حاصلِ زیست ۔ ۔۔ آزاد نظم

[محمود احمد غزنوی]

حاصلِ زیست​

تری دھڑکنوں کی آہٹ۔ ۔ ۔
ترے لمس کی حرارت۔ ۔
ترا دلنواز پیکر۔ ۔ ۔ ۔ ۔
کہ ہواؤں کی لطافت
ترے پھول سے لبوں کی
کلیوں سی مسکراہٹ۔ ۔ ۔ ۔
ترے قرب کی تمنا۔ ۔
غمِ ہجر کی بشارت۔ ۔ ۔ ۔ ۔
ترے سنگ بیتے لمحے ۔ ۔
ترے قرب کی وہ ساعت
تری بے نیازیاں سب ۔ ۔ ۔
مری بے ثمر سی چاہت۔ ۔ ۔
یہ سبھی تری عطا ہے۔ ۔ ۔
یہ سبھی تری عنایت ۔۔ ۔ ۔
یہی کل متاع میری ۔ ۔ ۔ ۔
یہی ہے مرا اثاثہ ۔ ۔ ۔ ۔
تری یاد اور تصوّر۔ ۔ ۔ ۔
مری زندگی کا حاصل۔۔ ۔ ۔۔

 

[الف عین]

اچھی نظم ہ0ے محمود۔ بس ایک مصرع ذرا بحر سے خارج ہے۔
کلیوں سی مسکراہٹ۔
باقی اشعار متفاعلن فعولن بحر میں ہیں، یہ مفعول فاعلاتن ہو گیا ہے۔

 

[محمود احمد غزنوی]

بہت شکریہ سر۔ ۔ ۔میں کوشش کرتا ہوں درست کرنے کی۔

 

[مغزل]

بہت خوب جناب ، ماشا اللہ ، ایک مصرع بحر سے ہٹ رہا ہے اور بابا جانی نے بھی نشاندہی کی ہے ، ۔
خاکسار کی جانب سے ہدیہ مبارکباد، اللہ کرے زورِ قلم اور زیادہ

 

[عمران شناور]

اچھی نظم ہے محمود صاحب شکریہ