حسابِ عمر میں گزری شبِ سیاہ تمام

[La Alma]

حسابِ عمر میں گزری شبِ سیاہ تمام
کہ رات چھان لیا دفترِ گناہ تمام

بعید کیا ہے مجسم خطا ہی آئے نظر
وجودِ خاک پہ جب ڈالیے نگاہ تمام

کریں تو کیا کریں رندانِ تشنہ کام ترے
مئے تمام، مراسم تمام، چاہ تمام

نظامِ دہر ہمیشہ سے ہے رہینِ ستم
کہ ضربِ کُن سے کسی دم ہوئی نہ آہ تمام

چِھڑا جو ذکر کبھی حرفِ معتبر کا یہاں
مِری سخن وری کے چپ رہے گواہ تمام

رہِ حیات میں المٰی ہزار فتنے اُٹھے
غضب کی چال چلے رہروانِ راہ تمام ​

 

[حمیرا عدنان]

واہ واہ زبردست لاجواب.

 

[نور وجدان]

بہت خوب غزل ہے، لاجواب
کہ ضربِ کُن سے کسی دم ہوئی نہ آہ تمام

ضرب کن تو شاید خود ہی آہ ہے نا؟

چِھڑا جو ذکر کبھی حرفِ معتبر کا یہاں

حرف معتبر کی کچھ سمجھ نہیں آئی ... لفظ آپس میں بول رہے ہیں گویا مگر پھر بھی کچھ واضح کردیں پلیز

 

[محمد خلیل الرحمٰن]

خوب صورت۔ خوب صورت!!!

 

[محمد ریحان قریشی]

واہ!
ہمیشہ کی طرح لاجواب. بہت سی داد قبول فرمائیے.
چند گزارشات عرض کرنا چاہوں گا.

مئے تمام، مراسم تمام، چاہ تمام

مئے تمام مرکبِ توصیفی ہے جو یہاں کچھ غریب معلوم ہوتا ہے. اسے یوں کر لیں تو شاید بہتر رہے:
ہے مے تمام مراسم تمام چاہ تمام

مِری سخن وری کے چپ رہے گواہ تمام

سخن وری فارسی الاصل ہے اور اس کی 'ی' کا اسقاط غیر مستحسن. جو متبادل بآسانی میسر ہے اس میں بیان کچھ الجاؤ کا شکار ہو جاتا ہے لیکن میں بذاتِ خود اسے ترجیح دوں گا:
سخن وری کے مری چپ رہے گواہ تمام

 

[La Alma]

واہ واہ زبردست لاجواب.

بہت نوازش حمیرا !

 

[محمد عدنان اکبری نقیبی]

زبردست بہت بہت عمدہ ۔

 

[La Alma]

ہت خوب غزل ہے، لاجواب

بہت شکریہ نور!

حرف معتبر کی کچھ سمجھ نہیں آئی ... لفظ آپس میں بول رہے ہیں گویا مگر پھر بھی کچھ واضح کردیں پلیز

تعلی سمجھ کر نظر انداز کر دیجئے۔ وضاحت کی تو شرمندگی ہو گی۔

 

[La Alma]

خوب صورت۔ خوب صورت!!!

بہت شکریہ سر !

 

[La Alma]

زبردست بہت بہت عمدہ ۔

شکر گزار ہوں۔

 

[La Alma]

واہ!
ہمیشہ کی طرح لاجواب. بہت سی داد قبول فرمائیے.
چند گزارشات عرض کرنا چاہوں گا.

قدر افزائی کے لیے ممنون ہوں۔

مئے تمام مرکبِ اضافی ہے جو یہاں کچھ غریب معلوم ہوتا ہے. اسے یوں کر لیں تو شاید بہتر رہے:
ہے مے تمام مراسم تمام چاہ تمام

نشان دہی کے لیے شکریہ۔
"ہمے" تقطیع ہو گا۔کیا "سبو تمام" ٹھیک رہے گا؟

سخن وری فارسی الاصل ہے اور اس کی 'ی' کا اسقاط غیر مستحسن. جو متبادل بآسانی میسر ہے اس میں بیان کچھ الجاؤ کا شکار ہو جاتا ہے لیکن میں بذاتِ خود اسے ترجیح دوں گا:
سخن وری کے مری چپ رہے گواہ تمام

بہتر! بہت شکریہ۔

 

[محمد ریحان قریشی]

"سبو تمام" ٹھیک رہے گا؟

بہترین۔

 

[محمد وارث]

عمدہ غزل ہے، بہت خوب!

 

[La Alma]

عمدہ غزل ہے، بہت خوب!

بہت نوازش۔

 

[اکمل زیدی]

خوبصورت غزل۔۔۔

 

[La Alma]

خوبصورت غزل۔۔۔

بہت شکریہ!

 

[ظہیراحمدظہیر]

بہت خوب! کیا اچھے اشعار ہیں!
اچھی غزل ہے !

 

[جاسمن]

خوبصورت غزل

حسابِ عمر میں گزری شبِ سیاہ تمام
کہ رات چھان لیا دفترِ گناہ تمام

چِھڑا جو ذکر کبھی حرفِ معتبر کا یہاں
مِری سخن وری کے چپ رہے گواہ تمام

واہ واہ!

 

[سید عاطف علی]

کہ رات چھان لیا دفترِ گناہ تمام

واہ بہت خوب غزل ہے ، شاد رہیں ۔