حافظ مظہرالدین مظہر : مرے وطن ! تری جنت میں آوٗں گا اک دن

[سید زبیر]

مرے وطن ! تری جنت میں آوٗں گا اک دن
بہشت گوش تھے نغمات آبشاروں کے
نظر نواز تھے نظارے مرغزاروں کے
بھلاوں کیسے مناظر تری بہاروں کے
ستم شعاروں سے تجھ کو چھڑاوں گا ایک دن
مرے وطن! تری جنت میں آوں گا اک دن

شگفتگی گل و نسترن نہیں بھولی
حسین پھولوں کی وہ انجمن نہیں بھولی
وطن نجیر ، بہار وطن نہیں بھولی
اسی بہار میں پھر مسکراوں گا اک دن
مرے وطن! تری جنت میں آئیں گے اک دن

کلی کلی ترے گلشن کی مسکراتی تھی
نگاہ جلووں کے طوفاں میں ڈوب جاتی تھی
نسیم صحن چمن بوئے یار لاتی تھی
ذرا ٹھہر! وہی محفل بساوٗں گا اک دن
مرے وطن ! تری جنت میں آوٗں گا اک دن

ہجوم اہل محبت تھا خانقاہوں میں
وہ ذوق و شوق کے جلسے جمال گاہوں میں
سماں وہ پھرتا ہے اب تک وہ مری نگاہوں میں
حریم قدس میں دیپک جلاوٗں گا اک دن
مری وطن ! تری جنت میں آوٗں گا اک دن

وہ مہکی مہکی ہوائیں ' ہرے ہرے اشجار
وہ کالی کالی گھٹائیں ، وہ رقص ابرِ بہار
وہ مست مست فضائیں ، وہ عالم سرشار
اُسے نگاہ کا مرکز بناوٗں گا اک دن
مرے وطن !تری جنت میں آوٗں گا اک دن

جہادِ حق کے لیے کر رہا ہوں تیاری
دکھاوٗں گا صف دشمن کو شان قہاری
بھڑ سکیں مرے سامنے کہاں ناری
فضائے ہند میں پرچم اُڑاوٗں گا اک دن
مرے وطن تری جنت میں آوٗں گا اک دن

حافظ مظہر الدین مظہر

 

[عاطف بٹ]

جہادِ حق کے لیے کر رہا ہوں تیاری
دکھاوٗں گا صف دشمن کو شان قہاری
بھڑ سکیں مرے سامنے کہاں ناری
فضائے ہند میں پرچم اُڑاوٗں گا اک دن
مرے وطن تری جنت میں آوٗں گا اک دن

انشاءاللہ!!!
جزاک اللہ خیراً سر۔ بہت ہی عمدہ انتخاب ہے۔

 

[عمر سیف]

زبردست ۔۔

 

[عمراعظم]

جزاک اللہ خیر سید زبیر بھائی۔اللہ ہمارے جذبوں کو عمل اور پھر کامیابی وکامرانی میں بدل دے۔آمین

 

[سید شہزاد ناصر]

وہ مہکی مہکی ہوائیں ' ہرے ہرے اشجار
وہ کالی کالی گھٹائیں ، وہ رقص ابرِ بہار
وہ مست مست فضائیں ، وہ عالم سرشار
اُسے نگاہ کا مرکز بناوٗں گا اک دن
مرے وطن !تری جنت میں آوٗں گا اک دن

واہ بہت خوبصورت شراکت
لطف آیا پڑھ کر
اللہ آپ کو اپنی امان میں رکھے آمین

 

[تلمیذ]

بہت شکریہ محترم
ایک زمانے میں آزاد کشمیر ریڈیو سے یہ ملی نغمہ بہت نشر ہوا کرتا تھا۔

 

[محمد اسامہ سَرسَری]

ماشاءاللہ بہت اچھی شراکت ہے۔

دو جگہ غالبا ٹائپو ہوگیا ہے:

۱۔ سماں وہ پھرتا ہے اب تک وہ مری نگاہوں میں۔۔۔ دوسرا ”وہ“ نہیں ہونا چاہیے۔

۲۔ جہادِ حق کے لیے کر رہا ہوں تیاری
دکھاوٗں گا صف دشمن کو شان قہاری
ٹھہر سکیں گے مرے سامنے کہاں ناری
فضائے ہند میں پرچم اُڑاوٗں گا اک دن
مرے وطن تری جنت میں آوٗں گا اک دن

 

[یوسف-2]

جہادِ حق کے لیے کر رہا ہوں تیاری
دکھاوٗں گا صف دشمن کو شان قہاری
بھڑ سکیں مرے سامنے کہاں ناری
فضائے ہند میں پرچم اُڑاوٗں گا اک دن
مرے وطن تری جنت میں آوٗں گا اک دن

ماشاء اللہ بہت خوب
زبیر بھائی بہت بہت شکریہ۔ اس قدر خوبصورت نظم شیئر کرنے کا۔

 

[حسیب نذیر گِل]

ستم شعاروں سے تجھ کو چھڑاوں گا ایک دن
مرے وطن! تری جنت میں آوں گا اک دن
جزاک اللہ سید زبیر انکل

 

[شیزان]

اعلٰی انتخاب ہے زبیر بھائی۔

 

[منصور مکرم]

مرے وطن ! تری جنت میں آوٗں گا اک دن
بہشت گوش تھے نغمات آبشاروں کے
نظر نواز تھے نظارے مرغزاروں کے
بھلاوں کیسے مناظر تری بہاروں کے

سید زبیر صاحب ہم تو دیکھ چکے یہ نظارئے۔

دل کرتا ہے کہ بندہ رات دن بس ان نظاروں کو دیکھتا رہے۔

 

[الف نظامی]

آزادی کشمیر کے تناظر میں ، حافظ مظہر الدین مظہر کا تحریر کردہ ، بہت خوبصورت نغمہ!