حروف تہجی سے 'ق' باہر نکال پھینکا

[محمد ریحان قریشی]

اردو کو اردو کی طرح ہی بولنے اور لکھنے میں کیا حرج ہے؟

ایسا کرنے سے ہم کون سے "اہلِ زبان" ہو جائیں گے۔

 

[محمد تابش صدیقی]

درست فرماتے ہیں آپ۔ ہمیں شاید اپنے لیے کوئی اور زبان تلاش کرنی چاہیے۔

یا میرے سمجھانے کا انداز غالباً درست نہیں ہے، کیونکہ میں خود اردو قواعد کا عالم نہیں ہوں۔
بہتر ہو گا کہ اردو قواعد کے اساتذہ کی آراء سامنے آئیں۔

 

[محمد تابش صدیقی]

ایسا کرنے سے ہم کونسے "اہلِ زبان" ہو جائیں گے۔

اہلِ زبان کی تعریف بھی اگر کوئی زبان و قواعد کا استاد بہتر بتا سکے تو اچھا ہو گا۔

میں نے جو بات کی وہ اپنے تجربہ اور مشاہدہ کی کی ہے۔

 

[وجاہت حسین]

سونی دھرتی اللہ رکھے کدم کدم آباد تجھے، کدم کدم آباد

کدم کدم آباد تو سرا سر زُلَم ہے۔ زلم ناں کیا کریں ناں! بس اپنی تاکت کے متابک ہر وکت اللہ کا زکر کیا کریں جو زاہر بھی ہے اور باتن بھی۔ جس کے ہُکَم سے سورج تَلو اور گروب ہوتا ہے۔ این ممکن ہے کہ اس زرییے سے آپ کو اس کی کربت ہاسل ہو جائے۔

 

[محمد ریحان قریشی]

رشید احمد صدیقی نے اپنے ایک مضمون میں اقبال کے 'ق' کے تلفظ کا ذکر کیا تھا۔ وہ بیچارے بھی ہماری طرح اہلِ زبان نہیں تھے شاید۔

 

[محمد تابش صدیقی]

رشید احمد صدیقی نے اپنے ایک مضمون میں اقبال کے 'ق' کے تلفظ کا ذکر کیا تھا۔ وہ بیچارے بھی ہماری طرح اہلِ زبان نہیں تھے شاید۔

اگر وہ ذکر یہاں مکمل آ جائے تو مناسب رہے گا۔
اور کیا اقبال نے یا رشید احمد صدیقی نے اصل تلفظ کو رد کیا ہے، یا ق کے لیے ک کے تلفظ کو بالکل درست قرار دیا ہے؟

یہ نفی نہیں ہے، علم نہ ہونے پر سوالات ہیں؟

 

[محمد ریحان قریشی]

اگر وہ ذکر یہاں مکمل آ جائے تو مناسب رہے گا۔
اور کیا اقبال نے یا رشید احمد صدیقی نے اصل تلفظ کو رد کیا ہے، یا ق کے لیے ک کے تلفظ کو بالکل درست قرار دیا ہے؟

یہ نفی نہیں ہے، علم نہ ہونے پر سوالات ہیں؟

اس ربط پر ملاحظہ فرمائیں:
علامہ اقبال: رشید احمد صدیقی

 

[وصی اللہ]

کم از کم پنجابی بولنے والوں کی اولاد جن سے شروع سے ہی اردو بولی گئی وہ تو اہلِ زبان نہیں

تو پھر اہل زبان کون ہیں، جن کی زبان باہر نکلی ہوتی ہے؟؟

 

[جاسمن]

اللہ کے ذکر کی بجائے کسی اور موضوع پہ جملے استعمال کریں تو بہتر ہوگا۔@وجاہت حسین

 

[جاسمن]

خدارا اب اہلِ زبان اور نااہلِ زبان کا رولا نہ شروع ہوجائے۔(افسوسناک)

 

[محمد تابش صدیقی]

اس ربط پر ملاحظہ فرمائیں:
علامہ اقبال: رشید احمد صدیقی

یہ تذکرہ بتا رہا ہے کہ رشید احمد صدیقی کے لیے یہ تعجب کی بات تھی۔ اگر یہ رائج تلفظ ہوتا تو اس کا یوں تذکرہ نہ ہوتا۔

