش کیئے ہوئے آلو ، 2 ڈبل روٹی کے سلائس (کنارے کاٹ لیں ڈبل روٹی کے ) نمک ، سفید اور سرخ مرچ، ادرک لہسن اور سوئے کے پتّے ملا کر اچھی طرح مکس کرکے کباب بنا لیں ، اب کباب کو پہلے انڈے پھر ڈبل روٹی کے چورے اور تِل میں لپیٹتے ہوئے ڈیپ فرائی کرلیں ، کباب سنہرے ہوجائیں تو نکال کر چلی گارلک سوس کے ساتھ مزے سے کھائیں۔
٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪

 

[ماوراء]

حجاب، یہ کباب بنا کر کھائے ہیں کیا؟؟

 

[حجاب]

ہاں ماوراء بنائے ہیں اور کھائے ہیں ، منفرد ذائقہ لگا مجھے ،ٹرائی کرنا اگر جھینگے کھاتی ہو تو۔

 

[ماوراء]

ہاں بس یہی پوچھنا تھا اگر ذائقہ اچھا ہے تو بناؤں گی۔ جھینگے کھاتی ہوں لیکن زیادہ شوق سے نہیں۔ ابو کو پسند ہیں۔ ان کو بنا کر دوں گی۔

 

[حجاب]

اگر تم اس میں آلو نہ ڈالنا چاہو تو چنے کی دال یا مونگ کی دال بوائل کر کے میش کرکے بھی ڈال سکتی ہو۔

 

[ماوراء]

او کے صحیح ہے۔ لیکن میرا خیال ہے دال سے بہتر آلو ہی ہیں۔