فرخ منظور
لائبریرین
حاِصل ہو کسی کو نگہِ عُقدہ کُشا بھی
کھُلنے کو تو کھُل جائے تِرا بندِ قبا بھی
برہم مِری رِندی سے قدر بھی ہے قضا بھی
اب ان میں اضافہ ہے تِری زُلف ِ دوتا بھی
اِک عشق ہے آزاد سزا اور جزا سے
ہر اِک کیلئے ورنہ سزا بھی ہے جزا بھی
تا دیر تِری زُلف ِ سمن بُو رہی موُضوع
کل خلوت ِ مے خانہ میں ہم بھی تھے صبا بھی
اُن سے مِری بیماریِ دل میں ہے اضافہ
ہے رُوحِ شفا جن کے تنفُّس کی َہوا بھی
پرہیز نہ کر بادۂ گُل فام سے اے شیخ
اِس زہر میں موجُود ہے دارُوئے شفا بھی
اخلاص ہو مفقوُد تو اے واعظِ خُوش گو
الفاظ ہی الفاظ ہیں تسبیح و ثنا بھی
کیا اُلٹا زمانہ ہے کہ ہر سمت ہیں پہرے
ہے بند سُلیماں کے لئے شہر ِ سبا بھی
بیٹھے ہوں سرِ راہ جو یارانِ خرابات
کُنجوں سے دبے پاؤں گزرتی ہے صبا بھی
اے زُہرہ وشو راہِ وفا میں مِرے ساتھ آؤ
اِس راہ میں رہزن بھی ہُوں مَیں راہنُما بھی
معلُوم ہُوا زُہد فروشانِ حرَم سے
اک ِجنس ہے بازارِ عقیدت میں خُدا بھی
اے وائے تذُبذب کہ اگر پردۂ اَسرار
اُلٹُوں تو اُلٹ جائے بساطِ دو سرا بھی
اے تازگیِ رُوئے غزالانِ خرابات
دَم سے ہےتِرے تازگیِ آب و ہَوا بھی
یہ شوق کا عالم ہے سرِ منزلِ جاناں
چلتے ہیں مِرے ساتھ نقُوشِ کفِ پا بھی
اس طرح کِیا تیز سبُو نے مِرا احساس
سُنتا ہُوں سکُوت ِ ابدیّت کی نوا بھی
کہہ دو کہ جو کر دے قدحِ بادہ مقررّ
گردش اُسی رستے پہ کریں ارض و سما بھی
اے آہُوئے آوارہ اِرادہ ہے کہاں کا
دل بادہ گساروں کا خُتن بھی ہے خطا بھی
دونوں سے مِری رُوح نے باندھے نئے پیماں
کل رات کہ بُت بھی تھے مِرے ساتھ خُدا بھی
ہوتا ہے یہاں مُثبت و منفی میں تصاُدم
قوسِ لب ِ شاہد میں فنا بھی ہے بقا بھی
وُہ پردۂ اَسرار ہو یا پردۂ محمل
ہاتھ اپنے پہنچ جائیں گے بے اذن و صَلا بھی
مَیں گردشِ ایّام پہ مرتا ہُوں کہ اِس میں
خُو بُو بھی تِری ہے تِرے انداز و ادا بھی
کام آ ہی گیا تجربۂ زُلفِ نگاراں
آسُودہ ہیں ہم لوگ تہِ دامِ بَلا بھی
رکّھا ہے مِری خاک میں تُونے شررِ ہوش
اب کیا اسے سمجھُوں کہ سِتم بھی ہے عطا بھی
بہکا ہی نہ دے ہم نفَسو مُجھ کو مِرا عِلم
عالِم بھی ہُوں آئینۂ جہلِ عُلما بھی
دیکھا ہے ظفرؔ تجھ کو خرابات میں ہم نے
تُجھ کو بھی ہے دعوائے کرامت ، ارے جا بھی !
(سراج الدین ظفرؔ)
کھُلنے کو تو کھُل جائے تِرا بندِ قبا بھی
برہم مِری رِندی سے قدر بھی ہے قضا بھی
اب ان میں اضافہ ہے تِری زُلف ِ دوتا بھی
اِک عشق ہے آزاد سزا اور جزا سے
ہر اِک کیلئے ورنہ سزا بھی ہے جزا بھی
تا دیر تِری زُلف ِ سمن بُو رہی موُضوع
کل خلوت ِ مے خانہ میں ہم بھی تھے صبا بھی
اُن سے مِری بیماریِ دل میں ہے اضافہ
ہے رُوحِ شفا جن کے تنفُّس کی َہوا بھی
پرہیز نہ کر بادۂ گُل فام سے اے شیخ
اِس زہر میں موجُود ہے دارُوئے شفا بھی
اخلاص ہو مفقوُد تو اے واعظِ خُوش گو
الفاظ ہی الفاظ ہیں تسبیح و ثنا بھی
کیا اُلٹا زمانہ ہے کہ ہر سمت ہیں پہرے
ہے بند سُلیماں کے لئے شہر ِ سبا بھی
بیٹھے ہوں سرِ راہ جو یارانِ خرابات
کُنجوں سے دبے پاؤں گزرتی ہے صبا بھی
اے زُہرہ وشو راہِ وفا میں مِرے ساتھ آؤ
اِس راہ میں رہزن بھی ہُوں مَیں راہنُما بھی
معلُوم ہُوا زُہد فروشانِ حرَم سے
اک ِجنس ہے بازارِ عقیدت میں خُدا بھی
اے وائے تذُبذب کہ اگر پردۂ اَسرار
اُلٹُوں تو اُلٹ جائے بساطِ دو سرا بھی
اے تازگیِ رُوئے غزالانِ خرابات
دَم سے ہےتِرے تازگیِ آب و ہَوا بھی
یہ شوق کا عالم ہے سرِ منزلِ جاناں
چلتے ہیں مِرے ساتھ نقُوشِ کفِ پا بھی
اس طرح کِیا تیز سبُو نے مِرا احساس
سُنتا ہُوں سکُوت ِ ابدیّت کی نوا بھی
کہہ دو کہ جو کر دے قدحِ بادہ مقررّ
گردش اُسی رستے پہ کریں ارض و سما بھی
اے آہُوئے آوارہ اِرادہ ہے کہاں کا
دل بادہ گساروں کا خُتن بھی ہے خطا بھی
دونوں سے مِری رُوح نے باندھے نئے پیماں
کل رات کہ بُت بھی تھے مِرے ساتھ خُدا بھی
ہوتا ہے یہاں مُثبت و منفی میں تصاُدم
قوسِ لب ِ شاہد میں فنا بھی ہے بقا بھی
وُہ پردۂ اَسرار ہو یا پردۂ محمل
ہاتھ اپنے پہنچ جائیں گے بے اذن و صَلا بھی
مَیں گردشِ ایّام پہ مرتا ہُوں کہ اِس میں
خُو بُو بھی تِری ہے تِرے انداز و ادا بھی
کام آ ہی گیا تجربۂ زُلفِ نگاراں
آسُودہ ہیں ہم لوگ تہِ دامِ بَلا بھی
رکّھا ہے مِری خاک میں تُونے شررِ ہوش
اب کیا اسے سمجھُوں کہ سِتم بھی ہے عطا بھی
بہکا ہی نہ دے ہم نفَسو مُجھ کو مِرا عِلم
عالِم بھی ہُوں آئینۂ جہلِ عُلما بھی
دیکھا ہے ظفرؔ تجھ کو خرابات میں ہم نے
تُجھ کو بھی ہے دعوائے کرامت ، ارے جا بھی !
(سراج الدین ظفرؔ)