 

[محمد تابش صدیقی]

خدارا اب اہلِ زبان اور نااہلِ زبان کا رولا نہ شروع ہوجائے۔(افسوسناک)

کوئی رولا نہیں جاسمن بہن۔ پریشان نہ ہوں۔
کسی کو اردو بولنے سے نہیں روکا کیا جائے گا۔

 

[محمد ریحان قریشی]

اگر یہ رائج تلفظ ہوتا تو اس کا یوں تذکرہ نہ ہوتا۔

میں نے کب کہا کہ یہ رائج تلفظ ہے؟ درست و رائج تو وہ ہے جو آپ ایسے اہلِ زبان ادا کرتے ہیں جن میں میں اور اقبال شامل نہیں.

 

[محمد تابش صدیقی]

میں نے کب کہا کہ یہ رائج تلفظ ہے؟ رائج تو وہ ہے جو آپ ایسے اہلِ زبان ادا کرتے ہیں جن میں میں اور اقبال شامل نہیں.

میں نے کبھی نہیں سوچا تھا کہ اردو کا اہل زبان نہ ہونا کوئی معیوب بات ہے۔
اور اس بات کا اعتراف کرنے میں کچھ تامل نہیں ہے کہ بہت سے ایسے افراد جن کی مادری زبان اردو نہیں ہے، وہ اردو سپیکنگ سے بہتر اردو بول لیتے ہیں۔ اور تلفظ کی ادائیگی بھی اردو اہل زبان سے بہتر کرتے ہیں۔
یہ کوئی کمتری یا برتری والی بات تو نہیں ہے۔

 

[محمد ریحان قریشی]

بہت سے ایسے افراد جن کی مادری زبان اردو نہیں ہے، وہ اردو سپیکنگ سے بہتر اردو بول لیتے ہیں۔

جب اردو کا معیار اہلِ زبان ہیں تو ایسا کیونکر ممکن ہے؟

مادری زبان اردو نہیں ہے

آپ بتا سکتے ہیں کہ میری مادری زبان کیا ہے؟ کیونکہ میں تو بچپن سے صرف اردو ہی بولتا آیا ہوں. میرے علاقے میں پہاڑی زبان بولی جاتی ہے جو مجھے بولنی نہیں آتی.

 

[محمد تابش صدیقی]

جب اردو کا معیار اہلِ زبان ہیں تو ایسا کیونکر ممکن ہے؟

اہل زبان کے معیار ہونے کا ہرگز یہ مطلب نہیں ہے کہ اہل زبان جو لفظ جس طرح چاہے بولے، اسے درست تلفظ سمجھ لیا جائے۔
آپ کی یہ بات پتہ نہیں کیوں محض بحث برائے بحث لگ رہی ہے، جس میں ہمیشہ گریز کرتا ہوں۔ اگر یہ بد گمانی یھ تو معذرت۔
باقی وضاحت آپ کسی اردو قواعد کے استاد سے لے لیجیے گا۔

 

[عثمان]

عام بول چال میں بھی معیار اہلِ زبان کو ہی سمجھا جاتا ہے۔

ایسا ہوتا تو برطانوی انگریزی ہی انگریزی سمجھی جاتی۔ امریکی انگریزی حاوی نہ ہوتی۔

 

[محمد تابش صدیقی]

ایسا ہوتا تو برطانوی انگریزی ہی انگریزی سمجھی جاتی۔ امریکی انگریزی حاوی نہ ہوتی۔

امریکی انگریزی بھی انگریزی کا مستند تلفظ ہے۔ یہ انگریزی کے رائج لہجوں میں سے ایک لہجہ ہے۔

 

[عثمان]

امریکی انگریزی بھی انگریزی کا مستند تلفظ ہے۔ یہ انگریزی کے رائج لہجوں میں سے ایک لہجہ ہے۔

یعنی زبان کے تلفظ اور لہجے ایک سے زائد ہوتے ہیں اس میں "اہل زبان" کی کوئی پابندی نہیں۔

 

[محمد تابش صدیقی]

یعنی زبان کے تلفظ اور لہجے ایک سے زائد ہوتے ہیں اس میں “اہل زبان” کی کوئی قید نہیں۔

آپ کے نزدیک اہل زبان کا مطلب؟