حد جاں سے گزرنا چاہتی ہیں

[رہ وفا]

 

[اشتیاق علی]

رہ وفا محفل میں خوش آمدید۔ بہت اچھی غزل ہے۔

 

[فاتح]

اٹھاؤ آفتابِ رخ سے پردہ
مری صبحیں اُترنا چاہتی ہیں
​

سبحان اللہ! اس خوبصورت تخلیق پر مبارک باد قبول کیجیے سجادؔ انور صاحب۔
ہم ہنوز آپ کے تعارف کے منتظر ہیں۔

 

[شاہ حسین]

اچھا کلام ہے محترم امید ہے اردو محفل کو آپ مزید کلام سے نوزاتے رہیں گے ۔ خوش آمدید ۔

 

[الف عین]

اچھا کلام ہے، لیکن تصویری شکل میں کیوں؟

 

[ایم اے راجا]

خوش آمدید۔
بہت خوب لاجواب

 

[مغزل]

کیا کہنے جناب، واہ ، کیا عمدہ کلام ہے ’’ رہ ِ وفا ‘‘ / ’’ سجاد ‘‘ صاحب، مبارکباد قبول کیجے ۔

 

[اداس]

حد جاں سے گزرنا چاہتی ہیں
امنگیں رقص کرنا چاہتی ہیں

تری یادوں‌کی چوکھٹ پر یہ آنکھیں
دیے کی طرح جلنا چاہتی ہیں

کبھی گزرو مرے دل کی گلی سے
کہ یہ راہیں سنورنا چاہتی ہیں

جو گزرے ہیں تری یادوں‌میں لمحے
وہیں‌سانسیں ٹھہرنا چاہتی ہیں

مری تنہائیاں بھی سر پھری ہیں
جدائی سے مکرنا چاہتی ہیں

اٹھاؤ آفتاب رخ سے پردہ
مری صبحیں اترنا چاہتی ہیں

چلو سجاد اس کو ڈھونڈتے ہیں
کہ امیدیں بکھرنا چاہتی ہیں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔​

بہت خوب!

 

[رہ وفا]

حوصلہ افزائی کے لئے سب دوستوں کا شکریہ

 

[مغزل]

اداس آپ نے تحریر کرکے سرشار کردیا۔ بہت شکریہ۔