جی میل میں اردو ٹرانسلٹریشن کا استعمال!

[نبیل]

ابھی محفل فورم کے رکن سخنور (فرخ منظور) کی نشاندہی پر جی میل میں اردو ٹرانسلٹریشن کی سپورٹ کے بارے میں علم ہوا۔ یہ یقیناً نہایت اہم پیشرفت ہے اور اس طرح اردو میں ای میل بھیجنا نہایت آسان ہو گیا ہے۔ میں اس پوسٹ میں جی میل میں اردو ٹرانسلٹریشن کی فیچر کو فعال کرنے اور اس کے استعمال کے بارے میں معلومات فراہم کر رہا ہوں۔

اپنے جی میل اکاؤنٹ میں اردو ٹرانسلٹریشن کو انیبل کرنے کے لیے سب سے پہلے Settings پر کلک کرکے سیٹنگز والے صفحے کو سامنے لے آئیں۔ اس کے بعد ذیل کی تصویر کے مطابق Show all language options پر کلک کریں جس سے چند مزید آپشنز ظاہر ہو جائیں گی۔

اضافی لینگویج آپشنز ظاہر ہونے کے بعد Enable Transliteration چیک باکس کو چیک کر دیں اور اس کے سامنے والے ڈراپ ڈاؤن لسٹ باکس میں Urdu کا انتخاب کر لیں جیسا کہ ذیل کی تصویر میں دکھایا گیا ہے۔ اس کے علاوہ دائیں سے بائیں ایڈیٹنگ کے لیے Right-to-left editing support on کو بھی منتخب کر لیں۔ اور اس کے بعد ان سیٹنگز کو محفوظ کر لیں۔

آپ کے جی میل اکاؤنٹ میں ٹرانسلٹریشن انیبل ہونے کے بعد جی میل کے ای میل ایڈیٹر کی ٹول بار میں ایک بٹن کا اضافہ ہو جائے گا جس پر کلک کرکے آپ اردو ٹرانسلٹریشن کا انتخاب کر سکتے ہیں جیسا کہ ذیل کی تصویر میں دکھایا گیا ہے۔

اردو ٹرانسلٹریشن کا انتخاب کرنے کے بعد آپ جی میل کے ایڈیٹر میں براہ راست ٹرانسلٹریشن کے ذریعے اردو لکھ سکتے ہیں جیسا کہ ذیل کی تصویر میں دکھایا گیا ہے۔

 

[arifkarim]

بہت خوب۔ اب تو رومن اردو سے آٹو میٹک ای میلز اصل اردو میں ہو جائیں گی، تقریباً!

 

[ابوشامل]

بہت پائے کی چیز ہے مجھے اگلے ایک سال میں تحریری اردو کا مستقبل بہت روشن دکھائی دے رہا ہے۔

 

[اشتیاق علی]

ارے واہ یہ تو کمال ہو گیا ۔

ارے بھائی اب تو اردو گوگل پر بھی ۔

 

[شاہ حسین]

شکریہ جناب نبیل صاحب اور جناب سخنور صاحب عمدہ معلومات ہے ۔

 

[میر انیس]

نبیل صاحب۔ جی میل میں اردو میں میل بھیجنے کی سروس ابھی شروع ہوئی ہے پر اردو لائف میں تو یہ کافی عرصہ سے موجود ہے۔ میرے خیال میں اردو لائف پہلی سائٹ تھی جس میں اردو میں ای-میل بھیجی جاسکتی تھی

 

[دوست]

جب سے یونیکوڈ موجود ہے تب سے نظری طور پر کسی بھی جگہ سے اردو ای میل بھیجی جاسکتی تھی۔ یہ الگ بات ہے کہ لوگوں‌ کو اس کا پتا نہیں‌ تھا۔ لوگ تو آج بھی اس بات سے بے خبر ہیں‌ کہ اردو میں چیٹ بھی ہوسکتی ہے اور ایم ایس ورڈ میں بھی اردو لکھی جاسکتی ہے۔

 

[فرخ]

بہت اعلٰی جناب
ویسے ہم اردو لکھنے والے تو یونیکوڈ کا فائدہ اُٹھا کر پہلے بھی جی میل میں اردو میں ہی لکھتے تھے اور ایم ایس این، یاہو وغیرہ میں‌بھی اردو میں ہی لکھ کر گپ شپ لگاتے تھے۔

یہ ان لوگوں کے لئے بہت مُفید ہے جو رومن اردو میں لکھنے کے عادی ہیں۔

 

[فرخ]

بہت پائے کی چیز ہے مجھے اگلے ایک سال میں تحریری اردو کا مستقبل بہت روشن دکھائی دے رہا ہے۔

مجھے آپ سے پورا اتفاق ہے، کیونکہ پائے میں بھی شوق سے کھاتا ہوں خاص طور پر سردیوں میں

 

[نبیل]

نبیل صاحب۔ جی میل میں اردو میں میل بھیجنے کی سروس ابھی شروع ہوئی ہے پر اردو لائف میں تو یہ کافی عرصہ سے موجود ہے۔ میرے خیال میں اردو لائف پہلی سائٹ تھی جس میں اردو میں ای-میل بھیجی جاسکتی تھی

اردو لائف پر صرف اردو ای میل بھیجنے کی سہولت موجود ہے۔ لیکن یہ کوئی ای میل سروس نہیں ہے۔ اس پر آپ جواب نہیں موصول کر سکتے ہیں اور نہ ہی آپ کی ای میلیں محفوظ رہتی ہیں۔

 

[ظہور احمد سولنگی]

گوگل والے لوکلائیزشن پر بڑا کام کررہے ان کی ایک پراڈکٹ میں بھی ترجمہ کررہا ہوں مگر سندھی میں ہے۔

 

[arifkarim]

گوگل والے لوکلائیزشن پر بڑا کام کررہے ان کی ایک پراڈکٹ میں بھی ترجمہ کررہا ہوں مگر سندھی میں ہے۔

کونسی؟؟؟؟؟؟؟؟؟؟

 

[محمد نعمان]

بہت خوب۔۔۔
بہت شکریہ نبیل بھائی اور فرخ بھائی

 

[sharfi]

سلام
بہت بہت شکریہ۔ خوشی ہوئی، آسانی ہوئی یہ جان کر۔ واہ جی واجی واہ واہ

 

[اشتیاق علی]

بھائی یہ کیا کر رہے ہیں آپ۔۔؟؟؟

 

[انصاری آفاق احمد]

السلام علیکم
جزاک اللہ

 

[سرفروش]

بہت خوب۔
ایک اور گزارش ہے کہ کوئی اچھا سا سافٹ ویئر بتا دیں جو انگلش سے اردو ترجمہ کرسکے۔ گوگل ٹرانسلیشن میں نے استعمال کی ہے لیکن اس میں بہت سی خرابیاں ہیں۔

 

[حسیب نذیر گِل]